^6^的個人專頁

感恩今天有難得的好天氣, 有風, 溫度稍涼但太陽好好！ 經網上訂了閒日午餐, 好好和另一半慶祝紀念日. 選了近窗位置. 點了fish of the day(盲鰽)和牛膝薯蓉. 沙律清新, 有少少無花果,南瓜和芝麻沙律醬. 沙律菜新鮮, 份量足夠, 很滿意的.餐湯是紫花椰菜, 另一半說味道ok, 夠熱. 盲鰽份量正常, 肉質結實好吃. 沒有薯蓉/薯條, 如果胃口好的女士或男士會不夠吃.牛膝薯蓉 份量足夠, 味道和肉質都好. 因為閒日有位, 最後將飲品點了在室外喝. 好好享受美好天氣和靚景！…查看更多

門口見到些小食, 以為只有飲品小吃, 正要離開才看到有主食. 由於價錢合理就試試看.香煎盲鰽蕃茄燉飯: 盲鰽份量適中, 賣相不俗, 味道不錯. 飯的份量尚可, 如果是男士就應該不夠. 沙律和蝦頭伴麵: 正常墨西哥蕃茄芝士脆魚皮: 賣相吸引, 魚皮脆口. 番茄醬味道正常, 略嫌不夠茄粒. 最底有小小牛油果醬, 整體食法和味道有驚喜！整體來說份量偏少, 可能預計會吃甜品吧！味道不錯, 下次會再來.…查看更多

放工到深水埗買嘢路過, 有啲肚餓, 見到公和好多人食小食, 便入去食豆花同煎豆腐. 豆花有熱/凍/大/細選擇. 煎炸食物可以選雙拼三拼. 仲有豬手、雞翼, 抄粉麵. 多左好多選擇. 座位比較迫, 個個都係食完即走. 翻枱極快.豆花要了走糖(水), 因為我自行加紅糖豆花的豆味略欠奉, 唔算非常滑. 食的是懷舊風味. $11有一小碗, 算係咁. 煎豆腐有豆味的(唔算濃), $14/4件而且有得坐其實已經好好. 主要做街坊生意, 不失為揭一歇腳的好選擇！…查看更多

新開的日式店, 有很多選擇. 吃了手卷, 壽司飯和拉麵. 各樣都ok的. 比較特別的是帶子很大粒. 希靈魚手捲很抵食. 拉麵略嫌不夠吃. 坐位足夠. 看不到最後面有免費的水果和蔬菜. …查看更多

晚上選擇了仍然有位的新餐廳, 見到很多小朋友在這裏吃飯. 朋友點了新加坡喇沙米線, 味道不錯不過比較辣（侍應說他們的米線味道比較濃）.我點了海南雞飯, 海南雞比較大隻. 不合錯!另外要了班蘭咖央多士, 好好吃！最後加添了一份.馬拉盞怡保芽菜很新鮮！（不是辣的）三款小食特價57元. 在商場裡有冷氣, 坐得舒服, 已是很合理的價錢.柑桔特飲足料味道很好.下次會再來.…查看更多

手工麵份量不多, 與芋頭米糕一起食再加台茶, 女仔食就剛剛好. 手工麵煙韌幾好食. 肉碎入味,但份量不太多. 整體ok. 如果芽菜再多啲會好啲. 芋頭米糕配醬食都不錯. 雖然芋頭味不算重,但小小脆, 配搭清新的手工麵食好夾. 我食了一半已經點晒D醬, 唯有問侍應再取. 侍應好好, 很快再給我, 沒有臭臉. 食完已經7成飽, 飲埋翡翠香柚茶就剛好飽飽了. 翡翠香柚茶雖然不能走冰, 但可以無糖. 少少柚子味及杯底有些抽子皮, 十分清新和有些層次. 很滿足了. …查看更多

見到facebook 做promotion, like 左減 set burger $20 才知道荃新天地一期開左新餐廳.  我住附近都唔知有新餐廳開左!! 趁新開唔太多人來試試澳洲草飼牛. 侍應好有禮貌及好細心, 知道我懷孕唔食生野, 主動提我burger會要求廚師整全熟, 仲提議我飲高山樹密茶, 話無咁涼.  咁就試一試!  塊牛扒份量不小, 女士其實淨食burger都好飽. 牛扒雖然全熟, 但仍有小許肉汁, 不錯.  薯格份量適中, 不會太油, 味道OK.高山樹密茶易入口, 食完煎炸食物後飲好合適! 午餐無須加一,  折後$68 可以坐得舒舒服服, 真係好好!…查看更多

被舖頭招牌"台式(?)純手工"所吸引而想試試. 豆花配料約有20種. 因想試多些, 便點了三款組合價$25的自選豆花. 可選熱或凍食. 豆花份量小, 配料份量則OK. 豆花尚算滑, 有小許豆味, 豆花不算易爛那種, 但不至於硬身的. 可能店主不想糖水搶去豆花及配料的風頭, 所以糖水只是微甜(感覺不像糖水呢!).自選的椰果亦是小甜版, 仙草是微甘版, 反而冷門(??)的薏米煲得較淋及少許甜, 很配合與豆花一起食.…查看更多

門口以最新韓式食法做宣傳, 確實幾吸引, 但見有6-7人等緊便閒逛完才回去. 見到人潮已散店員話1-2分鐘就有, 當然即刻買來試試. 食物:賣相OK. 不過可能廚師之前一次過做幾份, 我這份熱熱地的, 熱度尚可. 枱面有韓式辣醬, 沙律醬, 茄汁, 黑椒任用. 以這個價錢牛扒味道OK, 略有牛味及有些黑椒, 雖有小小根, 但不難咬. 本以為$28比較大食既我會唔飽, 不過食完一小堆熱熱地小脆既薯條, 2-3塊唔脆薯格, 1個西蘭花, 3塊健康火龍果, 半粒車厘茄及1粒攪鬼提子後, 加埋自備茶, 飽了! 想平平地快食牛扒(唔計廚師煮牛扒時間), 會是個不錯選擇.…查看更多

路過看到售賣健康中式茶, 出於好奇看看, 店員立即介紹她們的茶是生普洱茶, 清熱, 滑, 飲後味甘. 試飲後一如店員所說味甘而滑. 叫了杯紅蘿蔔生普洱茶, 因即泡所以需要等一會兒. 閒逛後回來已準備好了. 剛巧有客人查詢, 不過試飲後就離開了. 我試食了手製曲奇餅, 茶味很香味道好好, 很適合茶腔下午茶享用, 可惜要$15/5塊, 價錢略貴還是算了. 紅蘿蔔生普洱茶: 茶微熱, 加了紅蘿蔔後整杯茶少了甘味, 易入口多了. 有趣的是不覺有紅蘿蔔的味道?? 不知是否茶的甘蓋過了紅蘿蔔的味道了. 不過成件事變得易入口, 清新帶小小澀味, 很特別的新嘗試. 不過最緊要是食完罪惡感豐富的炸薯條後飲杯提神又清熱的飲品也不失是個好選擇.…查看更多

想食下午茶, 見到此店以窩夫做主打, 鹹味及甜窩夫都有提供. 款式多多, 原本想選少有的鹹味窩夫, 不過碰巧感冒未清, 唯有點個清清地的班蘭窩夫食住先. 下次再試鹹味的. ^0^窩夫賣相很好, 窩夫焗得很香口, 有小小脆, 很用心的貨色! 班蘭味道適中, 不過食開甜的朋友就未必鍾意班蘭的清香. 窩夫配合蜜糖, 雪榚, 杏仁片及朱古力醬食很有層次! 份量亦足夠, 不過真的好味道, 食完想再添食! 最後飲埋至愛凍檸茶成件事好滿足了! 如果價錢再親民點就更好了! ^0<…查看更多

是日下午放假, 做完要事後已差不多5:xxpm, 便在大圍附近找間餐廳食下午茶. 剛好見到門口有外國人在門口張枱悠閒地飲酒傾偈, 於是決定入去休息一下. 餐廳幾有氣氛, 不過這個時間當然無咩人. 只有2枱客人. 食物: 墨西哥烤餅-賣相普通, 不過熱度及香氣十足! 要等一會兒才開始進食. 餅皮烤得很香, 不是很脆的那種. 內裡有些蔬菜, BBQ醬惹味, 味道不錯. 不過主角雞肉的味道不是很出, 份量卻是足夠的. 是個很好的下午茶. 悠悠閒閒地玩了一會兒手機才結賬. 悠閒的下午!…查看更多

路過見到餐廳有位及幾有格調, 侍應有禮地招呼入來, 於是好奇心下一於試試. 點了個Hot dog with tomato salsa sauce. 餐廳不大, 只有5-6張枱. 枱與枱之間比較窄, 隔離枱傾談都聽得好清楚.  但見到每枱的食物賣相好好, 香氣十足. 等了一會先上飲品, 主角熱狗大約等了10分鐘, 最後是薯條. 我本身不太好炸的食物. 故特別選了番茄醬的熱狗以減輕罪惡感. 很喜歡有很多番茄粒, 番茄醬味道剛好, 不會太酸或太甜. 很清新自然的味道. Good!! 熱狗份量足, 女仔就算食得晒一個, 都未必再食到其他食物. 不過熱狗略大份, 女仔想食得有儀態都幾難. 我一邊食, 一邊要留意有否番茄掉下. 好彩是日lunch time 自己覓食, 否則有點失禮了. (笑)薯條炸得好好, 不會太乾. 有8.5分. 店員取出時已聞到薯條的香味. 不太食薯條的我都忍唔住接住食, 不過太飽, 最後唔想浪費美食, 於是向店員要了個袋帶走作下午茶. ^0^…查看更多

同屋企人行完街街搵地方餵BB飲奶, 因不用等位又可泊BB車, 故一於試試. 關東煮(約$3X) - 食物味道普通. 份量ok, 但質素麻麻. 其中有一款好諗! 唔知係咪浸太耐? 我同老公都不喜歡這款, 因為真係好似俾BB食咁諗! 無牙的老人家都食到. 雜菌蕎麥麵-味道及份量ok. 價錢約$40. 食素者不錯的選擇. 這裡是先點食物後自己搵位坐. 地方都算寬闊整潔. 平平地食碗麵休息下都可以的.…查看更多

同大囡好鍾意到此酒樓食午飯, 因為比美心酒樓稍為寬點及BB椅是座地式木椅, 不是美心的座地膠椅. 比較大的幼童會坐得舒服點. 另外,很喜歡它的前菜. 花生及青瓜都好好吃. 最愛點魚貝粥給大囡吃, 就算囡囡不在我自己都會點的. 可是今次很失望. 魚貝越來越小. 下次應該不會再點了! 奶黃包雖不是流心, 但味道不錯, 阿囡很愛吃. 燒賣足料, 賣相不錯, 老公的至愛. 另一樣每次都點的是豌豆榚! 營養豐富又好味(不過老公唔鍾意, 哈哈!)! 味道不會太甜, 有小小似黃豆但比黃豆清甜. 很好吃的飯後甜品! 最後提提, 老公話這裡的香片茶好飲過美心(其實是同集團的!)! 哈哈!!…查看更多