DancyTracy的個人專頁

 #TGIF 🥳 尋日同朋友嚟咗W Hotel上面嘅WOOBAR飲野放鬆下，仲咁啱撞正期間限定🥳6月16-17日有來自沖繩嘅Mr. Satoshi Sugiura擔任日限定客席調酒師🍸佢係業界攞過唔少獎項架～今次就試足佢5款夏日signature cocktail！真係不醉無歸🤣我自己就最鐘意Juniper Salad，因為甜甜地又冇乜酒精味非常易入口，有好清新嘅cucumber同菠蘿味，啱晒女仔飲🙈如果鐘意獨特d嘅可以試試Have A Blast! 更偏smoky帶pepper丁香甘草嘅味道，入面仲有沖繩哈布蛇酒做酒底🙈無論味道定功效都非常適合男士😝除咗飲酒仲可以聽住DJ打碟，又食下好西咁😻最推介係拉絲四重芝士pizza，送酒真係一流呀🤤🤤WOOBAR整體評分★★★★地理環境★★★★服務★★★★★食物★★★★價位＄＄＄…查看更多

住係元朗咁多年都冇機會試到呢間玻璃屋，因為佢６點就收工😱趁住今朝仲係街度即刻諗起想試下佢，諗住買外賣返去食早餐都算多選擇， 一個餐40蚊左右但份量出奇地大份真係好抵食雪菜米絲用個大size外賣碗裝住，真係食極都仲有配埋腸仔同火腿奄列大大份蓋過晒個碗好味，咸淡適中另外沙牛麵個碗就細少少，不過份量都算夠，味道都OK，不過就一定唔夠永順咁濃啦菠蘿包唔錯，表皮香脆攞返嚟仲暖至於牛油多士就麻麻地，兩塊麵包夾住勁少牛油，食落好乾又冇乜味聽講午餐d份量仲誇張，又大份又有得任添茶希望再搵到機會一定要再試！…查看更多

好少過嚟黃竹坑呢邊，主要都係去海洋公園先會經過呢頭～諗住入園前食D野先就搵到呢間算就腳同冇乜人，坐位都寬鬆舒服$148 蟹肉小龍蝦 鰹魚湯泡飯見都幾多人推介食呢個蟹肉龍蝦泡飯份量睇落係幾大碗嘅，蟹肉同蝦肉嘅份量都唔錯，食落有D似日式茶漬飯，不過感覺味道算淡，雖然茶漬飯清清地都可以接受但D西蘭花果D都冇咩味😂朋友食果個龍蝦意粉都係唔算濃味另外叫咗杯Dirty，都OK嘅不過不失咁啦主要都係貪間野近又方便姐…查看更多

好少經過呢頭，呢日夜晚過嚟做野，順便搵到呢間專食咖喱嘅餐廳又仲開緊，就入去試下啦仲以為係新餐廳原來問返朋友都開咗好耐！$68 咖喱三黃雞飯價位嚟講呢間都唔平，見到食咖哩牛甚至有個大四囍飯都差唔多成舊水今次就叫咗個雞試試水溫咖喱都算香，辣度好微微，入面夾雜咗D類似蒜定洋蔥嘅香料，平時好少食但都接受到雞嘅份量都幾夠，雞皮幾嫩滑，但咖喱並唔算太入味不過撈飯如果可以多少少汁更好老細都好客友善，我見就收工都仲有好多人打嚟叫外賣，下次再試試個牛佢…查看更多

元朗富達呢間異國風嘅cafe仔開咗都應該有一年，日日經過都冇機會入去一試難得今日早到起身，又有位可以即入，終於可以試試佢嚟個悠閒嘅早晨無論餐廳佈局定碗碟上都用咗藍白瓷非常有特色，一邊食仲可以睇住門口好多人帶狗仔出嚟玩都幾正Flat White咖啡有得揀nutty同fruity style嘅，呢杯nutty口感都唔錯Bagel墨西哥辣椒 蒜蓉芝士大啡菇包夠煙韌有咬口，而且個墨西哥辣椒味又幾出，香香辣辣幾開胃，餡就揀咗蒜蓉芝士大啡菇，仲配咗d沙律菜都幾清新價錢方面就算中上，不過現時西式cafe都差唔多係咁嘅價，輕食就唔好預份量多啦，當偶爾relax奢侈下囉~…查看更多

前排朋友帶我嚟咗呢間椒椒相見食返個麻辣川菜如果嚟開天后呢邊都值得一試嘅最推介嘅係個剁椒雙色大魚頭，魚頭超級大份，兩個人食超級夠魚肉新鮮嫩滑，兩邊隻辣味都好出好開胃頂癮另外肥腸都好好食，辣勁十足豬手皮滑肉嫩好開胃，好入味香辣鮑魚干鍋 $168有五隻鮑魚，但就所有配料都要另叫，有少少冇咁抵食啦不過味道都算麻辣鮮香，鮑魚夠彈牙另外尖椒皮蛋係用黃色果款水晶皮蛋不過我自己就鍾意黑色果隻多D 希望有得選擇啦整體嚟講野食味道都唔錯嘅～…查看更多

夜晚係YOHO行街揀咗嚟呢間NINETYs食真係貴夾唔飽嘅一餐先講個$198 Pork Belly Polenta差唔多兩舊水價錢但超級細碟 當前菜食都唔夠五花腩得兩塊 下面墊咗D粟米蓉食落冇乜味$298 Boston Lobster Pasta咁細一碟龍蝦意粉收我三舊水真係過份咗龍蝦細Size仲要得半邊，頭大肉少，肉質一般意粉同樣少得可憐，一個女仔食都覺得唔夠，而且冇汁絕對不值呢個價錢$52 Grapefruit Buddy藥水味！！$32 Taro Mochi Muffin最後買咗個餅諗住攝下個胃，冇乜驚喜，好在入面都夠煙un，算係成餐飯最好嘅一樣埋單５００幾蚊都唔知自己食咗D乜…查看更多

好耐冇食過燒肉前排同朋友嚟牛川食咗個高質和牛燒肉放題😋.除咗燒肉之外佢d前菜都唔錯和牛沙律同和牛他他都係高質之選.跟住就嚟個打卡十足嘅和牛拼盤共有9款每款2塊，有晒紙牌仔註解方便encore自己鐘意食嘅部位由底食到最上，A4至A5熊本黑毛和牛，越食越油花豐盈，滿口濃郁嘅牛香.最底兩款有醬汁嘅都非常好食肉質軟稔夠juicy.海鮮拼盤都好豐富，有扇貝、鮑魚、生蠔同至愛嘅甲羅燒，不過呢度嘅甲羅燒就偏甜同重牛油，反而蓋過咗蟹膏蟹肉味.另外可以掃QR code繼續任落燒肉材料、刺身、壽司、手卷、燒物、炸物等，選擇都唔少我地兩人坐大枱擺到滿晒不知幾豐富滿足…查看更多

作為酸菜魚愛好者😋元朗呢間十三少絕對可以滿足到口腹，原來佢地仲係2021年雜誌必吃食店大獎中嘅其中一間入圍餐廳tim👍🏻.中午瞓醒落嚟又新街十三少唔洗排隊好快有得食首先嚟咗個前菜土豆絲，酸酸辣辣口感清爽，食落好開胃，之後仲encore一大碟慢慢食😋.跟住直入正題招牌酸菜魚，新鮮鱸魚肉片片嫩滑鮮香，魚肉份量不少，拌以非常多嘅老壇酸菜，就咁飲一啖酸酸辣辣嘅湯都非常之滿足，開胃而不膩，店員話個湯底熬足兩小時架👍🏻另外再叫咗個口水雞，雞肉算軟嫩，微微香辣感好惹味最後嚟返個即製嘅紅糖糍粑，外層酥脆，咬落煙煙韌韌，再蘸上黑糖漿，入口甘甜軟糯，食完成餐都唔會滯😋                         …查看更多

食Omakase廚師發辦，師傅嘅水準非常重要，灣仔「惠 Sushi Kei」就由師承北海道米芝蓮二星廚師五十嵐信幸、精通江戶前及懷石料理嘅峻師傅主理，入行已超過21年，質素有一定嘅保證👍🏻餐廳仲有日本當地買手不時參與魚市場競標，第一手買入最靚嘅時令食材空運到港，今餐就試到好多新鮮稀有食材😋○酸蕃茄○茶碗蒸──內有腐竹百合○伊佐木──肉質柔軟甘香○深海池魚──用炭微微燒過逼出更多油脂魚香○兵庫縣室津生蠔──飽滿的生蠔舖上金箔顯得更高級，連埋酸汁食更提鮮○黑鱸魚──魚皮輕燒過後皮脆肉嫩十分鮮美○野生拖羅── 油脂分佈平均，塗上白豉油更為甘口○鹽燒三文魚──鹹香惹味○平政魚──油脂豐潤，甘味鮮香○帆立貝○池魚──加上三星漬更添開胃感○九州海膽──鮮甜 入口即溶○味噌湯○蜜瓜…查看更多

之前一路聽講呢間野食東南亞野唔錯一直想嚟試下話明研究所wo緊係期望佢真係有研究有品質保證架啦(我friend講😹😹)點知連經典海南雞飯都冇😹😹😅😅😅😅整體嚟講食物選擇都唔算多咁唯有試咗個 $78 蝦肉,溫泉蛋,香芽鮮茄龍蝦湯拉面點知朋友話大伏，個拉麵勁淋身，但完全唔掛汁，好似就咁烚完柱麵就dum落個湯度，麵還麵，湯還湯咁，勁難食。仲要個湯底都唔係濃，淨係飲到d溝稀咗嘅茄膏湯。明明好肚餓但半碗都食唔落好在我自己叫果款 $98 巴東牛肉卡邦尼烏冬相比之下就好食得多，牛肉都算軟嫩，卡邦尼夠濃味creamy，仲有拉絲效果tim好彩我果邊醬汁算多，可以分d醬汁俾朋友撈佢果碗淡乜乜嘅鮮茄拉面如果唔係相信佢成碗野都唔想郁😅😅至於野飲都係一般般偏淡。。。。試過一次都未必回頭…查看更多

之前想食鴨好耐，經朋友介紹話呢間有得食同都唔錯，就約埋一齊試下今次呢間中菜館位於中環渣打銀行大廈地下，淨係地段都突顯出佢嘅高端環境幽暗具摩登感，店員們招呼都快同有禮但係嚟到先知原來片皮鴨要提早預訂先有。。。最重要嘅主角竟然冇得食:(唯有試下其他菜式整體嚟講所有菜式都係非常之高價位.....我地見到一條魚都索價 $2xxx 就知非常人消費之地而且份量都係好少，每樣都係叫做少吃多滋味特別推介佢地嘅招牌 $350蜜汁頂級西班牙黑毛豬叉燒，甜甜地肉質都上乘炒芥蘭夠嫩口，鹹香$95小籠包未見驚喜，辣子雞亦唔係特登惹味酸菜魚份量亦偏少，味道未及正宗其他野其實同平時食開嘅中菜館質素差不多抵唔抵食真係見仁見智…查看更多

蘭桂坊新開了一間意大利餐廳，早前來這邊嘗新，雖然還沒能去酒吧，但在這吃吃美食，和三五知己喝個啤酒打個卡也是不錯的選擇Insalate - Caprese Salad $88這道沙律是義大利卡布里島(Capri)的名稱為名。這間的做法是用番茄和水牛芝士切片，再加上羅勒和淋上橄欖油、鹽和黑胡椒等。口感酸酸甜甜很開胃。Pasta - Pomarola $108經典的意大利蕃茄肉醬意粉，麵質偏幼和軟淋，不過好掛汁，蕃茄醬汁濃郁，加上少許芝士粉更是可口滋味Pizze - Boscaiola Pizza $148純正意大利手工Pizza，即叫即焗新鮮熱辣送上，餅底批邊都夠薄夠香脆，口感鹹香煙韌，經典的火腿﹑蘑菇﹑水牛芝士﹑蕃茄醬組合簡單又好食！份量方面２個人剛剛好，吃完不會太飽膩Gelato $38有多款口味選擇，雲喱拿/朱古力/芒果/開心果開心果味口感香滑帶有粒粒開心果蓉芒果味香甜濃郁Beer - Feels Good Man & Staying Alive $38美食當然要搭配啤酒才算是完美Happy Fri.這次喝的兩款啤酒都是輕盈style很適合女生Feels Good Man偏清爽柑橘香和橙皮香，不帶苦Staying Alive帶檸檬和西柚味較為甘香另外也有draft﹑mojito、cider等任君選擇…查看更多

上個月母親節帶屋企人嚟呢間西餐廳慶祝第一次嚟試估唔到又發掘到間高質好食嘅餐廳環境有情調，舖頭細細但座位都闊落坐得舒服價錢公道，節日食飯人均都係$4xx真係算抵店員仲大派每枱一支母親節花，心意上加晒分～我地３人叫咗３份主菜，另每人+$78升級埋享用頭盤及湯份量夠多，味道都有水準👍🏻未開餐前先上咗一籃餐包，份量都唔少，除咗平時常見嘅餐包仲有薄餅，食落好酥脆鬆軟仲可以點芝士醬🤤Appetizers牛油果，鮮蟹肉，海蝦蜜瓜沙律牛油果夠熟好creamy，配埋沙律食好夾而且沙律唔係一碟撈埋而係製成類似越泰式嘅沙律卷賣相吸引食落都更有層次感香煎北海道頂級帶子伴鮮露筍配黑松露菌汁黑松露味重，帶子夠鮮甜煎得好夠香意式薄切頂級生牛肉伴巴馬臣芝士配青芥末油醋汁呢碟生牛肉非常之嫩滑juicy，撈埋沙律配菜同醋汁食超級fresh，酸酸甜甜咁十分開胃！再夾埋個巴馬臣芝士更添鹹香，超級推介！Soup黑松露菌忌廉湯香氣四溢嘅黑松露，每口都充滿菇菌碎，口感十足夠晒creamy米蘭牛尾湯牛尾湯有大舊牛尾骨，用料都好足，味道尚可，相較香濃嘅黑松露湯則較為遜色Main Course香煎老虎大蝦辣蝦乾蕃茄汁意大利粉 $152大蝦份量都好足，意粉彈牙掛汁，醬汁都夠多食落唔會dry，蕃茄味都濃酥糠香草芥末燒焗紐西蘭羊架 $268羊架肉味濃郁，食落又唔會太重羶味，肉質軟嫩唔會韌， 點少少鹽更為惹味碳燒慢煮16oz澳洲黑安格斯帶骨牛小排配燒烤醬汁 $288食用前仲有點火儀式，啱晒打卡牛小排叫左7成熟，冇overcook到，切開都有少許血水流出肉份量超大，超厚身，但切落肉質好夠軟嫩冇筋，連埋醬汁成道菜偏heavy，最後３人都食唔晒…查看更多

朋友生日飯，係灣仔揀咗呢間食法國野慶祝下係openrice book位仲有85折，都算抵食入座時已出示openrice折扣booking，但係埋單果陣佢冇打到discount俾我....後尾先跟返俾我晚市套餐包一個main，２隻生蠔﹑法式香草焗田螺﹑１碗湯﹑１甜品１飲品個田螺幾好食，同薯蓉都幾夾。。。但我地２個人２個餐，俾３粒單數嘅田螺😅唔夠食生蠔都幾鮮甜，但係細隻咗D；湯就中規中矩新西蘭草飼肉眼扒 $438草飼嘅比較低脂肪，高蛋白質，不過食落肉眼扒都算軟嫩，牛味濃郁，5成熟亦都啱啱好，同埋都幾厚肉香煎海鱸魚 $378魚皮煎得幾香脆，魚肉鮮嫩，加上野味配菜，很好吃。自家製法式可麗餅最後個甜品冇影到相，不過賣相不錯，想當年細個係D細商場10蚊有一個pancake夾d肉鬆紫菜雪糕，以家好少地方有得食了呢間煎得薄薄地都算香口…查看更多