irischon的個人專頁

呢間日本居酒屋真係值得推薦，啲食物唔單止有質素，仲好有特色。舖頭裝修好有日本Feel。首先，我試咗佢哋嘅**青蘋果特飲**，好清新，好啱夏天飲，酸酸甜甜，唔會太膩。跟住老公就試佢嘅**提子燒酌**亦都唔錯，酒香濃郁，但又帶有提子嘅果味，飲落去好順口。食物方面，先黎**清湯菜鍋**係一個健康之選，湯底清清地，有好多菜，豆腐好滑，食完之後感覺好舒服。再黎**飛魚籽玉子燒**亦係不可錯過嘅一道菜，玉子燒係日式蛋卷，軟滑又唔會太甜，加上飛魚籽嘅香味口感，非常有層次。跟住**海膽甲羅燒**，就係當晚嘅亮點之一。海膽香濃，蟹膏豐富，味道真係一流，食完仲想再嚟多一份。跟住有**串炸**，我哋點咗幾款，其中**串炸雞髀肉**炸得啱啱好，外脆內嫩，唔會太油膩。**日本白板魚蛋**仲有**墨魚餅**都唔錯，口感彈牙，味道濃郁，唔會有雪藏嘅味道。差啲漏咗提**雜錦刺身**，刺身嘅款式都好豐富，有三文魚、吞拿魚、鯛魚等等，每一款魚生都好新鮮，肉質鮮甜。帶子好鮮甜，加埋佢個牡丹蝦刺身好滿足。雜錦刺身嘅擺盤都好靚，色彩繽紛，睇落去已經好吸引。每一片刺身都切得厚薄適中，食落去啱啱好。總括嚟講，呢間居酒屋嘅食物質素都不錯，每一道菜都值得一試。如果你鐘意食日本嘢，一定唔可以錯過呢度！…查看更多

佐敦hotpot 火鍋私房菜，地鐵站行過去5分鐘，地方寛敞，坐得舒服，呢度主打海鮮打邊爐，食物種類繁多，每樣都有其獨特之處。今日叫左個二人餐，佢有幾個湯底選擇，我就揀左個湯底是芫茜皮蛋湯底，大大個鍋用黎打邊爐感覺好正。跟住上三文魚刺身，都算新鮮可口。另外有響玲和美國黑豚肉質鮮嫩好有肉味。海鮮盤上的蠔、鮑魚、蜆、帶子和鱔片，新鮮豐富，每一口都充滿海鮮的風味。蝦丸和水餃都是家常美味，蝦丸口感彈牙，水餃餡料豐富多汁，令人回味無窮。最後的烏冬清爽可口，麵條爽滑，湯底鮮美。整體而言，佐敦火鍋私房菜提供多樣化的選擇，食材新鮮，味道美味。無論是海鮮還是肉類，都能滿足不同口味的食客。服務亦親切周到，是一個值得推薦的用餐地點。…查看更多

你聽過觀塘有間叫「古今二」嘅日本餐廳未呀? 今日我就去咗佢嗰度食飯。餐廳位於觀塘工業中心第四期，地鐵站一落就係，好易搵。環境好舒服， 簡潔中帶有少少日本元素， 一坐低就好輕鬆自在。佢哋嘅菜式都幾特別, 味道都ok。頭盤上嚟嘅係香辣龍卷風沙律, 賣相都唔錯，有好多蔬菜同甜甜嘅蟹柳絲，再淋咗一層超香辣嘅汁，一口下去爽口又開胃。之後就係彩虹卷物同搖滾樂。彩虹卷物個個都好靚，有三文魚卷、吞拿魚卷同鰻魚壽司，仲有青瓜、牛油果同蟹肉絲,食落色香味俱全。搖滾樂就由鰻魚、芝士、炸蝦、牛油果同鰻魚燒組成，每一件都咀嚼起來脆脆的好特別。最後就係宮崎味鹽牛舌串同鹿兒島豚肉露筍串，肉質又嫩又帶點甜。總之,「古今二」呢間餐廳無論係環境定菜單都好吸引，每一樣都特別又好味。如果你有機會去觀塘，我一定推薦你去試吓，保證會愛上佢!…查看更多

剛剛去咗佐敦一間叫「泰排檔」嘅泰國小店,真係幾正喎! 佢哋嘅廚師係米芝蓮出身,所以每道菜式都好地道，有位侍應好風趣好好笑，食得好開心。首先,先叫左個椰青又大又靚,一口飲落好清爽潤滑好甜。同樣厲害嘅係熱情芒果沙冰,酸酸甜甜, 芒果味好濃。跟住試左佢哋嘅泰式九層塔炒蜆, 個醬汁好香，真係幾好味。另外叫左碟飛天通菜炒得唔錯, 配埋佢哋特有嘅香料汁,好味。至於沙嗲串燒雞同豬,肉質好鮮嫩,燒得正好,配埋獨特有三款唔同嘅醬汁,配搭完美。主菜係啖啖蟹肉奄列，真係啖啖蟹肉架。甜品方面,芒果糯米飯配上香濃嘅椰汁,好令人流連忘返，糯米飯配上脆脆好特別。最後再試咗埋佢個泰式班蘭雪糕,冰涼爽滑, 班蘭味濃，仲有椰果同花生，好甜好香,實在太正。總括黎講, 呢間小店幾出色,無論係小食定主菜定甜品,全部都用心製作, 好地道正宗。我真心覺得佢哋應該多啲得到認同。…查看更多

今日去左大角咀一間叫 "COBALT" 西餐廳, 呢間西餐廳裝修真係好靚，浪漫又有情調，適合男女朋友或老公老婆慶祝生日既地方。首先, 叫左個頭盤脆炸原隻魷魚配香辣蛋黃醬, 真係一絕! 魷魚外脆內軟,又香又嫩,配埋滑滑濃濃嘅蛋黃醬,簡直完美配搭。跟住黎個新鮮生蠔, 鮮甜飽滿, 非常好味。主菜就有美國頂級牛板腱,佢哋用特色方法烹調,令到個肉好鮮滑多汁,個配碟用左南瓜溶好甜好香。最後,經典意大利tiramisu同樣出色。濃郁香滑嘅慕斯加上咖啡香同咖啡酒提味, 加上手指餅，又綿密又細滑,簡直令人上癮。總括黎講,呢間"COBALT"真係集合咗各種西式經典菜式嘅精華,令我流連忘返。每一道菜都好吸引,食落質感超卓,令我留下深刻印象。我一定會再嚟一次,同身邊特別嘅人一齊享受呢個浪漫嘅用餐體驗。真係超出我嘅期望!…查看更多

朋友介紹推介呢間係九龍酒店既日本野，地方雖然唔係好大，但坐位尚算舒適，而且都好爆，證明啲野好先咁多人幫襯，不過有少少嘈，但傾計都ok, 朋友叫左好多野，味道都唔錯，壽司刺身都ok, 價錢中上，還有師傅示範中糯米，氣氛高漲。…查看更多

呢間小店位於荔枝角地鐵站上面長沙灣廣場非常方便，呢度老闆好好人，每碟菜都有少少介紹，真係唔錯值得推介。首先,佢哋嘅飲品好特別,我試左兩支唔同味既cocktail, 第一支熱情果，清酒,，冧酒，仲有蕃石榴，紅橙色好靚,中。 另一支就用左伏特加、青蘋果、菠蘿同芥末wasabi, 清新得黎又帶點辣,真係一流。食物都好出色。頭盤有自製嘅蘿蔔海帶。跟住炸牛蒡,又脆又香。不過我最鍾意食嘅就係松阪串燒蜜糖腐乳豬面頰,肉好厚實多汁,配上微甜嘅醬汁,超級絕配!仲有呢個明太子翠肉瓜，好juicy.還有鎮店之寶，南蠻雞配蛋沙律椰絲絲,外酥內嫩,配料好清新。最後佢哋嘅甜品花生酥都好特別,濃郁嘅花生香氣真係好吸引,咬落入口即溶,好滿足。總之,呢個餐廳將傳統同創新嘅日式菜式完美結合,令人驚嘆。無論係經典小食定特色主菜,全部都好特別好好味。我諗任何鍾意日式風味嘅人,都一定要嚟呢度試下先。…查看更多

Honey 預訂了位於深水埗西餐廳，平日客人不多，很寧靜，適合聚餐或慶祝生日的地方。首先是order 了兩杯特飲的開場,用餐前可以先解解口渴。這種特制飲品不僅能夠愉悅心情,還能為接下來的佳餚做個開場白。緊接著是清新爽口的沙律，可以開開胃先。接著奉上了熱騰騰的湯及多士,不論是濃郁的湯底,還是配料的搭配,都令人胃口大開。作為主菜, 點了威靈頓牛和油封鴨無疑是這頓晚餐兩大亮點。威靈頓牛的完美烹飪,肉質鮮嫩,外皮酥脆可口。油封鴨的皮脆肉嫩, 最美味是那個醬汁，差點連碟都脷埋，美味程度讓人難忘。最後的甜品,則為整頓大餐劃下了圓美的句號。最後最後加上有生日祝福字句既甜品甜到入心。總括來說, 度過了一個難忘而愉快的生日晚餐 👏🏻…查看更多

慶祝自己生日約埋朋友黎試下觀塘裕民坊3樓餐廳，價錢方面二人餐都係4百幾有交易，而食物質素方面都唔錯，個人覺得牛扒7成熟，如果再生少少會更好。地鐵附近，環境優美，今日早左黎，行左一圈，附近都有幾間餐廳，呢間裝修簡約，坐得舒服。晚餐Menu 都有十幾款選擇。今日揀左呢個至尊二人餐，賀一賀自己。佢另有一個精選二人餐。甜品Menu 則有6款選擇。第一道菜忌廉湯好creamy 好好飲。加錢叫左杯紅酒賀一賀自己生日。呢道白酒煮蛽，好香白酒味，如果多啲就好喇。炭燒澳洲肉眼牛扒7成熟，略為熟了一點，如果再生少少會更加好。反而Rosemary羊架7成熟就非常好，唔係好酥羊有羊味。甜品係我至愛，呢個竹炭千層盒子配雲呢拿雪糕好好味，估唔到塊餅乾都好好味。最後一道菜，朱古力心太軟甜品，作為總結今餐好滿足，食得好開心。…查看更多

支持誠意小店約朋友食飯又想坐耐啲又想食西餐，諗起佐敦呢間fusion 菜，有pizza 亦有咖哩，種類很多，而且味道不錯，仲有餐前飲杯drink 傾下計，老闆調酒誠意推介…查看更多

帶朋友第一次黎蠔站，因本身鐘意食蠔，加上10蚊一隻蠔真係好抵食，我地叫左個火腿哈密瓜前菜(呢個比較普通)，牛扒做主菜(味道好熟道7成剛好) 同埋1打蠔(略為細隻但算鮮甜)，加埋杯野飲都係每人二百幾蚊落樓，味道整體好好，抵食，一定會再幫襯。…查看更多

朋友推介黎呢度食lunch, wow 超多人， 呢度無得 book 全部要 walk in, 等得既就黎啦，當然食物質素就真係無得輸，真係好好味，有機會要黎多幾次，lunch set 大碟夾抵食。…查看更多

食物是其次，本人是貓奴，而且又係觀塘工作，少不免就一定黎幫襯，食物尚算中規中矩，黎呢度食野既人應該主要是黎玩貓貓，好多貓店長唔怕人，周圍行攪攪陣，一開罐罐就行哂埋黎，超開心！…查看更多

本人超鐘意食疏乎厘班戟，呢間都算ok， 叫左個pancake 加 沙律同埋pizza, 兩個人食剛剛好，整體都好味，不過都要等位，黎mega box 都方便，有穿梭巴士地鐵站直達！…查看更多

環境一流，食物好食，真係唔錯。放假過黎行下皆因附近有donki 行街食野消費簡直一流。浪漫一下同男女朋友老公老婆情人家人黎呢度行下消磨時間都唔錯。食物正，最後甜品超驚喜！…查看更多