PoYiCheung的個人專頁

人均300蚊任食任飲（好似係無限時，餐廳冇寫）黎講，簡直係無得輸第一輪：雞煲都入味，啲雞亦都滑第二輪：海鮮都普遍黎講新鮮既，係啲蝦有少少梅第三輪：個晚得返烏雞湯，飲得出有啲味精，但係ok好飲既😂 啲牛好食過平時放題啲肥牛 有牛味 第四輪：甜品有牛奶公司雪糕、雪米糍同椰汁雪燕雪米糍冇寫邊隻味打邊隻問，問店員都答唔出，變左係開盲盒咁，我食左阿華田（好食）同芝麻味。 椰汁雪燕幾正，其實可以當野飲係打邊爐個陣飲🤣呢間野都幾好坐，仲有啤酒任飲，下次飯聚都會再黎…查看更多

呢間極上帝王水產係兆萬黎講都算出名，宜家政府又唔比晚市堂食，好彩呢間有出個6小時放題，$229一個人由12點食到6點，可以話係超值🤣🤣🤣刺食味道就正正常常，冇咩雪味，個樣都ok，三文魚切到好厚。呢間主打都係熟食，回本之選係磯燒海鮮，啲海鮮唔會梅同臭，呢個價錢真係有驚喜！！ 呢間野食都幾多花款，有我最鍾意既燒菠蘿食，唔會酸，都幾甜。另外仲有個雞軟骨都幾正，好香口。甜品個到叫左心太軟，唔會太甜，都幾濃朱古力味！呢個價錢食足6個鐘，去book partyroom 都唔止呢個價，咁食法真係分分鐘可以回本👍🏻👍🏻…查看更多

尖沙咀比人既印象係高消費區域，要係尖咀搵一間價廉物美既食肆真係好困難，Big john呢間平靚正嘅餐廳會係我經過尖沙咀開餐既不二之選！Big John 店內既裝潢係60-70年代既舊式茶餐廳，店內嘅佈置令到客人有一種獨特的體會，相比起其他餐廳，店內嘅佈置令到客人食嘅唔止係味道更加係回憶。Big john 唔單止剩係得外觀，食物亦都非常高質素。其中一種必食菜式我個人推介雜扒飯，份量充足，肉既份量亦唔會太少，再留意一下價錢你就知道收費「貼地」，絕對能夠令到客人滿意地捧着肚子離開。 酸辣鳳爪亦都係一款很唔錯既小食，細心之處係佢哋將所有骨全部拿走，能夠真係做到「啖啖肉」，辣度酸度適中，絕對係一款唔錯嘅醒胃小菜。吞拿魚沙律都係一款唔錯主菜，吞拿魚分量十足，蔬菜同吞拿魚嘅比例接近一比一，吞拿魚愛好者絕對可以一試，而且蔬菜新鮮，價錢亦都合理總括而言，big john 係一間唔錯嘅懷舊餐廳，裏面嘅食物質素高份量亦都大，價錢亦都貼地，絕對稱得上係尖沙咀裏面嘅平民餐廳！…查看更多

一間位於沙田圍的泰國特色餐廳，店內裝潢精緻，餐單內還有泰文譯音，可以邊學泰文邊食飯，好有趣 頭盤我地叫左鹹蛋軟殼蟹米卷，米卷內仲有芒果和千島醬，清爽又酸酸甜甜，係醒胃不二知選。街頭泰國生菜包，這道菜很有泰國特色，酸酸辣辣的肉碎配上新鮮蔬菜，能夠還原出係泰國食到個種味道。泰國菜入面我最愛的菠蘿炒飯！菠蘿炒飯份量十分足夠，而且有很多配料絕對比大部份餐廳水準高。加上配有兩隻大蝦，一串菠蘿，性價比超高。兩隻大蝦肉質肥，再配上蝦頭內的蝦膏，真的十分美味。菠蘿炒飯還配上燒菠蘿，菠蘿又甜又多汁，亦可以配上6種不同味道的調味粉。絕對會帶來不同的風味。流心芝士蝦波波，做到拉絲效果！ 蝦球好彈牙叫左士多啤梨和西䄂沙冰，份量十足，酸酸甜甜，好適合係夏天飲！…查看更多

雖然話元朗真係多選擇，不過朋友對拉麵情有獨鍾，今次特登搵拉麵餐廳，見到有金田家所以專情去幫襯，誰知係YoHo Mall行左勁耐先搵到！遊完一個大花園，到底係我路痴定指示唔清晰~.~之前未食過，決定揀返個基本既黑豚拉麵試真章，揭揭下餐牌見有兒童豚骨拉麵！有齊所有野喎（包括溏心蛋、木耳、仲有叉燒）勁吸引呀~~細食分量嘅女仔啱曬，不過唔知大人可唔可以叫呢....先上蘋果汁，不過不失，解解渴都唔錯。然後主角出場啦--黑豚拉麵！湯底十分濃豬骨味，唔知係咪都要煲十幾鐘先有嘅精華呢？！難怪可以係拉麵界站穩一席位，硬嘅麵身咬落爽口彈牙，可以媲美其他名牌拉麵店！黑豚肉叉燒肉質唔“鞋口”，大部分係瘦肉位置，可能我鍾意食肥膩位置多啲（哈哈）。追加嘅叉燒同黑豚係凍嘅，相信係expect你擺入湯浸熱佢，呢隻叉燒有啲似東坡肉感覺，啖啖豬油酥香，肥膏位置入口即溶，係燜得好靚既五花腩~~~臨走時見到門口有個太鼓，唔通係俾客玩？原來係之前門口侍應職員用黎通知店內職員有客到，可能係一個歡迎儀式？！希望之後佢地會恢復返傳統啦…查看更多

呢間係以凡高為主題既餐廳。成個餐廳設計係跟住凡高既一幅畫，好特別！一入去就聽到播住法文歌，成件好有格調。每張台都有特色既小擺設，睇得出係裝修設計到落左好多心機。 入面有秋千可以打卡，同埋桌球可以玩下Lunch set 包沙律或餐湯，主菜，飲料同一份甜品。蜆肉忌廉湯十分足料，至少有10幾隻蜆肉。而個湯就好香濃，冇味精味，飲得出係真材實料。美式香草野菌燒雞墨魚意粉好creamy，岩曬我既口味。啲雞肉係另外煎過，好惹味！西冷牛扒巴馬臣芝士蘑菇卷牛肉帶微粉紅，本身就調味過，唔加醬味都已經好好味，肉味好濃。最後上左兩款甜品，擺盤好靚，味道就不過不失。兩個女仔share 黎食都ok，但牛肉份量如果可以多啲就更加好(肉食獸🤘🏻🤘🏻）。呢個價錢食到呢個質素同呢個環境都真係幾抵，下次會再黎！…查看更多

一間位於上水的日式放題，店內裝修精緻，店舖規模亦大，適合一大班人聚會。這間日式放題有很多不同的食物，火鍋係一大亮點，因為現在光顧放題便會送海鮮拼盤，內有鮑魚，蠔，象拔蚌和帶子等貴價海鮮。火鍋選料也十分豐富，完全比得上火鍋店。然後刺身絕對非常新鮮，尤其是大蝦和三文魚完全能夠吃得出鮮甜。吃過一間日式放題既大蝦係苦，因此顯得出食材新鮮嘅重要性。刺身和壽司嘅選擇很多，除咗三文魚和大蝦之外還有鰻魚帶子希靈魚等等多種選擇，絕對能夠滿足唔同人嘅口味。唔單止魚生新鮮，嗰度嘅炸物亦都非常之好，炸蠔同埋榴槤炸彈亦都十分出色，如果你係一位榴槤愛好者你必須要嘗試，因為榴槤炸彈有好重嘅榴槤味，內裏嘅汁亦都很甜，絕對高質。 除此之外亦都有好多唔同嘅菜式可以選擇，例如炒大蝦，手卷，串燒等等。甜品亦都有好多唔同蛋糕同埋有Haagen-Dazs嘅雪糕選擇除左汽水同酒，亦有咖啡朱古力等等既熱飲，好啱我呢啲唔想飲凍野既人！總括而言，這間日式放題選擇十分多，能夠適合唔同人嘅口味而且品質很高，絕對係物超所值。…查看更多

一間位於大埔墟的餃子店，規模不是很大但麻雀雖小 五臟俱全，還有一塊大玻璃可以看師傅製作生煎包。餃子店有幾道必吃的美食，第一樣係灌湯小籠包，吃前要小心！！因為湯汁真的十分十分多！店員之前已經有提醒過我們小心熱，但最後還是燙到嘴巴了 😂😂 吃完碗中還有很多湯汁！第二樣係上海生煎包。店名叫生煎包王，那我們必定要試試這生煎包！生煎包的肉也較多，一咬開便會看到裏頭的肉汁！ 這可能是我吃過最好吃的生煎包！！（可能再加上是新鮮出爐的原故）第三樣係五香牛展麵這個絕對是強力推介。牛展和切絲的青瓜放在五香醬上。若果喜歡味道較濃可以直接吃，若果喜歡較淡可以先浸一下湯汁將味道洗走一下。另外麵條分量足夠，有點煙韌的感覺。而且湯的味道亦不會有味精味。再加少少辣油，會更加惹味！…查看更多

今日朋友帶我食印度菜，上網見到呢間評價都幾好，就黎試下新野。餐廳設計好舒服，入面都多外國人，感覺呢到既野食應該都好正宗。仲可以坐室外，好岩約朋友黎。餐牌係中英對照，但店員就講英文。第一次唔係好識食，但佢地都會好nice咁介紹返啲野食。點完餐就送上既酸辣湯，好開胃瑪沙拉咖哩芝士芝士口感像豆腐，唔辣，配埋naan一齊食真係好灰順帶一提，個naan上左枱之後，之後有個店員話焗得唔係咁好，主動幫我地換個盤，好貼心啊！！！ 新鮮上枱既naan好軟熟，好香口。北印度套餐+Roti個炒飯有堅果粒，就咁食都好夠味。仲有盤好似乳酪咁既野，好開胃。個餐仲送玫瑰炸奶球，用糖水浸住，好甜但又幾好食。洋蔥煎餅煎餅要趁熱食，凍左會淋，入面包住既洋蔥好爽脆，唔會辣。個咖哩好好食，唔辣，呢個我覺得係必叫既！！叫左杯Sweet lassi乳酸味，唔會話好甜，都幾好飲印度香料奶茶，香料味重飲完個口仲有餘香，大家一定要叫杯試下…查看更多

大埔係一個餐廳林立的地方，很輕易便能夠找到餐廳。今次我推介一間位於大埔墟的多元化餐廳，這間餐廳有很多不同地方的菜色，相信能夠滿足不同顧客的要求，另外一個特色係這間餐廳飲品有很多唔同類型亦都充滿特色 第一道菜色係蒜蓉和芝士焗蠔，係一道好特別嘅菜式，作為一個蠔的愛好者，我對這個烤蠔非常滿意。首先好像十分肥大，能夠充分吸收蒜蓉和芝士的精華，令到每一口充滿精華。蠔也十分新鮮，能夠吃出鮮味，這也是一件十分難得的事，總括依然這個烤蠔的質素十分高，絕對十分值得嘗試。咖哩牛腩亦都係其中一道必吃的菜色，咖喱牛腩的確非常常見，但能夠處理得好嘅十分困難，首先咖喱汁不會太辣，容易入口，適合大眾口味。牛腩亦都不太硬， 證明廚師用很多心機和時間烹調，才能使她容易入口，若果牛腩太硬太痴牙便不好吃，因此這個咖喱牛腩質素十分高。他們推出的安格斯牛扒十分美味，牛扒厚度充足，廚師亦能夠將火候調節得很好，能夠將牛扒控制到七成熟以內。而且牛扒鬆軟，證明牛扒質素良好，牛扒配有不同嘅醬汁選擇，我選了黑椒汁，黑椒汁味道不會蓋過牛扒的鮮味，反而能夠配合得到，令牛扒味道不會過於單一。而且牛扒套餐亦配有而且牛扒套餐亦配有薯條和時菜，因此能夠足以令各位捧着肚子離開。飲品方面，薄荷沙冰梳打薄荷沙冰梳打清爽有甜美，並且大杯。 荔枝梳打也十分大杯，而甜度亦適中總括而言，餐廳質素很高，價錢合理，質素亦良好，絕對值得一試…查看更多

呢排比較凍，都想食一啲熱辣辣嘅嘢！黎到上環，我都想試朋友一直都推薦嘅熊拉麵！一入到去就嗅到有好香芝麻味。餐廳環境好乾淨，前面係開放廚房，而且播住日本歌，成個氣氛好好。朋友話熊拉麵有一個特色，就係佢哋有期間限定拉麵。今期就係黑芝麻擔擔拉麵！我每次有見到期間限定嘅字眼，就會覺得一定要試下。所以就點左一個。熱辣辣嘅拉麵上台之後，即刻聞到濃濃既芝麻同花生香味。本身以為辣肉醬會得少少，原來份量都幾多！啲辣肉醬對我黎講有啲辣，但好香，忍唔住邊食邊飲水。流心蛋好值得追加！食落好香蛋味，好滿足！OpenRice 寫 a2出口，但我覺得b出口仲近，直行轉個彎就到。限定最大既魅力係食完唔知幾時先可以再食多次，真係又愛又恨，好期待下個月既限定拉麵…查看更多

今天我向大家推介一間餐廳，既有玩樂又有好食物。一間令你充滿驚喜的餐廳。一間位於荃灣西式餐廳，裝修十分精美，永久給人一種放鬆感覺。這間餐廳十分適合聚會。餐廳有bar枱，適合大家食食飯飲飲酒，放鬆一下，又可以猜枚，鬥骰。餐廳內亦有足球機和飛鏢機，亦能滿足不少不喜歡飲酒的朋友，亦有更多玩樂的選擇先說沙律，這是比較傳統的田園沙律，果醋配上橄欖油，簡簡單單的風格能夠完全帶出蔬菜的清新。然後便是蘑菇餐湯，濃郁的磨菇香味，每一口也能從你的口腔中找到磨菇，絕對十分「足料」。然後便是牛仔骨，牛仔骨配上薯菜，醬汁和牛仔骨配合得十分良好，薯菜也能足以令你感到飽肚。然後那個蟹肉燴意大利飯，濃郁的芝士配上蟹肉的香味，侍應從遠處捧起那個意大利飯時，我已經從聞到蟹的香味。最後那個青檸啫哩伴雪糕，清新的啫哩香味配上新鮮果肉，絕對是最完美的閉幕。…查看更多

之前上網見到有關呢間食店嘅報道，見到個老闆好似對自己店好有信心咁，就黎試下係咪真係咁值！😏😏一入到去就見到環境好乾淨，裝飾都幾唔錯，坐底就見到有set公碗筷，仲有一盒紙巾任用，好貼心啊！！🤤🤤🤤 坐正個位對面係廚師處理刺身，望落都幾衛生我地揀左椰子雞湯，成煲都白雪雪，勁香椰味，仲要有十幾件雞係入面，就咁飲都覺得好正。套餐包任身刺身，一開始都唔預個質量會好好，點知同出面食個啲差唔多喎。我地放啲三文魚落個火鍋到，發現仲好食😂😂火鍋配料方面，丸類食得出唔係cheap野，墨魚滑食彈牙。粟米丸好香粟米味，返叫左幾次🤤🤤🤤 仲有一個必叫既⋯⋯粟米！ 食左一啖發現超有驚喜，好甜啊😍😍😍😍，最衰個陣已經好飽，冇位再食⋯⋯花膠係回本之選唔係話好靚料，但呢個價錢黎計，合格！連埋個雞湯一齊食，感覺好補身養顏😍😍呢到野飲幾多選擇，而啤酒係最多款，好岩成班朋友黎食飯。甜品都係個啲，雀巢雪糕咁，個日有朱古力同芝麻味，仲有雪米糍咁。呢到有部雪糕機竟然有薄荷朱古力味，好特別😂😂呢間店行高質路線，啲員工收碗碟好快，野食又快送上黎。其實都係貴出面可能幾十蚊，但食又食得舒服，野食都唔錯。下次會再黎！…查看更多

之前係facebook 見到有介紹呢間小店，所以就帶埋朋友去試下，睇下係咪咁好食！我地星期四去，唔係等左好耐位，但店內真係比想像中細，只齊合二三個人去食。又熱又餓，坐底即刻叫左兩杯凍飲，我朋友等唔切我影相就飲左半杯😂😂即整既奶昔，奶味濃，牛油果飲落幾健康咁😂😂食越南菜一定要叫法包！！ 食落好豐富，啲菜酸酸地好開胃！而聽聞呢到既番茄蟹膏檬粉好好食，我見到朋友試食一啖之後露出左一個好幸福既表情個陣，我就知一定好好食🤤🤤 啲湯勁濃同鮮甜，好想成碗飲曬啊！！！同埋個豬紅好好食，成碗得兩舊唔夠喉⋯⋯我地本身仲想食呢間店既綠豆糕同蝦卷，但估唔到賣曬⋯⋯星期四都咁好賣，咁六日黎咪咩都賣曬🤔🤔總括而言，呢間店既食物質素係令人有驚喜，雖然離地鐵站有啲近，但都會再試…查看更多

今日同朋友來到尖沙咀一齊食飯，去之前己經知道係一間有貓咪的西餐廳😍我地叫左一份鮮雜菌雞粒炒飯同一份烤焗西班牙豬肋骨配薯角炒飯拎上台個陣仲出陣煙，口感稠密的，好香雜菌味！而烤焗西班牙豬肋骨配薯角，呢間既茄汁偏甜，幾開貴。個豬肋骨都幾厚下，啖啖肉。叫左杯蜜桃飲品，飲落好清新！貓貓咁岩訓响我地隔離的椅子上面，😙我同朋友都搶住要摸佢，唔會怕人，只係懶訓左少少🤤🤤店入面有好多遊戲，食完飯可以同朋友一齊玩有得食同玩😝，仲有貓貓，都幾開心的一次用餐。下次可以帶埋小朋友黎，佢地應該會玩得好開心！…查看更多