chichu67的個人專頁

見佢新開張，第一次嚟過嘅時候，佢地好多人，爆哂棚，搞到佢哋所有羊肉粉賣晒，所以都唔能夠一試美食。第二次專登揸車過嚟食，終於可以試佢個招牌紅油羊肉粉，另外仲嗌咗個土豆絲，手撕雞。我只能夠講話極度失望！佢哋個招牌羊肉粉個湯底，寫話係每日用八個小時熬製，但係牛出嚟嘅湯底極之淡味，可以話係放咗少少鹽嘅滾水嚟。。。完全冇羊味。羊肉亦都比較肥，但肥得黎又無羊味，好似食肥油咁。唯一能夠讚賞嘅係佢個顏色做得好靚，但我最後食咗兩啖真係食唔落去。我以為呢間舖頭係比較淡口味啦。點知食埋個手撕雞，喊到爆炸，可能因為個雞霉霉地，所以佢要加重味先可以Pig走佢浸臭味。但可能都好過個羊肉粉，起碼有味。唯一比較正常發揮嘅係個土豆絲，味道剛剛好，但$22黎講真係比較細碟。加個凍飲晚市要$10,都唔知緊要，但最後侍應無落單。埋單$170, 貴唔貴就見仁見智。最後諗住去廁所，點知衛生情況都係有待改善，係有啲唔明白點解新開張嘅舖頭，都可以搞成咁。…查看更多

全體同事瀨野之作，睇見門面正正常常，咪一齊買外賣試試佢囉，我自己食吉烈豬扒飯，一食就知死火。塊豬扒薄到得4mm, 仲細塊過肉片炒河d肉片，但d 吉烈粉就成23mm 厚，成塊大細就4隻手指咁上下大。個吉豬醬汁就太酸，加埋d沙律醬，成咁感覺就好似食d酸左既油咁。真係搞唔掂。另外，同事食意粉都話麻麻地。主吃質素就可以用差黎形容，但都好既就係有一粒維記雪米糍同埋有個沙律係送既，都幾好食。同埋員工幾好禮貌。不過呢間真係無下次。…查看更多