大貓貓的個人專頁

9年無寫過食評了今年無夜市，團年飯都無得食，唯有叫盤菜係屋企團年。老公話食話呢間海南雞ok. 就話要訂呢間盤菜。 原來佢係第一年做，連相都無，又無食評參考。就膽粗粗冒死（唔好食會剩番好多，唔想浪費，屋企人都嘴diu）嘅精神去試下。最後訂左6-8 人盤菜，雖然攞盤菜等左成半個鐘，不過見都擺得幾靚就算啦鮑魚都入味、蠔豉ok、魷魚🦑幾爽、豬皮好味、魚蛋係泰國粉麵嘅細粒魚蛋、芋頭好粉，係蝦就差啲，可能係要整定嘅關係，不過都幾大隻。整體黎講唔錯，性價比高，最緊要唔會太重味，因為多數盤菜都好重味。我地5個人食，最終都係食唔晒要留番第二日食…查看更多

食左呢間嘢幾年，質數正常。今日唔舒服諗住叫個外賣攞走，點知俾老闆娘趕走，唔做即場外賣。之前係度食，都有見佢唔做啲客嘅生意。唉！點知今次輪到自己。純粹講吓呢間嘢嘅服務質數。想唔想一路食飯一路受氣就自己諗下啦…查看更多

想講我好多年前已經間唔時會去恆河。覺得佢啲嘢食有水準，服務亦都👌🏻，老闆好nice。 時隔多年，尋晚再去同朋友食飯，一坐底已見到原來轉左手。由印度人接手，我覺得無所謂啦，食飯姐，邊個做都好，啲嘢食好咪就得。同朋友睇完餐牌，印度人老闆過黎落單，落完一個餐後同朋友講左兩句話想轉餐飲第二啲特飲，點知個老闆以為我地只叫一個餐，佢話兩個人唔可以叫一個餐，即刻擰轉第表示唔歡迎我地，咁我地即刻解釋番我地係叫兩個餐，佢先繼續幫我地落單。餐湯正常，不過比起已前，無左胡椒餅。朋友叫左牛尾中辣，我叫左白咖哩蔬菜少辣。朋友個咖哩正常，佢都話👌🏻，我個咖哩蔬菜，佢落錯單變左咖哩蝦（本身唔食肉的，不過食左就算啦），仲要好辣，朋友即刻試下我個咖哩，話我呢個辣過佢果個（少辣比中辣更辣）。個烤餅係整得好食 我地仲轉左兩杯特飲，一杯藍梅乳酪，一杯忙果乳酪，朋友果杯就無咩甜味，我果杯就好甜好甜 老實講，得兩枱客都落得錯單，同埋咁既service，無下次 …查看更多

果日我地一行 32人係呢度包場攪生日 Party, 預早一個月已經Book 咗日子. 為咗俾我地既壽生仔一個驚喜, 老闆好好人,俾我地早一個鐘黎到cafe 佈置同準備. 之前果晚仲俾我地個兩層日生日蛋糕係佢地個雪櫃度留宿一晚.因為我地太多人! 老闆同佢既員工幫我地將啲檯同櫈拍埋晒一邊, 令到我地既活動空間大好多.佢地除咗提供電視, 上網, 咪, 遊戲等等... 仲有一個平台, 可以俾一啲吸煙既人士抖抖氣. 真係正! 到我地既壽生仔入場, 佢地仲幫手熄咗啲燈攪氣氛, 真係唔話得! 今次我地點咗以下咁多樣食物:主菜燒汁海鮮烏冬 香草龍利柳飯:)芝士肉醬螺絲粉:)茄汁忌廉大蝦意粉小食 吉列海鮮拼盤 (炸帶子、天婦羅炸蝦、庶蝦)燒汁冬陰公豬頸肉蒜香雞翼越南春卷 (鴨胸、豬頸肉、雞肉)鮮果什菜沙律 (配黑醋或橄欖油):)甜品 木糠布甸芒果布甸飲品 (任飲)果汁園系列 : 紅茶系列 : 綠茶系列 :熱情果果汁 純紅茶 茉香綠茶 青蘋果果汁 蜂蜜紅茶 蜂蜜綠茶 芒果果汁 熱情果紅茶 熱情果綠茶 荔枝果汁 青蘋果紅茶 青蘋果綠茶 金桔檸檬果汁 芒果紅茶 芒果綠茶 巨峰果汁 荔枝紅茶 荔枝綠茶 菠蘿果汁 金桔檸檬紅茶 金桔檸檬綠茶 士多啤梨果汁 巨峰紅茶 巨峰綠茶 水蜜桃果汁 菠蘿紅茶 菠蘿綠茶 士多啤梨紅茶 士多啤梨綠茶 薄荷紅茶 薄荷綠茶 水蜜桃紅茶 水蜜桃綠茶 初時以為啲食物係整定晒係度, 然後加番熱就攞出黎果隻.點知原來佢地係即時整(炒, 焗, 炸), 真係好驚喜! 啲嘢食又夠新鮮同熱, 呢個價錢出到咁好質數, 真係好值得一讚! 仲有我推介既...木糠布甸, 好滑, 唔太甜, 正! 茄汁忌廉大蝦意粉, 蝦好大隻, 彈牙, Yummy xp 吉列海鮮拼盤 (炸帶子、天婦羅炸蝦、庶蝦), 即時炸起, 好鬼香! 炸蝦都好大隻, 好驚喜! 果日雖然我要做mc, 有幾樣嘢都無食到, 不過聽番啲fd講話啲嘢都幾好食, 我睇佢地將啲食物清得九九十十已經知道啦.嘢飲真係好多選擇, 冷熱都有, 唔知揀邊樣好, 樣樣都想試. 出嘢飲又出得好快, 叫咗之後幾分鐘已經有得飲, 同絕無灟單, 真係好難得. 因為啲朋友坐唔定, 係度行來行去, 佢地既員工都同圍叫"物主" 認領番杯嘢飲.我地係度玩咗差唔多成半日, cafe 老闆真係蝕晒大本俾我地 ^ ^今次生日 Party 真係攪得好有氣氛好成功, 好多謝在場cafe 既老闆同員工真, 佢地係好幫得手. …查看更多