yyou266的個人專頁

Ruby Tuesday 一向都係有會員先會去嘅餐廳，但之前經過佢有set lunch, 就無做會員都去試吓。佢嘅午餐包餐湯或沙律，但唔包飲品，飲品＋15。叫咗肉眼扒和豬排骨＋餐湯＋凍檸檬茶叫做平咗嘅肉眼扒都要288但比正常嘅薄，都有燒過嘅香味。都算剛合格嘅。豬排骨158, 就唔多對板了，啲肉一切就散，完全唔似剛燒出嚟，又鞋，又乾，食咗一半已經食唔落去。還有凍檸檬茶都可以出事，完全無茶味，亦無檸檬味。。價格雖然比平時平咗，但都唔可以俾呢啲質素人食呀！真係唔會再去了！…查看更多

蘭芳園這個名聽咗好耐，亦經過好多次呢間店。但每次都見好多人等位，門口等外賣嘅人都好多。難得今日行過無人等位，咁啱仲唔駛搭檯，就有機會試吓。入到去地方唔大，大概只有七，八張圓檯，見好多人都叫窩旦牛肉飯，豬扒飯。佢嘅價錢亦唔係算貴 ，大概都係$40-60一般都包埋飲品。但有每位$20的最低消費。可能之前遊客太多，怕太多人入去淨坐叫一兩樣嘢。佢杯奶茶唔明點解咁出名，其實只係一般，至於豬扒意粉係ok嘅，啲意粉爽口，唔冧。整體啲食物和價格都ok。還有招呼都算唔錯。起碼比好多名店客氣…查看更多

今日到新都城下午茶，無咩目標，想起新嚟開咗間東南亞餐廳就去試試。嚟到3：00,已經無咩人平日下午茶2：30開始，星期六，日假期就3：00開始。坐在架位舒適，員工亦很有禮貌。下午茶選擇不多只有三款，和四款茶配搭。但都正常不錯的。我揀了蝦湯雞絲麵。我叫員工給我一杯水，他還問我凍水還是熱水，我要熱的，我心想真貼心。但等了又等都無水給我，我再叫同一位員工，佢就隨便給我一杯凍水麵到了我叫一位女員工給我一些辣醬，她好認真我答，好我攞俾你，又等等等。。。又無攞嚟又要再叫，這間店是不錯的，但招呼有些特別…查看更多

一間茶餐廳真係要經得起時間考驗，先可以為持幾十年。翠華當年系中環，銅鑼灣以脆奶豬，奶茶打響名堂上埋市。依架就被人評為極之一般或者係差。除左食物質素參差之外，裝修同員工都出現好多問題。同埋佢俾人嘅印象係貴價。但其實依家間間茶餐廳都差唔多咁貴。講番食物質素尚德商場呢間係可以合呼水準嘅，但希望佢轉番一啲正常啲嘅碗裝湯河啦！一面高，一邊低，啲水差啲差掉晒出嚟，同埋咁樣河粉嘅份量少咗。同樣將軍澳另一間系厚德商場嗰間啲食物質素就差了，而且衛生亦麻麻地，檯面都是黏黏的。叫炒飯會用一個深綠色嘅兜裝俾人，好似餵狗咁。。麻煩佢真係改善吓，執吓執遲早無晒。。。…查看更多

這間酒店一向都標榜要book 咗檯先會有位。這點已經知道了。這天是星期日，我就早三天預訂了檯。中午12：30。到了星期日，我未到12：30已去拎檯，但訂檯的說沒有記錄，而且態度很差好像我欺騙她，我無訂檯扮訂咗檯似的。我都當然不服氣。。。另一位知客就問會唔會打錯去其他分店訂檯，哪就提醒我，我睇番電話記錄，是星期三打出的記錄，明明是尖沙咀這間喎！亦俾佢睇。雖知第一個知客竟然說，你打咗電話遮唔等如你有訂檯呀！哈哈，我就是為了要到你這裡飲茶，要攪咁多嘢嗎。。。態度非常差，好像我是要欺騙訂了檯，非要到此飲茶不可。難道你這天免費不用付款嗎？？我要做定咁多嘢嚟飲餐茶。以後也不會去，一間所謂高級酒樓是這樣招呼客人嗎😖…查看更多

見倒好多食客都對這間中餐館寫上負評，但我食過好幾次，其實又唔係咁差喎！而且環境算唔錯，有落地窗口位更佳。講番食物質素我食過佢嘅長腳蟹買斤幾足秤，四個人食只叫幾多個菜，魚就夠晒。。。但佢啲炒菜係飄忽嘅有，試過叫鮮魷炒時菜，就真係唔掂，啲鮮魷好假，好似機制咁。食吓炒菜算了。而佢有個孖寶魚＋燒雞就幾好只係$168,份量同食味以這個價超值了。至於龍蝦相信好多人都食過，中午都好多人會叫$238連伊麵足量，我食過幾次都唔錯。可能位置問題平日，假日都唔多人，鐘意佢嘅其中一個原因係唔駛等位😅👍…查看更多

今日中午專誠到方榮記打火鍋，揀中午一嚟無咁多人，兩嚟可以叫河粉食，好似會正常啲。其實未系度打過火鍋只係聽佢嘅名氣好耐所以一試。之前下午茶時段經過入嚟食碗牛什河就覺得好滿意（下午茶時段都見有人打緊火鍋） 。今日都叫咗一碗牛什河，一碗沙嗲牛肉麵（講到好掂，必試，仲要成70蚊）,但我就唔識欣賞了。講番火鍋，叫左右一個牛肉湯窩底，一份$200嘅牛肉，一份大嘅菜，一碟牛丸，魚旦，響鈴，魚肉。以上嘅火鍋配料其實無咩好講，全部都係一般。無一樣特別出色。所以，以後經過都係食碗牛什河算了😁…查看更多

意粉屋其實已經開咗超過20年，以前經常會去食，而且買兩送一嘅下午茶套餐相信好多人都試過，仲又食又拎😅，但近呢幾年好似忘記左佢咁，一次都無去。今日咁啱去Moko 又到咗晚飯時間，本來想去打火鍋，去湊湊鍋攞票，話要等半小時。四圍行見倒意粉屋雖然一樣要等位，但十分鐘就有位，坐落見附近食嘅石燒牛扒好靚，另外，有個龍蝦意粉賣相又好，再加多份蒜蓉包，好香牛油味焗得剛剛好，個邊脆中間軟，正。見無要湯就要個特飲椰子紅豆。。味道唔錯。又多番一間可以去嘅餐廳😁…查看更多

這次已經是第三次到明星金閣，位置方便，所以又係揀佢。幾次水準都差唔多。但這次的燒鵝明顯較老，聖子以住食蒜蓉粉絲蒸。今次豉椒炒，比之前有鮮味和生熟度剛好👍龍蝦上湯伊麵，龍蝦亦唔算細，食味唔錯。今次點了剛上市的羊腩煲，但水準好一般，無幾多件好肉，以238這個價唔值。今日星期三晚上平日，但見都坐滿人，可能是因為放寬了12人飯聚，特別多人出嚟食飯。但無影響佢嘅上菜速度，一樣好快就上齊，其實唔駛咁快有啲趕，太多嘢一齊上張檯都放唔落，亦食得好急，員工都好難做，菜又嚟咗，又無位落。希望改善吓！…查看更多

想嘗試呢間好耐，但見好多食評都麻麻地，一直無試。今日終於試吓。中午茶，價錢合理，啲員工好勤快，好似無分樓面傳菜。地方就唔係大，但坐落都可以唔迫。今日食點心炒個河粉。河粉有鑊氣，依家都己經好少有。大新份食客都有炒粉麵 同埋好多都係熟客。點心即叫即蒸，需然等得耐啲但熱辣辣正。炸咸水角有水準，見人哋叫其他炸野都好靚。剛剛中午都有人入嚟打火鍋，火鍋爐有特式，係傳統有個煙通嗰類。但火鍋一啲都唔平，未試過，有機會會試吓。飲茶嘅會再去…查看更多

今日其他酒樓一早已好多人等位突然想起呢間，咁啱佢今日開始有早茶。點心都算正常，但牛肉腸有啲生，差不多食晒先發現:(假期優惠點心都只係平均$24，都算平，但選擇少。屬於新派酒樓，再睇佢正常餐牌嘅點心就不便宜了，平均要$40-50。另外，佢嘅水杯，用透明玻璃杯，好似茶餐廳，同佢嘅風格好唔協調。不過要讚吓啲員工，好勤快，自動幫你執檯加水👍…查看更多