剛一 家四口去到大圍探朋友 之後去左之前食過既泰國餐廳。我地揀左個露天帳幕位置來坐,天氣涼涼地都幾正。我先点左d西式前菜開下胃,叫左個凱撒沙津做下前菜。清清地用黎開胃都唔錯,醬都唔係太多。
通常去泰國餐廳,我都會叫炸蝦餅。呢間餐廳既蝦餅彈牙,表皮又脆,可以點泰式辣醬,多陣泰式辣味,味道仲正。青咖哩牛腩,個汁就唔辣,但陣椰香超正,而且又唔搶走牛腩粒陣味。
但講起牛,要提佢個泰式燒牛肉,唔洗太多形容,肉質超滑,好多牛汁,我覺得完全可以做招牌菜!
蝦頭油蛋白炒飯都係個好選擇,飯唔太乾身,岩岩好,趁熱食,用黎飽肚唔錯。
服務黎講,呢間係一流,食物落完一陣就到,有時仲會自動幫你收碟,幾好呀。而且價錢大概都係300幾,幾抵!
…查看更多
以上食記乃用戶個人意見,並不代表OpenRice之觀點。
讚好
用餐日期
2016-11-20
用餐方式
堂食
人均消費
$150