XiaoMayLi的个人专页

放工口痕見到買咗幾舊糕點返去屋企食。點知一咬落去就中伏。個紅豆卷塊糯米皮係硬嘅，同之前買過嘅完全唔同，唔知擺咗幾耐打電話去問。聽電話個嬸嬸堅持話啲貨係今日新鮮返，只係擺咗喺雪櫃整硬咗，話睇埋其他紅豆卷都係硬身，仲話攤返喺室溫就會正常返可以食嘗試合理化成件事，但完全唔make sense。自己都整過糯米糍，新鮮嘅糯米皮就算擺咗入雪櫃，用保鮮紙包好唔會硬到咁。完全唔夠膽再食！希望店家可以睇到呢個留言改善下，賺錢都要有良心，唔好俾啲劣質食物客人。…查看更多

本身落單嘅時候，叫咗一個餸咕嚕肉$39。等咗幾個人叫到飛話冇晒，想退款唔買，啲阿姐又態度好差咁話唔得，局你揀過第二樣。（唔知係公司policy 定係啲阿姐唔想煩，費事退款啦。真係想知如果嗰個人係食素，而啲餸剩返全部都係肉，咁你叫嗰個人點樣揀個第二款餸？）結果局住揀咗一個椒鹽豬扒，結果難食到飛起。外皮好重粉，又鹹又重味精，食咗一塊已經要不斷飲水。完全中晒伏！見過鬼怕黑，唔會再幫襯呢一間野！🤮🤮🤮🤮🤮…查看更多