棉花K的個人專頁

12點入座。3小時放題$248/位食物種類不算太多，而且食物很一般刺身一般，沒有驚喜，燒物也很普通，如相中一樣，點了燒鰻魚，咁大隻碟，還有伴碟，就只有一小粒仔的鰻魚壽司飯也不好吃，飯的味道有點酸，也很大的一塊飯。花膠伴菜完全不能吃，超級漿糊，菜也很生不熟的。飲品櫃飲品完全唔凍，只得很普通的可樂，忌廉，菊花茶，烏龍茶，還要地下是很多水，應該是雪櫃漏水。焗帶子可以一吃。唯一好吃。蟹肉竹笙翅都接受，有蟹肉有竹笙。甜品完全不能接受，不好吃，也很少款，不吸引。出品時間接受，不要等太耐，沒有漏單。總結，如要相比同區的漁x人家的好吃得多滿屋，不會再返吃…查看更多

大埔隱世美食。全店面一個阿姐打晒色，收銀，落單，上菜，水吧，都係阿姐💪🐔海南雞飯，好味又大碟，跟湯🍵好足料。一上菜，嘩咗，咁多雞嘅，仲有靚菜，飯底夠味，雞汁好明顯自製，得1種，酸酸地，同一般3種雞汁不同。🐮咖哩牛腩飯，成碟咖哩汁，超多豪比你，點了汁吃一口，好豬皮魚蛋個隻咖哩味，牛腩都好多，夠淋👍每款飯麵都跟湯，餐飲。雞飯51元。牛腩飯52元。#大埔美食多…查看更多

電視講到咁正，呢間新開小食店响大埔，無理由唔試下，等我去試下先😚主打👉碗仔翅，強調用雞去熬個湯底，20元碗吃落啲料唔算多，但食落唔覺口渴，即無落味精👍，又唔大(傑)，唔會漿糊咁👉蝦子柚皮30元碟，鴨掌6元1隻，呢碟真係一定要食，柚皮超入味，質地適中，鴨掌又係唔會煮到好(淋)，推介👍👍👍👉狗仔粉，強調即叫即煮，賣點又係個湯底，完全唔係咪精湯，食完又係無口渴嘅感覺，湯都飲晒。👉紅棗糕，6元一件仔，嘩，超細件，但超好食，超香紅棗，食落好似食緊紅棗蛋糕咁，呢個我認為必食👍👍👍👍👍…查看更多

等咗一陣就有位，帶住阿b，侍應都好醒比張4人枱我地，坐得輕鬆啲。👉豪華英式全日早餐，好抵食，個窩夫熱呼呼好鬆軟，黑松露蛋正吖，白色腸我最愛，全碟都好好食，只係108元😋😋😋😋😋👉黑松露軟腳蟹意粉，又係超好食，好香黑松露，無得輸，意粉質地適中，多汁多菰👍👍👍👍👍，只係98元。以上仲包飲品，另外加25元可叫一件蛋糕，我呢個咁耐放出嚟一次嘅，當然唔放過啦。👉一件穩陣feel拿破崙，不太甜，脆香紅桑子味，另個件出奇好食，一啲都唔甜唔漏，入面係cream ,sea salt, 拖肥，香蕉，蕉糖，夾埋一陣無得頂。總睇係，有機會你地都試下，仲有好多都想吃。…查看更多

勁想飲酸辣湯，因為地點選擇有限，所以就近近地試下。抱住bb，所以侍應好醒咁比了個不太大風位置，都算細心。~👉前菜，一入座就有，係花生同辣菜莆，都好吃~👉芝麻蝦餅，超級熱，咬落去啲芝麻好香，食落味道有啲像食葱油餅，好食。~👉金網生煎窩貼，睇menu見到幾得意咪叫下嚟食，woo, 咬落去啲汁超juicy，唧到對面吖，個網面係脆卜卜，比想像中好食。~👉酸辣湯，好期待，48元，得一盅仔，睇落有點貴，個人覺得比較酸了少少，材料都好多，吃到平時有嘅雲耳等材料外，仲有蝦。~👉鮮肉小籠包，呢個真係一般了，汁比窩貼還要少，皮厚了點，有改進空間~👉雪菜黃魚麵，講真，因為成日都係叫擔擔麵，牛肉麵，所以才轉下口味，試下呢個雪菜黃魚麵，嘩，好好食，啲湯底超甜，黃魚超滑而且無骨，真心錯有錯着。好食。推介。…查看更多

天氣熱，路過想起樹記有雪條出咗，試下先。20元1枝，分別係朱古力腐竹雪條，同抹茶腐竹雪條，收得20元一枝，size都算正常，我選了抹茶味，食落腐竹味係有嘅，都香口，下次再試朱古力味。…查看更多

放工諗食咩?! 結果想起呢到。6點多啲坐下，有懷舊卡位，樓上雅座。坐下來看餐牌有套餐，有散叫，2個人套餐，包1個湯，2樣小菜，240元，不過，散叫就可以選擇多啲，結果散叫喔。叫了1碟什錦齋，芋頭魚，琵琶豆腐，粟米粥。什錦齋，可以選擇你喜歡的，要個樣唔要個樣，味道剛剛好，不太酸。芋頭魚，一上枱已經好吸睛，一口咬落，好熱啊，又脆，芋頭超蓉，吃落一點都唔油，正吖琵琶豆腐，炸得好乾身，加上個汁不太多，剛好，不會弄到濕爛爛。粟米粥，幾清，有少少菇入面。晚飯後還有甜品送店內還有春卷，蘿蔔糕等舊式小食放响入門口位置，好吸引。…查看更多

見到廣告牌，就走去試下。1730到，原來仲係下午茶，下午茶到1800，咁無法，照食啦。下午茶選擇不多，但勝在真係平同好食。叫了2個下午茶餐，分別係一碗艇仔粥配油條(32元)一碗牛腩麵配混醬腸粉(30元)另外叫了1隻糉(26元)。每位茶錢3元，蘋果茶，好香，唔錯粥好香，好有味，食落不太味精，料都好足。油條上枱時，超脆超熱。出乎想像好吃本身不太吃糉，今次都吃了不少，因為真係唔錯。整體係好食啊，有機會要試埋其他食物。…查看更多

早幾夜晚7點多，吃了這個曾經有人排2小時的日本品牌，當晚前面企了6個人等位中，後面就仲有2個人等，職員帶了前面個班人入坐，又無講，我2個唔知咪一直跟住入，後面個2個同樣又跟住入，入到去見到得3成滿，大量吉位，點知個帶位好看禮貌問我們幾多位，未叫你入嚟，你地出返去等好啦，咪行返出去囉，出到去企都未企定，又帶返我地入去，玩吖p.s.我仲要係1名大肚婆，明顯睇到西瓜咁大個肚，我完全明白唔係大肚大晒，但個職員真係好無禮貌同點解要人行嚟行去。好，到食物，我完全唔覺得有咩咁正，無成意嘅攞出上碟之餘，一啲美觀感都無，而且唔覺得值咁貴。2樣野共2xx元，完全唔會再有下次想吃嘅意慾。…查看更多

睇完秋x哥講到咁正，所以近近地揀了九龍城分店一試。店面少，坐位一眼望晒。叫了2人餐，包2碗雞油飯，2碗南瓜湯，半隻雞，一碟烚菜，一款小菜，2杯飲品我們叫了無⻣豬✋，豬✋真係超細碟，味道超普通，而南瓜湯都不是其他人說到咁好味，真係好一般，而個碟烚菜，細不特止，仲要係老菜一碟，超唔得囉，唯獨係隻雞，好滑嘅，味道唔差，而啲醬油都接受，中途都有不少人外買1隻半隻雞，所以，反應出係得雞叫做好食，其他真係。…查看更多

放假吃完下午飯，行完九龍城，天氣炎熱，吃碗豆腐花消暑下先。店內無櫈，全部立食，原因大家都知。連發哥財爺都係立食，所以今日都嚟試下啦。本身叫了芝麻黑豆腐花，但賣光了。所以叫了一碗豆漿加豆腐花，一碗棗蓉豆腐花，凍食，好舒服吖，不太凍到入肺，但吃落係消暑感覺，豆漿加豆腐花那碗好清香，棗蓉那碗超香紅棘味，完全足料。店內裝修古舊風，真係賣少見少了。…查看更多

下午放館知道呢間野又慢又多人，所以今日都1點10分先坐底，落單時間係1點19分，我叫了一碗比目魚米線，凍檸茶，我1點40分催單話未到，佢話等等，等到2點，我真係火爆了，我2話不說去收銀台話有缶9攪錯，差不多10個字都出唔到碗麵，下午飯市有幾耐時間食吖，等你碗麵都10個字! 轉身就走。個收銀說唔好意思催了2次，我永遠黑名單呢間不知所為嘅店…查看更多

今日下午去了吃，新開張第2天，地方乾淨，12點幾到達，不用等位，一坐低轉個頭就出現人龍了。點了2個套餐，秘制蓮藕肉餅(蒸)49元，同流心芝士肉餅(煎)59元，蒸嘅等了15分鐘就到，而煎嘅比較耐，等了25分鐘啊，可能新開張，人手唔夠，有點亂，但整體上都有貌嘅。小食方面，新開張暫時未能提供:(。…查看更多

晚飯後吃甜品，但不想再吃工廠啤工嘅滿記，所以就試了嚐糖。新開張，店面分2個設計，一入門嘅係長木枱，好清新自然，行入少少就變成了另一設計，學校風，枱係當年讀書嘅書枱椅桌，還有黑板，menu係用工作簿idea而編成，好有意思。叫了原桶豆腐花，熱呼呼，好正。還有芒果pancake青檸雪葩，一樣好味。服務亦相當好，希望可以保持水準。…查看更多

放假想起去荃灣行下食下，睇到人講呢間唔錯，所以今日一試。等了1會，好快有位，但店員會叫客人坐埋一邊卡位，因為多人。叫了1個午餐同一個下午茶餐。個茄通好濃茄味，好食，蛋好滑，不會太生，雞腿同平時出面食差唔多，略為細隻啲。全店唯一我認為差嘅係，刀叉好dirty，未食已經痴立立。等食物上嘅時間都頗為慢。…查看更多