喺booking app見到有半價優惠所以book咗嚟試下，首先佢喺app個餐廳政策寫到明，折扣係適用於單點食物及飲品，但堆單就同你講飲品要收正價，我show返booking app個條款俾佢哋睇，佢哋就話個條款係舊嘅未update，咁呢個係餐廳嘅問題啦，食客只會按照佢睇到嘅嘢去follow㗎嘛🌚🌚跟住就係最大嘅伏位！！你一坐低佢哋就會問你要唔要水，然後放低枝維他蒸餾水，我哋見到係所有吉枱佢哋都會放定一枝維他樽裝水喺枱面，好自然會覺得呢間餐廳俾水客人飲用嘅方式係咁，但佢哋完全冇講話枝水係要額外收費，點知最後收人$30一枝水！！咁喺香港大部分餐廳都會免費提供水，唔排除部份餐廳會收費，其實呢個係冇問題㗎，但你要事先同食客講囉，唔係唔出聲跟住無啦啦收人錢🌚🌚🌚雖然OpenRice呢度都有唔少「好評」，但以上係我親身經歷，大家睇完可以衡量下要唔要繼續去試呢間餐廳。…查看更多
