john lai的個人專頁

環境擠迫，枱與枱之間近到非常清楚聽到隔離枱講咩，枱亦都好細，唔好坐 食得好唔自在樓面員工亦都唔夠，個個都好忙好慘咁，一個喺水吧位係咁出飲品，之後又走返去樓面，另外兩個樓面帶位收錢送餐一腳踢，所以等比錢等入座等落單都耐同難搵職員，辛苦哂啲職員😫食物方面嗌左兩碗招牌金邊粉，咖啡骨，炸雞翼，蛋咖啡同滴漏咖啡 唔算好多野食但逼到只想快快食完快啲走（本身上菜都好快）招牌金邊粉唔夠熱，湯底比較淡，牛丸食膠波咁，但係牛肋條同埋牛筋就唔錯，其他配料就無特別咖啡骨幾得意，有棉花糖喺頂，倒咖啡落去熱溶佢叫有啲gimmick , 味道唔特別，但煮得幾軟身加返啲分炸雞翼幾好肉大大隻好香口，最正常係佢滴漏咖啡正正常常，蛋咖啡面頭嘅焦糖燉蛋泡沫就幾好味，但同咖啡唔夾，攪勻前後飲都係唔夾唔好飲，就咁食泡沫就好食個個都吹到咁大，會唔會太誇張？…查看更多

訂左2人下午茶，餐廳位置唔難搵，去到上左2樓，有好大幅花花牆，不過座位之間有啲逼，空間比較細所以有啲嘈（張圖直接ig story save係咪唔得架🤨？）咸點比甜點好，甜點太甜喇，最好食既甜品係芝士蛋糕，其他唔咁甜就會好好多咸點就樣樣都好食！服務方面非常好，職員都好禮貌好親切價錢連加一好似接近400蚊，都算幾抵食！…查看更多

今日同媽咪撐枱腳，兩個都肚餓所以揀左好多野食！🤤健康一下嗌個沙律～龍卷風沙律有蟹籽，蟹柳，脆脆片，蟹柳底有好多中華沙律同新鮮生菜，食落口感好滿足！非常之大碗嘅沙律！之後到照燒雞肉串燒，醬汁好香，好快就清哂！另一款串燒蒜香牛油紫薯，呢個好得意！值得嗌黎試下！好香蒜味 入口咸咸甜甜好過癮呀！金龍卷！入面包住香口彈牙嘅炸蝦同埋芝士，面層就有厚厚嘅三文魚覆蓋，呢個好飽肚呀！而最飽肚嘅就係牛肉壽喜鍋喇！一上枱我內心嘩嘩嘩嘩嘩左出聲，非常大鍋，牛肉好多好誇張，係蓋住成個鍋，撥開牛肉望望個鍋入面仲有好多蔬菜，菇類同豆腐！牛肉滿之餘仲疊到好厚，食到我同媽咪都好飽好滿足，個鍋食到一半都要停一停抖一抖，208蚊真係好抵食！總結呢餐非常滿足，兩個都食到肚腩漲卜卜，環境同服務態度都唔錯，可以再幫襯！呢度埋單都係480蚊左右！抵食！另外佢仲有午市套餐，下次試下先！…查看更多

午市套餐無記錯去到1630😂都幾好呀晏啲都仲有套餐叫左酸菜魚 小辣小酸同埋酸菜炒肥腸每個餐跟一個白飯，可以優惠價加小食同飲品，加左一個麻辣雞腎，一杯凍奶茶同可樂雞腎味道唔錯，幾厚身幾入味凍奶茶就非常淡，毫無茶味，職員都好好人幫手再加啲茶，但加完都係無味😭酸菜魚就非常大碗，魚片好多好滑，仲有啲芽菜，萵苣，豆卜，寬粉，寬粉好煙韌好好食！肥腸就無酸菜魚咁吸引，比較普通，不過就幾惹味幾好送飯😂埋單好似201蚊 都幾抵食…查看更多

鋪仔細細，但枱唔多所以唔算好逼出餐有啲慢，如果趕住食個快飯就唔適合喇🙆🏻‍♀️Order左兩個set dinner,可以揀湯/沙律.一個主菜同一杯餐茶盲曹魚好嫩滑，好大件，而配菜有薯蓉，忌廉蘑菇等等都唔錯蟹肉意大利飯就一般啦，食唔到有蟹肉，味道都比較清淡唔係好岩口味飲品揀左美式咖啡同菠蘿沙冰，咖啡正常，沙冰就好好飲，菠蘿味濃亦都多果肉，唔會好甜🙋🏻‍♀️另外一題餐湯係蜆肉忌廉湯配蒜蓉包，好足料好好味埋單400幾蚊都可以😌…查看更多

食話幾次，水準都keep到咁好今次食經典雙拼🙆🏻‍♀️三文魚粒同吞拿魚粒睇落以為好少其實堆埋左兩座山仔所以都好夠食 配料係南瓜粒 玉子粒之類既和風style可以配全椰菜花飯生酮人士都岩食！…查看更多

之前見朋友食呢間食得好滋味，心思思一直想試，終於都黎食喇🤤🤤！選擇非常多，其實一早都諗好要食海鮮袋架喇，點知最後都要諗好耐因為太多選擇🙈我就無揀到牛扒，見隔離枱叫左，睇落都好吸引呀！飲品都有好多版呀😂😂我！最！期！待！既！海！鮮！Fing！Fing！袋！呀！揀左Platter A 蝦 青口 蜆 配檸檬牛油汁一送上枱果下見到真係有啲興奮同開心，因為漲卜卜好得意，店員好貼心，有問需唔需要幫手影合照🙋🏻‍♀️影完就拎起海鮮袋fing幾下搖幾下確保醬汁均勻咁被海鮮吸收，一打開果下好香呀！！如果有白飯就太美好，個汁好食到可以撈兩碗飯😂😂海鮮吸哂汁非常好食 份量亦好多呀蜆仔好鮮甜，蝦爽口彈牙，不過青口細隻左啲，但都好好味！海鮮袋入面仲有粟米 薯仔同腸仔佢地都好好味架！粟米超吸汁呀🤤🤤路易斯蟹餅熱辣辣上碟好出色呀 一絲絲蟹肉 好扎實好香口！白酒煮蜆意大利粉抵讚（我真係好鍾意食蜆）😂蜆仔鮮甜就預左架喇 意粉彈牙岩岩好，微微辣同酒香好開胃，我自己都食左一大碟咖啡芝士蛋糕賣相靚，亦都好食 口感順滑，咖啡味唔算太重，都好大件，真係夠哂飽肚😂另外飲品如下：咖啡迷既我揀左coffee flow, 係咖啡同香蕉既配搭，香蕉味比較重，咖啡味就無咁出喇另一杯係男朋友既strawberry flow, 輕嚐左一下 係士多啤梨椰子香蕉咁上下既味🙈唔錯架環境我覺得幾舒服幾好坐，食物好食抵讚，而店員服務都好好，貼心有禮，值得再幫襯既🙋🏻‍♀️…查看更多

收工要超一超😎😎行下行下黎左moomooplus職員好有禮貌 環境舒服夠哂超左諗右諗乜都想試最後決定叫個dinner combo加杯moo moo beer🤩啤酒好清爽 好好飲～～頭盤：黑松露鵝肝多士外層微脆，好重油香，好大件好好食，入口感覺好滿足凍肉拼盤莎樂美腸同火腿份量好足 傾住計慢慢食🤤主菜：燒黑毛豬扒職員拎緊埋黎已經聞到香味表面燒得好靚一切開Juicy到不得了，色澤鮮嫩🤤薯條都唔失色，非常香脆銅鑼堡好細心提供手套同埋將漢堡分為二好高好靚既漢堡包有用牛油烘過，好香好好食，㩒落去仲有回彈力架😂😂一咬非常豐富！有鵝肝，安格斯牛，牛肉好juicy 唔會散收收，芝士香濃同埋特別既Momo汁，食落味道好濃好吸引，好快清哂！甜品無哂tiramisu☹️不過芝士蛋糕都好好食，奶凍好滑！完美既晚餐！讚！…查看更多

行緊葵廣果陣突然想食酸菜魚就上網搵下🙈見評語幾好，就一於試試位置都幾方便，葵廣有天橋向運動場方向落去，落橋到地面望右邊就見到個商場，好快行到過去鋪頭唔算大間，但枱與枱之間夠鬆動，坐得自在選擇非常多，叫左標準既微辣酸菜魚好大盤呀！！一黎到已經聞到好香既味！一開始飲啖湯，酸度辣度岩岩好，魚片份量非常多，配料有萵筍，金菇同圓碌碌粉條魚片好滑，圓碌碌粉都好入味，扁狀既粉比較常見，今次見到圓碌碌粉都好開心兩個人食非常飽！菠蘿咕嚕肉有水準，菠蘿無連肉炒埋一齊，但咁樣擺盤又幾靚，同埋咁樣食之下個菠蘿又幾甜😂咕嚕肉好咬口，肉質爽口同埋都好大碟金沙南瓜非常適合送啤酒，好香口好大碟滿滿既金沙包住每一條南瓜，脆脆既金沙外皮一咬入面就係香甜軟軟既南瓜，雙層口感，大讚！飲品選擇左青檸同荔枝梳打，青檸好清新，荔枝就估佢唔到用爆珠😂😂早知叫啤酒送南瓜啦！下次試埋其他先見有客人叫窩窩大腸，用煲仔上，炸炸聲好正仲要好香🤤🤤另外讚讚鋪頭姐姐，個個都好有禮貌好親切🙋🏻‍♀️…查看更多

第三次光顧仍然好鍾意第一次簡單飲杯野第二次同男朋友週年慶祝第三次都係同男朋友 仲坐返同一張枱🙈環境舒服 枱與枱之間唔逼午市選擇都好多今次想輕型啲 唔食粉麵嚕原隻龍蝦包配薯條💛啖啖龍蝦肉好彈牙 好滿足薯條比較幼身，不過夠香口 面頭灑左少少辣粉 牛油果龍蝦肉配有機藜麥沙律跟蛋白卷💛係呀又係龍蝦肉喇！真心正呀牛油果層好厚 打的好滑 蛋白卷我好蠢呀以為係蛋糕😂😂原來真係卷埋左既蛋白 又唔錯喎！睇下幾好肉 嘻🤤松露巴馬火腿賓尼迪個蛋好正呀 睇下隻色同啲蛋汁幾靚🤤配巴馬火腿 好香口 推介！飲品就芝芝抹茶同髒髒黑糖珍珠奶茶芝芝抹茶既芝士蓋好濃厚髒髒奶茶賣相吸引，不過有啲太甜了 但味道其實唔錯！下次就試下意粉啦嘻嘻…查看更多

終於都黎到南豐紗廠入面呢間原始風格同港味既cafe喇💛幸運地平日下晝唔算多人可以靜靜地坐下食下 兩個大食怪order左Koko breakfast, 黑松露油野菌扁意粉同埋三重芝士焗肉丸Koko breakfast份量足啡菇非常juicy 炒蛋夠香滑 （全店使用日本蛋🤤），少有地有藜麥配搭夠哂滿足！意粉好大碟，彈牙唔會軟淋淋松露油好香 一啲都唔膩肉丸要讚！好大粒 bb拳頭咁上下蕃茄汁夠香濃 芝士亦都好多肉丸唔會死實 真係好好味仲夠哂飽肚😂飲品方面揀左flat white同iced black都係唔錯架總結環境，食物，飲品，款式都良好絕對值得encore再encore💛💛…查看更多

上次食過 果陣係咁多人今次全場爆滿 應該既！因為食物 環境 服務都好好💕壁畫好正 睇下波 飲酒吹水同食晚飯都好岩一坐低送上nachos配酸忌廉醬？哈哈個醬幾開胃 好味！好似係收40蚊牛油果3文魚他他牛油果蓉蓋住三文魚他他 好清新 賣相好可愛沙律菜好新鮮龍蝦汁大蝦意大利飯個汁超級濃😂😂意大利飯煮得岩岩好大蝦都好多好大隻 不過太濃 人多食share返會好啲芝士薄餅好食 芝士好厚 但有蕃茄醬中和就唔會滯 不過批邊厚左啲 所以好飽肚呀呢個😂炭燒美國牛西冷呢個推介！真心好正！炭燒既紋好靚 仲好香 叫左3成熟🤤伴菜係薯條 加左28蚊轉炒菇菇個菇都推介大家轉黎試試好香好好食 上次我無轉，食薯條薯條份量超多 大家可以諗諗要邊個喇哈哈花香味比1664重Pina colada個杯好可愛 嬲嬲樣成份係椰奶 冧酒 菠蘿汁 沙灘既風情😂唔錯喔！…查看更多

葵涌廣場不嬲都好多野食掃街之外想坐定定呢 就有百味川呢個好選擇呢張大約三點半左右啦我去到果陣差唔多兩點半 食緊午餐果浸加食下午茶果浸爆哂場🙈以為要等位 好彩仲有另一邊就係前行再轉入去 唔係姐姐帶過去都唔知呀咁都幾好呀 兩個鋪位 好彩呢邊岩岩好有張枱仲有早餐架原來😂都係30幾蚊左右咁我就揀左雞翼牛筋淮山麵配沙嗲湯底（小辣）唔太食得辣既朋友叫小辣岩架喇因為小辣都夠辣 湯底幾香幾濃淮山麵索哂湯底好正牛筋煮得好淋 推介！朋友揀左酸菜魚飯酸菜好多 魚仲多！食極都係 好誇張魚都幾滑 唔錯 但酸多啲就更加好喇炸髀！念念不忘既炸髀呢個真係要食 一定要食熱辣辣 面要落左淮鹽 一咬落去好脆好多汁有食乳鴿既感覺同埋好大隻好厚肉好似21蚊 好抵食 啖啖肉好爽仲好貼心提供手套 抵讚！麻辣手撕雞都幾大碟 雞絲好多 唔係用青瓜黎墊底搵笨架😂又係抵讚！都真係幾辣 但夠開胃飲品就恐龍華田同紅棗茶華田好濃 好幸福🤤紅棗茶香甜 但就細杯左啲整體黎講絕對可以再幫襯 炸髀一定會再食！…查看更多

卜卜蜆呀！食過翻尋味！都幾貼心架 提供密實袋比客人入口罩又可以提供即棄筷子同碗 疫情下都衛生啲安心啲另外一入坐就送上柚子蜜好舒服好好飲 可惜無得嗌黎飲 唔喺飲品名單內🙈選擇非常多 要夠人多食多幾次先試得哂😂有開胃小菜同小食 不過今次食蜆煲同邊爐先啦！呢個係咸菜豬肚卜卜蜆煲有胡椒香 非常暖身暖胃 蜆好鮮甜所以成個湯都好咸鮮 一黎忍唔住飲左一大碗，好爽呀！蜆有差唔多3斤 豬肚都好多好大方豬肚彈牙得黎又夠軟 唔輸蜆架肉方面揀左牛就係封門柳喇！姐係牛橫隔膜肌肉，每隻牛只有一條 夠罕有！油花少啲，但肉味好重 濃肉味既朋友必試 真心讚呀！呢個就係鵝肝蝦丸真係揀得好岩 因為真係好彈牙好大粒好鮮好夾呀！蝦膠包住左鵝肝粒鵝肝好香 蝦膠好新鮮 完美配搭皇帝菜翠綠新鮮 好嫩 吸哂湯底無得輸好大一兜 抵食！飲品揀左咸檸7甜中帶咸 好清新 上次試過沙冰都好正食物無可挑剔，服務都係因為啲職員好快手 又有禮貌 會留意住食客既煲洗唔洗加湯 又會幫手清蜆殼碟仲重要係我成餐飯都好涼唔熱 但又無風吹頭頂，原來有原因架！哈哈就係咁喇 擋哂啲風直吹頭頂！抵讚加分！…查看更多

希雲街小店💛小店裝修簡約整潔好舒服 店員都好親切安排左坐吧枱都唔會辛苦 幾好坐 仲有掛鉤可以鉤袋袋有Set dinner架！價錢親民！選擇都幾多架🙋🏻‍♀️忌廉粟米湯 好多粟米蓉 好飽肚😂飲品揀左芝士奶蓋芒果同白桃紅茶奶蓋好厚好滑 芝士味濃 紅茶飲落好清新解渴，我覺得未完全搞均黎飲最好哈哈 無咁甜🙈牛油果卡邦尼意粉煙肉香脆 牛油果非常多 食極都仲有😂大量牛油果同蛋汁之下 意粉被非常綿滑既綿綿層包住 好過癮海膽黑松露忌廉汁扁意粉有濃濃黑松露香 惹味！海膽鮮甜 份量大方，另外意粉好掛汁🤤汁，好濃！粉，夠彈！睇下幾掛汁🤤🤤🤤🤤大家都多啲幫襯下小店食物好食 環境舒服 仲要有良知值得幫襯💛…查看更多