片皮鴨餐一圍，正！開了幾支紅酒，雖不是上品，但一個想法 - LIKE!
…查看更多
有點轉冷，蟹最當造也是我其中最愛吃的。預訂了北海道毛蟹四隻，要求每隻約800克。因仍想吃別的。店家特意請我們到Sushi Bar「查看」毛蟹活動能力及選當晚剛到的日本鮮魚。最後沒有點刺身，因為朋友想吃Shabu Shabu。 ﹝魚也確鮮豔光亮的，忍口確痛苦！但肚皮只有一個，下次罷!﹞為保存毛蟹的天然鮮味，主廚推介最簡單傳統的日式煮法，甫上桌蟹香滿溢，入口齒頰留香。此外，佐以千賀燒之秘制醋汁，源源帶出毛蟹鮮味，更顯主廚心思，再呷一口清酒，如此享受，實是令人難以抵擋蟹的誘惑。每人吃了兩客A4和牛。 每 片 比 手 掌 還 大 。 片 片 亮 麗 ， 脂 肪 如 雪 花 。 吃 時 放 在 滾 燙 的 湯 底 來 回 涮 三 四 下 ， 半 熟 的 和 牛 色 澤 嬌 嫩 欲 滴 ， 淡 粉 紅 色 的 ； 入 口 又 嫩 又 滑 ， 鬆 化 無 渣 ， 幾 乎 入 口 即 溶 ， 甘 香 的 油 脂 令 和 牛 就 算 不 蘸 醬 汁 ， 味 道 也 很 豐 富 。 觀圖不用小弟再多講。Additional 的portion價錢還優惠點。服務貼心有禮。 食材頂級新鮮。小弟支持！洒可以多點選擇。﹝店家補充說，要什麽特別上品的洒，可給予時間預訂。店家甚至認真的請小弟發電郵詳細講述要求。讚！﹞最後有兩枱客人跟我們共用房間，當然有些不是味兒但也體諒。其中一枱因被我們的「歡樂天地」感染了。還交了朋友。這裏的氣氛和食物令人也變得隨和了。一天工作後，是個好去處。…查看更多
價錢可接受, 質量一般一般但友人是專程帶我嚟。 友人叫咗佢至愛的紫米露。我就試咗法式焗蛋白。可以啦。但蛋白不是太滑, 但甜度適中。不令人討厭但小弟亦唔會專程去食。環境一般, 服務也一般。…查看更多
一人行九人, 訂咗枱晚上八點。 八點準時到, 大家泊車在留家廚房前, 心唸第二round枱八點到應比夠時間佢哋處理...唉! 熱到油都出晒, D長輩塊面燶燶!! 点解?等咗差不多半粒鍾。小弟自覺大件事, 因為我之前同D長輩講 -- "以前我都去過同一老闆開的黃色房門, OK嫁喎! 試吓新嘢啦! 都好多人讚。 唔好咁悶成日農圃、西苑同利苑啦! ......"位一:等咁耐; 一個人都冇人出嚟笑吓say吓sorry。叫個伙記出嚟say吓sorry都得掛。極唔掂! 冇計, 九人行, 時節冇訂位難轉地方! 位二:唔見有客出, 最後要上佢哋個一樓"私房"...成半粒鐘唔通你係要嚟set枱??? 上到去裝漢用夾心木板做牆, 洗手間銷唔到門又不太衛生, D伙記出出入入, 熱氣逼人又悶焗! D長輩塊面燶燶已冇可再燶, 大家問 - "邊個訂位嫁?"......都唔洗小弟再多講。就一"私房"只能放兩張枱的隔嚟枱班老外也問伙記 - "你覺得我哋八人可坐下嗎？我們有訂枱的。這樣是什麽安排?" 一臉無奈坐低。而小弟唯有期望食物水平OK可以有個交代....但係...
叫的都係大家成日讚的....以下是位三、四、五、六、七、八、九、＋ ......(1) 炸鵝肝 x 2客 --> 差! 炸得過火, 鵝肝不是靚貨也不太新鮮。(2) 招牌燻雞 --> 一般! 真的失望! 燻製的香氣不特出, 雞也"木木"哋。(3) 蝦籽柚皮 --> 可以但沒驚喜。個汁也太行貨!(4) 海參 --> 極差! 葱白好似沒炒過的...汁還汁 (sorry...係極厚的生粉汁才正確!!) 材料還材料。用料也是很普通的貨色。(5) 生煎肉餅 --> 一般! 太油。(6) 咖喱鱔 --> 可以...汁配白飯係全晚最好。 但飯只係普通集團式的出品。鱔可以但不出色不夠鮮味肥美。粉漿也太多了。(7)牛肝菌蒸蛋白 --> 蛋白蒸得好滑。 牛肝菌有幾粒仔, 汁香濃。但食不出真正牛肝菌的芳香。(8)荷葉飯 --> 料不太豐富, 不夠荷葉芳香的味道!(9) 啤酒 --> 不夠凍 --> 最後連唔凍給我們退貨的2支也charge。又浪費時間更進。留家廚房就係咁? 我哋好失望 (小弟好, 要D家人浪費了一次合家用餐的經驗)......米芝蓮可價? 因為節日失準、因我哋冇擇日...我接受唔到囉後記: 我們並不是不合理要求的一羣, 仲使農圃、西苑同利苑是家人至愛, 我午餐也愛大家樂一哥焗豬扒飯加杯奶茶。食物不分平貴, 賣者要有心, 買是可以感受到。集團式流水作業運作的也好、私房菜也好、精品食店也好, 賣者自稱的賣點要「講得出做得到」! 我跟家人不能講識食, 只是很愛吃的一羣, 小弟我更加什麽都試。 …查看更多
