stellapig的個人專頁

我地午餐時間1305已order野食，等了30分鐘，全部野食都未上，向店員第一次查詢，店員一臉不客氣話客人個個同一時間上黎，廚房左唔切，well..究竟餐廳第一日做午飯時間？我地只係叫蛋包飯，30分鐘都做唔切？再過左5分鐘再問店員，店員一面補不耐煩嘅樣話廚房師傅新黎，做唔切，最後三催四請終於係41分先上餐。喂，午餐時間得一個鐘，最後用唔夠10分鐘倒左個飯落肚，最後埋單都要等一輪先埋單。呢間舖，如果做個午市都咁困難，客人食得10分鐘野食，簡直係趕客，仲要咁態度惡劣嘅員工，咁差嘅服務，午市依然收加一服務費，下次你不如食埋我份🙄🙄…查看更多

恢復返堂食就好想食燒烤堂嘅串燒，結果真係超級失望！book左食六點半，坐低點左一轉嘢食之後，食左大概十五分鐘，個姐姐已經過黎同我地講話係last order，問仲有無嘢要加？跟著問多兩句之後就話係廚房驚做唔切啦，所以要提早落單，好啦，咁我地唯有就落第二轉嘢食喔。我地眼寬肚窄，好多嘢都好想食，第二輪叫左22串嘢，啲嘢開頭黎幾串，去到7點半左右，啲嘢食一窩蜂咁上晒，擺滿個檯面，我地都冇停過係咁食啦，結果呢，去到八點，個姐姐已經係我地個位係咁徘徊同望住，感覺就係催你快啲還檯，但係我地仲有好多嘢食係檯面，去到8點零五分，個姐姐就行埋黎話食嘢嘅時間已經夠啦，不如俾個外賣盒你打包伶走啦😡😡😡哇，果一刻真係嬲！我地兩個人食左1200蚊，啲嘢食你要時間燒，上到檯面我地都要時間食㗎，我地嘅消費等於四人檯嘅份量，而隔離後面嘅四人檯早過我地入，結果佢哋仲遲過我地走，咩道理？啲服務態度真係好差，用1200蚊將啲嘢食塞入口，慘過食個快餐！最重要嘅係，啲嘢食質素已經差左好多，燒得啲雞翼勁黑，然後反轉就當無嘢，啲菠蘿唔到埋單，要催單嘅時間都唔上，咁人地點有時間食？最重要嘅係，食完返屋企就肚痾，真係以後都唔會幫襯！服務差，食物質素差，不可一不可再！…查看更多

前來朝聖，是在太失望！嘢食種類已經 唔多 仲要叫邊樣無邊樣！等左大半日都未上嘢食 食物水平好一般 間鋪只得一個呃like位 想黎食嘢既話 真系要想想係咪要中伏！不可一不可再！…查看更多