s_uenny的個人專頁

星期三中午時間一行七人食午飯，由於當時正值繁忙時間故此安排在師傅煮麵位置前面的枱。下單後拉麵很快便來到，因為碗太大又下單太多個，為免小朋友碰到，店員都極迅速的放在大人前，結果我們要一邊吃一邊要店員收吉碗否則沒太多位置吃飯。因為帶著小朋友不方便拍照所以沒有相片白湯（大）湯味道ok，不會太咸，但溏心蛋可以再生少少。海體醬油，湯清清淡淡，適合小朋友食，腩肉算淋身。禁果之鹽，好咸野的才好下單，衰佬之前吃過再吃。我試了一啖，不好咸香的我只覺得咸和腥，可能因為我不好此道。在吃飯途中發生小插曲，無端端聽到拉麵吧前有很大聲「碰 」的掉東西聲，之後看到一名光頭穿襯衫的男人向帶眼鏡的男店員以英文大罵一頓，把我們都嚇到了，幸好小朋友安慰一下便沒有被嚇到哭，吃完急急腳便走。…查看更多

最近有人生日，壽星話ig見到想試。Book左7:30，7:40齊人，8:30先開始有野食，係開始咋蝦餃成隻粉果既size，點餐紙叫超薄，但層皮係特厚，牛柏葉同魷魚食到有怪味，以為自己味覺有事，問坐隔離既朋友都話有燒賣清曬後甩剩層皮，明顯翻蒸貨。涼拌海哲，味道正常，帶麻辣味，不過張點餐紙冇提到奶黃包，明顯翻蒸貨兼來貨，d料少到咩咁春卷，味道正常，但一啖咬落去都未見餡燒牛脷，入面味道似白灼，外面係咁依燒兩下，靠黯然粉吊味牛柳粒，粒牛柳十足橡膠咁，韌勁十足，用吃奶之力咬，都未咬得開，仲係兩串都係咁雞軟骨，味道正常燒雞翼，外面香口入面冇味，食到大半發現見紅。四隻都未熟得透，叫店員換過之後正常返。因為限12張相，所以之後冇相提供。燒茄子，靠蒜頭同蔥調味，味道正常。燒腸粉，似煎兩下拎出黎既蒸腸粉。蒜蓉包，唔夠蒜味，某大pizza速遞鋪好食好多。燒蕃茄，以為車厘茄，點知係大個既切開四份出。味道正常既，係d黯然粉有d無謂燒棉花糖，燒得唔夠耐，冇果種帶熔又未熔得曬既質感。十三么椰汁糕，椰味唔夠，似罐頭開出黎，有d似唔夠椰味既珍多冰陣味。窩夫，因為朋友生日，店員請既，有蛋味入口鬆化，全餐除左生日蛋糕外最好食既野。埋單每人$17x，打卡一次可以，但唔會有下次…查看更多