mkoijn的個人專頁

今日星期六行過黎食lunch, 叫左白肺湯配飯加菜，海鮮濃湯飯。白肺啤水啤得好好，好乾淨，個娃娃菜我原本係諗住白焯，點知係炒出黎有鑊氣，好驚喜！另外要提一提呢度用料真心有用心，佢d花膠唔係出面白色急凍個種花膠，係啡色屋企自己發嗰種。連冬菇粒都係香。感覺上大廚係正規中廚底。原本我一d都冇期望冇諗過要寫食評，但食完真心覺得要讚！所以唔好意思冇影到相。各位街坊真係要黎試下飲下住家湯食下小炒。…查看更多

星期六晚再次找尋土耳其菜，初時見到個地址係商業大廈， 又係旺角， 有d 驚， 但原來正正潮流特區對面， 好易搵同光猛。我地食左一輪先醒起要影相， 所以d 相片質素唔係幾好， 希望各位見諒!是晚同男友 order 左 3 樣菜：羊肉鬆薄餅 - 個薄餅好薄，羊都唔騷， 幾好味，如果個餅再脆d仲好乳酪茄子薯條 ﹣ 薯條+乳酪都係第一次食， 好味過薯條＋茄汁好多， 個茄子先係重點， 微微烤過， 又香又腍， 如果成碟都係茄子就好了烤羊肉飯 - 羊肉唔騷， 都算幾嫩！個沙津都好好食， 其實土耳其沙津個種酸酸甜甜真係幾開胃。額外加送：烤雞肉飯 ﹣個雞肉飯一陣香烤肉味，d雞肉微脆但好多肉汁，一流!呢張相就係差唔多食晒雞肉飯既時候老闆突然俾一碟full set 羊肉飯飲品：土耳其咖啡 - 唔甜， 離遠都聞到好香咖啡味， 如果鍾意飲expresso 既朋友應該都會鍾意， 細細杯， 但飲到尾佢d咖啡渣都幾多， 杯咖啡都幾濃咸味乳酪 ﹣ 係香港飲過幾次， 最好呢度，佢唔多似yogurt, 反而似 cheese saland 個種咸芝士味， 呢度最接近係土耳其飲過既味道…查看更多

星期6用團購票去食， 我同男友2人， 諗住用2張， 點知個老細話登記人名只可用一張， 我地都理論左好耐， 個老細話係網站寫成令人誤會， 我可選擇退款， 但既然己經買左， 我都想試左食物質素才決定是否退款。這篇食評沒有照片因為原本並無打算寫， 但食完之後竟然為左呢一間餐廳而開戶寫食評。我與男友點了燒魚薯條及羊肉薄餅， 實有驚喜， 魚肉嫩滑，配菜雖只是一般西式配菜， 但有調咪及 非常新鮮。薄餅是脆及薄皮那種， 有輕微羊羶味及辣味， 與我們於土耳其食過的頗相似。最後我們還點了 ayran 及 turkish coffee, ayran 就是乳酪水， 而 coffee, 雖是很小的一杯， 味道濃烈及偏甜，作為無啡不歡之人實是喜歡，但小心飲的時候不要飲到底的咖啡渣， 咳死人 飲品是比較貴，食物約$60-$80一款主菜，若以正價到此用膳， 恐怕只會於晚膳光顧。但其實土耳其本土用膳折合港幣都要相約價錢。最後我們決定保留剩下的coupon下次再用， 雖然鋪面偏小， 有一位侍應禮貌亦有問題(後來得知她不懂廣東話 ), 食物質素足以令我們再光顧。比起之前食過尖沙咀 一間比較出名的， 這間更地道，味道更好。…查看更多