Luna_eat_22的個人專頁

上網見到呢間係山林道深藍色打卡cafe - Monmono . 又有得係open rice book 枱 ，就打算一試個午餐。 點知中曬伏！ 一入到餐廳， 個火警鐘不停響 。 waiter 話失靈，好快會整返好就安排我哋就坐。 我地叫左兩個lunch set , 食物選擇唔多， 全部係日式西餐， 未加1， 要208蚊一個餐， 都幾貴 。 中間等待食物過程，個火警鐘同紅燈響不停！ 根本享受唔到環境同打卡 。 仲要坐正個沙發位上面係餐廳火警鐘系統制。 兩個男待應不斷要求讓位比佢地除鞋踩上沙發處理個火警制 。 令人冇曬食慾， 又影唔到相！無奈當時已入坐及已叫野食 ！ 今次係比錢買難受系列！ 唔會再黎！ 關於食物方面： 1） 前菜 甜味噌甜菜根沙律 & 羅馬生菜芯沙律味道普通2） 餐湯 紅蘿蔔西湯 等左好耐先上個西湯 ， 個湯凍左一半 3） 煙燻澳洲扇貝自家制意大利麵（$208） 根本係好普通的濶麵， 配三粒急凍帶子， 食唔出自家制口感， 同超市意粉差唔多 4） 雜菌烏冬溫泉蛋（$208） 呢個餐真係over price 得好緊要， 一碗普通得幾條菇的湯烏冬 ， 加鰹魚汁 ， 麫質偏淋 5） 餐飲伯爵茶拿鐵（加$2凍飲） 如果想試呢間餐廳 ， 你哋自己諗諗！…查看更多

沙田新城市廣場一向少泰國菜， 想食泰式唯有去呢間Nara. 因為當日晚餐是星期五， 有一早book枱。 所以唔洗等位。 但見外面有好多人取票排隊。 我地2個人唔太餓， 所以叫左以下2樣野食： 1） 泰式小食拼盤（$178） 內容有雞串 （ 外面燒得太濃， 黑曬） ， 雞翼尖 （好細隻） ， 葉包雞 （ 還好唔鞋身） ， 春卷 。 性價比低 ， 野食唔多， 味道普通，唔值$178 2） 泰式金邊粉 （$128） 有驚喜， 金邊粉好有咬口， 彈牙。 入面大蝦數量算多 ， 好食！ …查看更多

沙田區一向好少PIZZA 餐廳選擇,   行街行到咁上下又想食PIZZA , 唯有去PIZZA HUT.   但係由18:10 去禁飛, 差唔多要成個鐘, 19:00 先入得去. 出面仲有勁多人等位. 終於入到去, 2個人梗係食個2人餐啦! 2人套餐 $288  基本包以下野食: 餐湯X2 (蘑菇忌廉湯)    一般水準 必勝批X1 (至尊批) 原本想試三藩市手工批, 但賣曬, 冇得揀. PIZZA用鑊上, 夠熱. 前菜X1 ( 香烤芥末椰菜花)  想食清新少少平衡返PIZZA的油利感, 可選呢個, 比想像中好食, 有少少芥末黑椒味,  辣辣地, 幾開胃.  意粉X1 (拿破倫香烤芝士意粉) 一般, 芝士太少, 意粉比較硬身. …查看更多

呢間位於沙田河畔的越南餐廳已經唔係第一次食, 好食過好多間沙田區的越式餐廳!  今次見唔洗排隊等位, 即刻入去食~   我地2個人叫左2個餐加1 客小食.   1) 皇牌3+2湯河$68 (包餐飲) 呢個湯河原本係撈檬, 可以轉做湯河, 清雞湯底.  極力推介呢碗性價比極高, 一碗有齊雞絲, 札肉, 豬頸肉 . 河份好爽口, 食到最尾都唔淋. 個湯岩岩好唔會太咸, 好香蔥味2)蔥油３味配黃薑飯＄６９(包餐飲) 黃薑飯夠乾爽, 配豬扒, 札肉, 豬頸肉. 個飯有淡淡椰香, 平衡左肉的油利感. 3) 串燒沙嗲拚盤 $ 39.9 跟餐加左個串燒小食,  有雞, 牛, 豬肉串. 肉質夠淋, 冇燒乾. 沙嗲醬好足, 正!  …查看更多