YoungCouple的個人專頁

同老婆由鯉魚門行去燈塔和天后廟後，才發現附近成條村根本無提款機！我地只有一些零錢，竟然都搵到野食 :) 酸辣湯 - 麻油幾香但唔酸唔辣，稀稀地唔夠熱。$8 ok. 煎餃子 - $8 有五隻，煎得香脆，鮮肉餡料幾好味。 笑面係因為價錢實在太抵喇！…查看更多

老婆生日我買定兩個日式芝士蛋糕 ($60) 放晌雪櫃，其實因為我都一樣鍾意食啦，哈哈 :) 芝士味道輕型，有伊藤家既影子，兩個人可以一下子食左半個！ 之前試過其他味道既芝士和慕絲蛋糕，也不錯的，唔會太甜。店員服務良好，讚。…查看更多

鍾意 IKEA CAFE 係因為有家庭既感覺。好多餐廳確實唔太歡迎小朋友，無兒童椅之餘，小孩哭家長們會覺得好尷尬。 老婆揀左張圓桌，和小朋友一齊坐。 龍蝦仔 (四小隻) - 冰鮮龍蝦細隻少肉，但牛油和香草味濃唔錯。 肉丸 (十粒) - 肉丸嫩身，加埋肉丸汁食到停唔到口.. 配上既薯條稔左少少，但味道同肉丸汁夾 :) 個人唔太喜歡果醬所以無食到。 西冷扒配意粉 - 西冷扒全熟 un un 的，意粉煮得岩岩好，還有少許配菜!…查看更多

因奧運關係趕住返屋企，同老婆要外賣 $108 筒雞餐攬住電視食晚飯！ 原味雞九件熱辣辣，層皮好味呀，肚皮滿足。老婆鍾意加茄汁食。 配有白汁雞柳飯 (汁唔太夠)，磨菇飯 (淡淡的)，粟米 (另外塗上自家牛油更美味)，格格薯 (香口) 和薯蓉 (開粉既唔好味)。 還有四杯可樂哩。隨餐逢送一張外賣九折 coupon, 睇怕下個禮拜又要幫趁外賣速遞喇。…查看更多

夜晚同老婆趕住睇高清奧運，揀左食快餐！ 茄汁雞柳意粉配酥皮龍蝦湯 - 沒有龍蝦的龍蝦湯味道唔錯，但酥皮好薄。雞柳數薄片，意粉出奇地 al dente，牛油味香濃，還有少許香草，有誠意。 焗豬扒飯配羅宋湯 - 羅宋湯夠熱夠茄膏。豬扒肥味，蕃茄新鮮，炒底飯唔錯，但茄汁太多偏鹹了。 份量多，同老婆感覺食到漏漏的！…查看更多

尋日食左一塊過乾既 Freshness Burger 漢堡扒，都係去返麥當當好過。 薯條永無失準，頂多間中會鹹左少少。 豬柳蛋漢堡岩晒鍾意食蛋既我！豬柳都有少少汁。 飲完可樂後要了兩雪糕 cones, 快快返去睇電視！…查看更多

今晚打算去 Citysuper 隨便買些熟食做晚餐，但又怕唔夠，所以去買多個 Burger. Classic Burger - 漢堡扒算有牛味唔薄，但好乾.. 軟軟的生菜和蕃茄唔夠新鮮，酸瓜和茄汁份量ok. Burger 熱潮後，這店客人顯得比之前少了。這個價錢可以食到更好的！…查看更多

完成蘇屋村一日遊，感慨但總算了左個心願，應該以一個甜品作為總結。 煎釀豆腐 ($7) - 豆腐企身豆味濃，煎得香口，鯪魚肉新鮮彈牙。 熱豆腐花 ($6.5) - 豆腐花滑而且豆味濃，糖水份量岩岩好。 街坊價，老字號，人頭湧湧，值得推介。…查看更多

我地一心要在蘇屋村清拆前影相，順便黎杜鵑樓既茶餐廳來一客下午茶！ 西多士 ($18) - 兩薄片牛油麵包被輕輕炸過，香脆軟熟。 凍奶茶 (+$2) - 茶濃奶香，多冰消暑！ 歎下冷氣，望著天花和牆邊日久失修既痕跡，不知道一班老街坊在屋村清拆後，又會在那一個樹梢下重聚。…查看更多

同老婆睇完李鄭屋古墓後，到了下午茶時間！ 叉燒瀨粉 ($14) - 蜜汁叉燒沒有半肥瘦，只有全瘦，味香但硬左少少，瀨粉大碗但質數麻麻。 燒鵝河粉 ($14) - 燒鵝皮燒得香口，肉唔會實而且入味，河粉大碗但質數麻麻。 店內註明自設燒味工場，食客可以食得放心 :)…查看更多

因為附近有新樓盤既關係，街道擠滿人。食完新華既蛋撻，過黎金園比較下先！ 金園既蛋撻 ($4) 中央未熟，有蛋汁流出。酥皮烤得過火了，有一陣陣烤焦既味道.. 看似今次這一盤蛋撻失手了。…查看更多

週末我地去李鄭屋村影相前，黎比較一下新華和金園新鮮出爐的酥皮蛋撻！ 新華既蛋撻 ($4) 少甜夠滑，酥皮一層層油油而鬆化的，味道和口感能媲美泰昌。 如果鍾意曲奇皮蛋撻既，會略嫌油膩，但可以接受。…查看更多

食完鵝記凍渣咋，同老婆帶埋屋企人黎義順。 雙皮奶X2 - 奶香幾滑，但無之前濃味。 薑汁燉奶 - 燉奶夠濃但唔夠滑，薑汁多些會更好！如果要比較的話，會比較喜歡杏花樓的，但這裡的已夠滿意了！…查看更多

同老婆和屋企人睇完戲，天氣熱當然要食個冰凍甜品先！ 之前試過幾款甜品，但都係覺得招牌喳咋最好！之前比較過熱和凍的，個人還是覺得凍的好，記得要多花奶 (如果鍾意的話) :) 屋企人第一次黎，凍喳咋三碗唔甜料足，眉豆、腰豆、紅豆、芋頭和西米味夾。下一站義順牛奶。…查看更多

平日下午茶由兩點起，小/中/大/特點價錢分別為 $9.8 / $12.8 / $15.8 / $18.8 蟹肉小籠包 - 唔覺有蟹肉，皮乾而厚，只有少許湯汁，肉"鞋"而粒粒肥肉清晰可見。 鮮蝦菜苗餃 - 鮮蝦少菜苗佔了大部份，邊食菜苗邊出水，食得狼狽。 燒腩仔瀨粉 - 燒腩仔肥瘦分明幾好，但皮燒得過火。瀨粉份量多，抵，但湯完全淡味，附送菜心兩條。 招牌流沙包 - 唔流沙的流沙包，偏甜。 地點寬敞舒適，服務良好，唯食物有待改進。…查看更多