Ohnobye的個人專頁

邪惡之撈麵! 最滿意係佢有大撈! 好鬼正! 唔講健唔健康! 但我一定會再返去食! 回味無窮! 鍾意食公仔撈麵一定要去試!我略嫌沙嗲牛咸左啲，啲牛肉係掛汁嘅，冇得頂! 價錢我會覺得抵食，配料選擇合理。環境都光猛，地點方便，不難搵。…查看更多

非常驚喜! 個手工肉丸 Pizza 值得一試，個餅底好好食，個邊邊非常有咬口，又熱又有少少脆! 味道夠得黎又唔咸，醬料岩岩好，夠Juicy! 薄餅黎講我估唔到咁好食!個海鮮水管麵都好好食! 麵質不軟不硬，有口感，個汁應該係龍蝦汁，非常香濃郁夠味，份量黎講我覺得唔太多，幾啖就食完，海鮮都新鮮，不錯! Tiramisu可麗餅好食，上面層麻薯非常 QQ，但佢酒嘅份量比較重，我有一啖成口都係酒，酒味重得滯，鍾意酒嘅朋友一定唔會失望。價錢方面我覺得值得嘅，可接受，我會想返去再食! 員工都好Nice😄有寵物嘅朋友都歡迎，但要坐外面。又多一間好食嘅 Pet friendly 餐廳❤️…查看更多

呢一間 Cafe 我真心覺得不錯! 環境舒適又乾淨，又係可以帶寵物，非常 Pet Friendly。當日人唔算多，比較清靜❤️地點唔係一般市中心嘅方便，但其實距離地鐵站口都不太遠，行5-8分鐘左右就到。而泊車附近都有多個停車場可以泊，消費夠仲可以有免費泊車添。食物方面，味道非常夠，保持得到水準! 份量 OK，大食同非常肚餓嘅朋友可能會有一種意猶未盡嘅感覺，可以考慮食個甜品或咖啡，所以我哋點左兩個 Pasta 同咖啡。一個(泰式)避風塘軟殼蟹意大利粉，一個係Carbonara意大利粉鍾意食辣重口味嘅朋友可以試下避風塘，有驚喜!而carbonara用嘅係肥豬腩肉同水煮蛋，所以食落有口感同有充滿蛋香，味道合適😋咖啡方面都有好多不同嘅選擇，而我就嗌左杯 Hot Latte，咖啡濃度香味適中。而甜品提拉米蘇上面有一層麻薯， 煙韌有口感，好好食...價錢方面適中，不貴又不平，一般咖啡室價錢，我會再黎!❤️❤️…查看更多

一間非常有特色嘅中菜館! 用料充足! 菜式夠創新又特別!呢一間係上樓嘅私房菜，有一種屋企食飯嘅感覺，由上環地鐵站行過去都唔算太遠，但入口就有機會比較難搵少少。想黎嘅朋友仔一定要訂枱，冇訂枱想 Walk in 應該未必會安排到，因為我哋訂枱之後就要決定埋野食，所以每一枱都已經點好哂所有嘅食物。人齊，就可以上菜😄食物種類非常多，花多眼亂😂睇過你哋就會明白! 總括黎講當晚嘅食物嘅水準到中至高，味道都夠，好食嘅! 當中有一個冰鎮咕嚕肉比較特別，食落口外凍內脆，口感一流，建議快啲食，唔係嘅話個口感就會冇咁好，凍熱個對比冇咁大。不得不提嘅就係個爵士湯，鍾意飲湯嘅朋友一定要試! 個湯超級非常足料! 鮮甜又夠味! 大量乾瑤柱...螺頭...花膠....好好飲嘅一個老火湯... 另外豉椒蟶子煎米粉都要試下，食落口新鮮，個汁嘅鮮味比底嘅米粉吸哂，少少脆又夠香又到鮮味! 而其他菜式例如棟篤雞，花甲都好食，但冇乜太大特別。 羊腩煲我自己覺得普通，我下次食會揀其他特別菜式，未必會再想食羊腩煲 Lu 。價錢我會覺得普通，唔太便宜，埋單唔會有種好抵嘅感覺，但一分錢一分貨，食得出佢喺有擺心機去煮，去準備每一款菜比我哋，有喜慶日子我會諗起返黎再食! 成餐飯去到尾昇佢會出黎同大家敬酒 Check back 😂 好開心!! 笑死!! Respect !!…查看更多

Lunch Set 非常之好食!! 價錢可以，味道嚟講就一定會再返去再食! 真心好食! 肉質 Soft ，夠肉味，脂肪油香都有。每一款都有搽咗醬油喺面，基本上燒完可以即刻食，唔需要點任何嘢已經好好食!! 但牛舌嚟講本人覺得麻麻地，比較普通冇乜驚喜，加上唔係厚切，所以我覺得唔使試，追加其他款嘅肉類會比較建議。餐廳環境一啲都唔油煙，可能爐邊已經開始抽氣，又有海景，想食燒肉又唔想太多又想有質素呢間一定啱你。適合情侶或想做情侶嘅朋友們😄…查看更多

今日係為左答謝兩位好朋友而去選擇呢一間 Omakas ，非常之感謝佢哋兩位❤️❤️一入去到環境不錯，冷氣充足，光線夠精神嘅，坐位正常都算舒服。野食方面好新鮮，好好食! 每款壽司都會有不同嘅配搭! 壽司飯都會以不同嘅魚去用不同嘅飯。最令我深刻係海膽嗰件，滿滿的海膽，非常滿足!!!!同埋有一件蝦同白蝦嗰件，鮮甜清新.... 好想再食.....價錢方面合理，性價比都可以，我哋自帶左兩支 720ml Sakes ，佢哋都好 Nice 冇收我哋開瓶費，開心😄 最尾仲有全單9折! ❤️❤️❤️我會選擇返黎再食👍…查看更多

有得 Pet Friendly 嘅餐廳又好食，我會認為係呢一間! 佢半 Outdoor 比狗嘅地方都算乾淨，都感受到少少嘅冷氣，整體感覺都算涼爽，舒服嘅👍野食方面幾好食，唔太咸，味道夠! 種類都多。佢哋仲有隻熟雞蛋比每一隻狗狗，呢個行為好有愛! 泊車就要睇運氣，門口都有得泊，仲可以隨時睇住架車，唔想提心吊膽嘅話附近都有停車場可以泊。…查看更多

我其實覺得不錯! 樣樣都有啲，有菜有魚有炒飯。個龍蝦伊麵啲龍蝦幾彈牙好食，新鮮既! 個蝦不梅，爽口，但比較細隻，份量可以多啲啲。個炸蠔有驚喜，有蠔味不太咸夠脆! 炒飯粒粒分明有咬口!片皮鴨比想像好，份量都可以，有時仲可以一塊皮包兩舊鴨皮添。實際啲而家講價錢喇，用優惠價食我會再黎食既，普普通通不過不失，離南昌站不太遠，經商場V Walk行大概8分鐘左右。如果要我用原價食呢個龍蝦餐既話，我不會食～…查看更多