Lam SaSa的個人專頁

新蒲崗一直給人嘅感覺係老區，工廠大廈，大部份嘅食肆都係以主打香港文化，例如麵食，冰室，茶餐廳等等，快食為主，座位通常好迫。估唔到呢間新開嘅餐廳俾人一種清新嘅感覺，座位不會緊貼座位，落地玻璃窗，感覺好chill，廚房煮嘢一目了然，最緊要食物一流，清新，主打健康新鮮為主。今日同朋友去咗試佢哋嘅午餐，青醬堅果蝦仁長通粉，原來係大廚自家製嘅pesto，非常可口，堅果亦自己焗製，長通粉非常有咬口。朋友點嘅上碟沙律，令人非常驚喜，流心蛋，再加上以蒸嘅方法整嘅番薯，非常好味，完全感覺到㕑司用心製作。陽光透過大玻璃透入，非常舒服，值得推介。差點忘記介紹上樓梯嘅牆身，放滿白色嘅廚房工具作為裝飾值得打卡…查看更多