thecloakroom_jc的個人專頁

本身唔係響OpenRice寫開食評嘅人，但係今次真係忍唔住要寫….今日行經太古城，見到呢間裝修亮麗仲要都幾多人排隊食嘅餃子，咁諗住應該冇乜問題，見佢餃子口味都幾新鮮，有一款叫紅菜頭去皮雞肉，好似聽落幾健康，就諗住外賣試吓，點知真係中伏！！😖😖餃子皮已經係用包小籠包嗰種尺寸 ，裏面啲餡完全少到不能再少, 而且食落冇口感好似食糊仔咁，價錢仲要唔平$51八隻扁踢踢嘅餃子….. 講真仲衰過超市買嗰啲急凍餃子。臨走仲留意到包餃子姨姨一路撳電話電話一路包餃子，衛生問題值得探究，總之真係冇下次！！！…查看更多