hmwv's Profile

想搵地方飲茶，跟住見到呢間做緊午市七折，所以就去試下喺地牢入面，不過環境好明亮，好新點心選擇算都幾多，價錢同出面差唔多，而且仲要有七折，係幾抵食，而且食完之後覺得所有嘢嘅味道都非常唔錯,絕對可以encore叫咗燒賣,超多蝦，推介不過個蘿蔔絲酥餅就同平時嘅蘿蔔絲酥非常之唔同，佢只係一個包，呢個就真係唔係幾好食仲叫咗石鍋腸粉，正常發揮啦藥膳雞腳煲得好淋，藥膳味都好濃要咗個秋葵，上到嚟先發現原來係包咗漿炸嘅，都幾得意，而且係鹹蛋黃味，但係食得多會覺得有少少油膩流沙包都有造型嘅，而且係堅流沙我覺得係尖沙咀係性價比算高嘅酒樓…Read More

諗唔到食咩，經過樓下見到佢午市做緊六折，就上去試下老實講如果冇折嘅話其實定價都唔平點心選項唔係好多，主要係食小菜我哋叫咗兩個素嘅點心，但係嗰個蘿蔔糕其實唔係素嘅，入面有肉，所以素食者要注意，不過味道係好嘅，整得好香脆，唔會太油膩另外普寧豆腐就正常發揮，算係外脆內嫩，同埋係新鮮炸起，熱辣辣個沙茶牛肉麵牛肉佢寫明係用牛頸脊，所以好嫩滑最後甜品要咗個芋泥，冇影相，但係係好幼滑同埋好香嘅，整體嚟講質素係唔錯，不過如果冇折扣應該唔會嚟，因為午餐嚟講都幾貴…Read More

第二次嚟食，上次食咗排骨湯，今次叫咗辣牛肉湯刀削麵，比起個面，我覺得佢嘅湯底更加抵讚辣牛肉湯麵辣度啱啱好，而且湯底係飲得出牛肉嘅味道，食晒啲麵仲想要飲多幾啖湯嘅味道，而且飲完唔會覺得好口渴，仲有都幾足料嘅牛肉絲，最開心係有木耳同埋菇，令到成件事食落去好有咬口，同埋唔會好寡一碗麵要90幾蚊雖然唔平，但係真係好大碗，超級飽，但係其實冇乜服務可言，而且全場都係搭枱形式，不過環境乾淨企理，係速食午餐嘅好選擇…Read More

好難得一個飲品同食物都做得相當出色嘅地方Cocktail同埋Mocktail加埋我諗有超過20種,而且每一款背後都有故事,亦都有分到用茶底,或者唔同Spirit做底,令到你見到個Menu或者個名已經好想試,個presentation亦都非常好,譬如話會喺你面前整個bubble ,而且會好詳細咁樣同你解釋返個味道炸薯條絕對係必叫之選,相對嚟講炸雞同埋個意粉就唔算好有驚喜,不過質素都唔錯嘅,係朋友gathering嘅好地方,但係每台限時兩個鐘,要留意番…Read More

聞名已久，但由於喺佐敦唔係一個咁方便嘅位置，所以一直都未有機會試，今日食完泰排檔經過，就買咗佢最出名嘅布甸麵包聽好多人都話好好味，抱有好大嘅期望，點知一試換來好大嘅失望首先個麵包非常之韌，好難咬，而且個布甸好甜，好漏，一個布甸麵包四個人分，一人一啖已經係極限，完全冇辦法想食多啲，而且味道亦唔係話有幾特別，只係可能個做法同出邊有啲唔同另外買咗個流心開心果撻，睇個樣好似都好味嘅，點知食落開心果味唔濃之外，個酥皮又唔係好脆，又唔香，佢亦都唔係流心，佢直頭係開心果醬，完全冇固體嘅狀態，撻入邊嗰層開心果醬係青綠色，同面嗰浸唔一樣色，其實我哋唔知係咩嚟嘅，好奇怪仲買咗酥皮同埋曲奇皮嘅蛋撻，食落去質素遠遠比唔上一啲街坊麵包舖…Read More

唐宮小聚當然必食乳鴿啦，$49.1隻，佢係真真正正嘅BB鴿 （好似好殘忍咁）肉唔多，皮夠脆，keep到水準，值得推薦可惜嘅係午市套餐只供外賣，堂食全部都得散叫，叫咗個炒陳村粉，其實同乾炒牛河分別唔大，只不過佢唔係牛肉，食到最後覺得有少少油膩，而且唔算好有鑊氣，唔會太推薦另外叫咗個辣炒蟶子，蟶子係肥美，冇沙，好味嘅，而且加咗啲茶樹菇喺入面，不過個汁好鹹，其實應該用嚟送飯，如果就咁食唔係食幾隻就覺得鹹到冇辦法繼續食…Read More

其實本身想去食泰排檔，點知排晒隊，附近又唔係好多其他食肆，就嚟咗呢間台灣菜便當嘅選擇都幾多，我就揀咗招牌炸大排飯，初初以為係會排骨另上，點知原來係蓋飯，佢擺咗啲粟米雜菜喺入邊，係好嘅有啲菜食吓，冇咁油膩，但係唔知點解佢將啲雜菜尤其係個粟米整得好鹹，而且個飯加咗豉油汁，成件事我覺得有啲太鹹，排骨炸得正常，唔會太油膩，但係就真係普普通通，又唔係話太抵食，而且間餐廳好熱，夏天去入面食飯會出晒汗，唔會專登再嚟食…Read More

海港城入邊千両嘅午餐算係比較有性價比嘅日本餐廳叫咗個百両定食，因為想要食多幾舊壽司，而且有炸蝦同埋炸可樂餅，仲有一個烏冬，飽到上心口，亦都可以食到唔同種類嘅嘢壽司嚟講冇乜特別，但係我覺得係比壽司郎素高啲啲嘅，炸蝦同炸可樂餅我就嫌佢個炸衣太厚，而且食落有啲油，個蝦咬落去幾乎覺得好似淨係食緊炸衣咁，其實隻蝦好細，另外個可樂餅唔係薯仔，好似係南瓜，非常非常之甜，有啲奇怪，但係百幾蚊一個套餐有咁多嘢食，算係咁囉…Read More

唔知點解尖沙咀開咗超級多新嘅泰式餐廳，今次晏晝去試呢間唔係食佢嘅醉貓炒河，而係佢嘅招牌烤雞河，本身覺得睇個名冇咩特別，跟住上到枱白曬曬唔算好吸引，不過一食落去。。。係唔一樣喎！好有鑊氣，初初以為佢會冇乜味，但係食落我反而覺得佢少少有啲偏鹹，不過係可以接受嘅中間仲有啲發水魷魚，係一個好新嘅體驗，之前冇喺其他泰國菜館冇食過呢種炒河（喺泰國都冇食過）係醉貓炒河外一個特別嘅選擇，值得一試，亦都會想返去再食…Read More

呢間係中港城入邊嘅印度菜地理位置唔算好顯眼，都係見到有人介紹先至去係印度人主理，同其他印度菜餐廳有少少唔一樣嘅就係佢間餐廳唔會有好大嘅咖喱味，唔怕食完成身有浸味食物質素係非常唔錯，我哋叫咗Butter Chicken咖喱羊，兩款都正常發揮，唔會過分辣另外要咗芝士蒜蓉naan同埋蒜蓉naan,兩款都好好食,但係如果鍾意食芝士嘅一定要叫芝士,因為熱辣辣整出嚟拉絲嘅感覺實在太好仲叫咗一個齋嘅Chicken Tikka ,係麵筋嚟嘅,但係呢個竟然係超級辣飲嘢叫咗一壺Masala Chai,甜度啱啱好而且香料味好濃,整體嚟講呢間餐廳值得推薦…Read More

上次喺希慎分店食咗栗子糊，覺得非常之出色，今次嚟歌賦街分店試下芋泥,一樣都好好味喎，日厚薄到啱啱好，甜度亦都啱啱好，比起好多其他糖水舖都做得好不過朋友叫嘅栗子糊今次睇落好似好稀，唔知係咪同就嚟收舖有關係，同我上一次食嘅有少少唔一樣，你都有可能因為分店唔同所以質素都會唔一樣另外芋圓我覺得佢畀得太多同埋偏甜，幾乎個個都食唔曬啲芋圓仙草我就覺得正正常常啦，雖然係佢嘅招牌，但係又唔覺得特別同出面有啲咩唔一樣…Read More

午市嘅套餐有飯或者面配一粒生煎包，價錢都係五十幾蚊，係幾抵食第一次嚟，今次要咗佢嘅招牌排骨菜飯配一粒生煎包先講生煎包，個底煎得好脆，而且超級多汁，皮薄，有上海食嘅味道，係好味嘅但係排骨菜飯就令人覺得非常失望，因為首先個飯好乾，好似沙一樣，而且冇咩菜味，另外個排骨雖然係炸得脆，但係個肉質唔知點解仲淋個豆腐，完全唔似豬扒，開始懷疑自己食緊乜嘢肉類。。。如果要嚟食我推薦生煎包，下次可能可以試下面，但係排骨同埋菜飯絕對唔會再食…Read More

午市要搭枱其實都算啦雖然個體驗唔係太好，但係我覺得每人要收$15茶位費我就覺得有少少唔能夠接受如果係$5嘅話都還可以午餐套餐選擇係OK嘅、而每個套餐都配前菜同埋一款麵，我要咗小炒黃牛肉肉，份量唔太多因為佢啲碗全部好似好大，但係其實好淺，所以睇落好似好大碟，其實份量係好少嘅味道正常少少辣辣地，個湯底係雞湯，我覺得唔算太有雞味，少少偏鹹，跟餐嘅醉雞完全係得個甜字，我冇諗過係咁甜，明白蘇州菜係偏甜，但係呢個醉雞我只係食到甜味，嗰個糖心蛋亦都得個甜字，其實食物質素同味道係唔差嘅，不過要搭枱之餘自己落單其實已經冇咩服務可言，仲要有$15茶位費同埋+1服務費整體嚟講就令人覺得唔係幾抵食…Read More

其實係想去食little napoli，但係七點鐘去到竟然已經停咗囉排隊，排到癲咗，但係朋友又好想食pizza，所以就行過兩步去咗呢間，我真係攬粗粗試下，估唔到質素都唔錯喎佢都係pizza napolitana, 但係佢唔會係好濕好濕嗰種餅底,連嗰邊都可以食埋,唔會覺得好飽,因為佢係好有空氣咁嘅麵團，佢有好多唔同嘅款式,而且個pizza都好大個,得三個人所以只係叫咗兩款,要左一個五式芝士,一個辣肉腸,我個人比較鍾意辣肉腸因為味道重d,可能係冬天嘅關係,一上嚟啲芝士已經開始硬咗，但係整體嚟講都係好味嘅，會推薦…Read More

唔知點解佢嘅漢堡包係冇牛肉嘅選項，但係都想試一試，所以就要咗呢個cajun 雞肉漢堡配薯角,本來以為外賣會質素好差,但係又ok喎估唔到咁巨型,入面有兩塊雞扒,一塊菠蘿,當然外賣黎都係有啲濕，但係都係可以接受嘅，要值得一讚嘅係入面嘅生菜同埋蕃茄超新鮮，非常之爽脆，估唔到會有咁新鮮嘅蔬菜，完全唔係快餐店爛曬，發黴曬嗰種菜，值得一讚！！！另外薯角嘅cajun調味都好足，係畀我想像中好味嘅，下次都會在幫襯！…Read More