Stacysos的個人專頁

一直都有留意美食情報，有日見到呢間餐廳做牛扒放題，我呢個牛魔王一定唔會放過！雖然下晝$88抵食，不過因為要返工，所以BOOK左放工後7:30。因為我地早左到，好在我早訂位，又有小朋友，所以佢地比左間房我，一入到去，侍應先每人比一杯玄米茶。跟住比左兩個餐牌我地，一個係西式套餐一個係任食牛扒餐。叫左4個扒餐，一個套餐比小朋友食。好快上晒第一輪扒，賣相OK，唔算太厚，每塊牛扒附有切到好細GA蒜蓉同燒汁，一眼望落去汁好少，侍應話係比我地切一塊點一下汁再點一下蒜蓉。不過我覺得將全部蒜蓉搽落塊扒，再切一塊點一下汁，食落無咁"漏"。扁意粉唔乾身，無over cook，另外要讚下個魚柳，啲魚肉好滑，味道好香，賣相都唔錯，有驚喜。講真，呢間啲扒比起大X樂仲好食，個餐送一罐可樂同一份甜品，$138都算抵。當日甜品係切得好迷你好得意GA涼粉，我地大人唔太食甜野，益晒班細路啲細路大叫好食，好彩係最後一碗比人食晒前記得影相至於上扒速度，可能我食得唔快，無咩留意，食完佢地就入黎收，收果時會主動落下一轉order.剩係覺得傾一陣下第二輪又食過咁，下次可以唔帶細路轉心計下時…查看更多

因為同朋友都係愛貓之人，聽聞觀塘新開左間貓cafe，於是聞鮮而來。首先一讚係用whatsapp訂位，快捷方便，有問有答又有禮貌。當晚放工，帶埋女女去(佢都鍾意貓)，朋友因為遲放工所以我地上去先坐低。一入去，貓貓都喱埋晒‥有啲失望但都ok，因為知道貓貓隻隻性格唔同，未必咁啱做PR。女因為學校已經食左飯，叫左個甜品『心太軟』，佢餐牌話$44起，雖然覺得有啲貴，但諗住試試都無彷‥但等左好耐，終於到左‥一個我食過咁多心太軟，都未見過咁醜GA心太軟，完全唔企身，感覺似homemade失敗版‥個伴碟雪糕細到好似用個teaspoon求其挖出黎。好在我女旨在食朱古力，算啦照食。到我叫左個煎鴨胸，值得一讚，個汁係柚子蜜汁，甜甜又幾香。但係個沙律放埋係同一隻碟，令我超失望！因為佢地係雜菜沙律加紅酒醋‥老實講，醋味同個柚子汁完全唔夾。如果分開或者用碟中碟會比較好。埋單$295.(甜品+單點飲品+兩個餐)心太軟($40)+檸樂($34) 老實講完全係搶錢！唔好話去cafe仲要係單點我預左！因為我其實叫得單點知一定貴，但係個心太軟質素實在你免費我都唔食！$34杯檸樂‥只能講無睇價錢，諗住唔會貴得去邊呢點我都有錯。而杯咖啡，係夠濃幾好飲‥但係身為一間cafe，連個拉花都無‥我去mc cafe飲好過。仲未講佢落單出單先後次序較亂(可能因為得廚同侍應兩個人)，上菜慢地方細等缺點，只能講同我以前去，覺得好舒服ga cat cafe完全係兩回事。…查看更多