foodcfood的個人專頁

等到一肚氣！ 今日17:40到店叫左杯野飲。 看見自己手上係220號碼，店內剛叫到211號。 在店等了18:05，一直看到兩個店員接單，但沒有叫號碼或其他方式出示可取飲品號碼。 到了18:05己經忍無可忍，詢問店員何時才做好，希望能取消飲品，不想等下去。 店員一聽到後，詢問我號碼，一知道我的號碼，佢就轉身從後取出一杯飲品給我。 我即時好憤怒😡我企左係到咁耐，睇住你地，你地收埋杯野係後面做咩？！ 原來天仁就係要咁樣等茶！！ 最後…呢間分店杯鐵觀音茶底，飲唔到天仁平時個隻茶香味👎🏻好一般…查看更多

等到一肚氣！今日17:40到店叫左杯野飲。看見自己手上係220號碼，當時店內剛剛叫到211號。過程中。我一直看見兩個店員接單及調飲品，但沒有叫號碼或其他方式顯示可取飲品號碼。到了18:05己經忍無可忍，己過了25分鐘！詢問店員何時才做好，希望能取消飲品，不想等下去。店員一聽到後，詢問我號碼，得知我的號碼，佢就轉身從後的桌上取出一杯飲品給我，就立即行開左。😡我企左係到咁耐，睇住你地，你地收埋杯野係後面做咩？！杯野d冰溶到七七八八，張標籤貼紙如圖濕透曬。平時有幫襯其他分店，呢間都係第一次，更無下次！…查看更多

今晚一家滿心歡喜去左食呢間「上海姥姥」當中叫左個揚洲炒飯,難食到以為我小六的兒子炒出來的,真係未試過出街任何一個店可以難食到咁,d飯又乾爭爭.小龍包好似自己買叮叮款咁.酸辣湯真係一般…不過出得街食飯,口味既野都唔係大問題…因為最大問題係收銀個男職員,好似我爭佢錢咁.個樣木口木面,d聲氣勁掘,問多句好似係你黎倒亂咁.整體人手好似不足咁:(仲叫左幾款野食,真係無款同個價錢成正價比.下次真係唔會貪地點方便再去呢間食…呢餐食左$600……查看更多

本身住東村,留下得幾間食店,都冇咩可以選擇.而當中一粥麵咁耐以黎食親都唔掂..但日子耐左,今日又再去食..點知質素一樣極差.今日去食午餐,我特意選餐內最貴那款午餐--干炒牛河連飲品--,價值$41.諗住有保証d啦...點知咸到死...我平時餐飲一定飲唔到半杯...但今餐我可以飲曬杯可樂...因為真係太咸了....黎緊我又要再擺食一段時間,希望佢地改善到食物水準啦....…查看更多

第2次黎買。其實我平時食乳酪都係固定size同價錢，通常店員給我的份量時多時少。今次基於住係香港仔，梗係試下唯一一間於香港仔的乳酪店！此舖以$13／100g重量計價，我買了兩次，大大杯加兩款toppings都係$21-$24蚊，相對其他乳酪店，應要$30杯了。而原味的乳酪略欠酸味，這有待改善。但整體價錢同品質也不錯哦！…查看更多

今晚去左呢間到開飯~叫左兩客米線,牛展米線同另一碗唔記得叫咩米線‧米線好似唔係好熟,米線中心有少少硬...我鐘意食淋D‧整體都好好味,又大碗‧但地方好似好迫人既感覺,侍應好似好少咁,唔係好覺係附近,好難叫到侍應‧而飲品,我滿心期待既朱古力雪糕冰...賣相好靚...但個朱古力雪糕球...唔好味....好似冇味咁...唔識表達佢既味道...冇味?!但見隔離檯食火鍋...下次都想黎一試...!!…查看更多

今日終於食過呢間餐廳!星期六既下午,去到門口,唔洗排隊,但就要搭檯‧叫左兩個餐,好快就放到面前~雞扒配車喱茄蘑菇肉醬飯(可轉意粉)好足料,好多肉醬,完全冇減料,雞扒超滑,好味!!雞扒拼烤豬頸肉飯好香、d汁同配菜完全冇浪費,好味到全落在胃中‧雖然客人多,但侍應的服務不會差,仍然會有笑容‧:)…查看更多

每個星期都一定會捉男友陪我食一次呢間既早餐。因為本身鍾意飲羅宋湯，所以鍾情呢間既早餐A。而早餐的多士可免費轉我喜愛的媡奶醬，超正呀。雖然店內侍應沒有應有的服務態度，食物味道既水平時常不隱定，但我依然每星期都會去一次吃一個好滿足既早餐。而每次飲凍朱古力、凍可立克，都覺得比起其他茶餐廳更為濃味，凍飲絕不會淡而冇味。…查看更多

好耐之前我食過呢間既晚餐,今日同男友行經,就入去食左個下午茶,見到好多選擇,我地兩人都叫左碗麵食,都ok既,加埋野飲都係20幾蚊,又大大碗麵~我地之後再加$10既芝士焗西蘭花,因為係$10特價既優惠,我同男友都一早沒有期望個份量可以有幾多,但出黎個質素....係冇咩芝士味...另外仲叫左個別$10螺肉食...講真...之前旺角街頭興起十元有一杯螺肉,都好食過呢間多多聲~起碼街頭個d有辣味~而家呢碟....冇味...可能呢間主要係做晚市既焗野掛...最後黎講,這間還可一試!!…查看更多

胏到OPENRICE,見到呢間印度餐廳好似幾好咁~今日就同左男朋友黎到試一試‧他們六點開始做晚市,場內坐位有些迫夾....我地去到,雖然我地兩個英文不太好,但好在這裡的餐牌有中英對照,又有些是附有圖添!!佢地既服務態度一流,下下都有笑容‧而食物方面,我地叫左個二人餐$200,食物方面叫左個香燒雞塊,照好味呀!!串燒羊扒...好大件骨...冇咩肉食,但勝在鐵板上檯,好香呀!!原汁咖哩羊肉(好正呀!!)、印式燴茄子(超級辣呀!!)、印度白飯(好有口感呀!!)烤餅:呢個真係絕頂,我地將"原汁咖哩羊肉"D汁攞黎送埋一口食,超好味!!本身以為會食唔飽,但真係飽到上心口!!…查看更多

今日經過,見到佢地又推介"碎朱古力星冰樂",正哦,我好鐘意飲星冰樂系列既飲品‧之後order左一樣超特大size,d服務員好有笑容‧在等待飲品既時間,望到佢地既麵包好似好好味咁,價錢又唔貴,都係約$20~$40一件....但由於晚飯後的我,食唔落喇,唯有下次試下啦‧不用2分鐘,一杯碎朱古力星冰樂已經完成,朱古力碎粒粒,好好咬,味道又濃‧加埋d cream同朱古力醬,超級滿足左我對朱古力既慾望‧…查看更多

之前食過尖沙咀分店既譚魚頭火鍋，不過黎灣仔分店食係第一次‧位置處於灣仔地鐵站出口,非常方便:)星期六晚，灣仔譚魚頭火鍋９點後任食火鍋都只係＄108一位，知客安排我同3個朋友坐了卡位位置,卡位空間好闊,好舒服,側邊又有個電視係隔離,可以俾我地自己選電視台‧但不足之處係冇咩冷氣,仲有d焗...:(黎到譚魚頭緊係另加$40轉個蕃茄湯底,拼埋個麻辣湯底,蕃茄湯底好似蒜頭味重左d,而麻辣湯底就唔係好辣=.=失望~而配料都好新鮮‧而食到中途,我地order左汽水....嘩...$10..好似貴左d喎...百幾蚊任食確實好超值!!…查看更多

這間cafe,我去過5、6次食野~!一個餐:有湯、有主菜、有野飲~無論食品、飲品既味道,都做到同香港茶餐廳一樣,味道都唔差~(我覺得似港人開)地方又乾淨舒服!!有d似mk既cafe,場內更有好多香港既雜誌睇添!!d服務員著曬制服,服務態度都幾好~但個飲食廣場都幾污穢下...有次見到有隻老鼠係門口走過...!!不過好彩唔係入黎....眼不見為乾淨啦~但整體上,係東門,除非係冬天啦,唔係既話,係東明行震街,入黎坐下梳化,涼下充足冷氣,(東門好多餐廳好似冇開咁)呢間絕對係好好既推介!!(我一個月會去一次東門，下次補相啦）…查看更多

見到多份報章,介紹呢間咁特別既餐廳,我即刻同bf去一試,好彩一早訂左檯,見到好多wak-in既人都冇得入去...我同bf早左半小時去到,但侍應唔識得變通,場內有好多吉位,都冇安排俾我地入去食野,有得我地兩個係門口大汗滴細汗地...等待我book左果個時間...唔緊要,係我地自己早到左半小時多...但我地睇住呢半小時,某兩張檯仍然係吉左出黎...見住個位侍應拿住張booking紙係咁打電話,=.=肯定係人地放左飛機冇黎啦...雖然仲有5分鐘就到我book果個時間,但我望住有位都唔俾我地入去坐,我地再問一次入得未?(心諗咁都唔再變通,我地唔食~)佢就話ok~俾左我地坐高椅bar位!個到服務除左果個負責booking既侍應(應該高職位d)冇咩禮貌同唔識變通外,其他侍應服務態度都ok,會用心講解收費、整燒餅既方法‧埋單兩個人二百幾,但唔係飽囉,需要再order...不過最後我地決定出去掃街好過,試下自己燒都係貪過癮,價錢高左少少~都唔飽..><..之後見到午市12:00~14:30抵好多,見到$50到就食到~下次試多次lunch^^…查看更多