小明珠的個人專頁

鋪頭細細，有外賣，亦有企喺度嘅堂食，門口企滿人，即管入去買碗試吓，叫咗寬薯粉，肥牛，羊，大豆芽，BB辣，湯另上加$2，盛為＄39。等左大約8分鐘，15分鐘黎，拎到返屋企，仲暖暖地，味道唔會太重味精， BB辣啱平時冇識開辣野嘅人，湯粉唔算太多，不過餸非常足料，麻味唔多夠，咁嘅價錢，都算係價廉物美，性價比高，唔怪得咁多人排隊買啦。企喺度食只係得兩個位，建議外賣。…查看更多

經過一間齋鋪，見到有好多人買齋嘅外賣，八卦望下，樓下外賣，樓上餐廳，生意好似幾好，仲做埋台式飲品，有珍珠奶茶，＄15一杯價錢合理，即刻買杯試吓。因為知道台式飲品一般比較甜，所以特登叫咗少甜，奶茶方面味道冇問題，不過啲珍珠出事，珍珠好硬，好明顯未煲淋，完全無彈性，飲珍珠奶茶啲珍珠先係主角，對杯飲品好失望，唔希望佢賣啲咁嘅嘢俾人，走返轉頭，同返個夥計講，個夥計話唔出奇，因為今日係由另一個人煲，唔關佢事，不了了之。既然對自己食物嘅質素都唔重視，我都無佢辦法，反正意見已經反映咗。…查看更多

相信好多中上環打工仔都去過中環間北園酒家飲茶，今日介紹，佢係鴨脷洲海怡住戶俱樂部分店。濃湯叉燒鵝瀨 - 無呃你，的確係濃湯，瀨粉索左d燒臘味，又彈牙；叉燒有豬味，瘦叉唔會肥淋淋，夠新鮮；但點食依舊都係燒鴨，而唔係餐牌所寫既燒鵝，肥瘦適中，食燒鴨無少少肥，唔好味嫁，皮脆內嫰，成碗野，比個滿分你。星州籮蔔糕 - 一睇個樣，都知你係炒定叮返熱，不過食落味道有XO醬味辣辣地，表面煎過有層焦，籮蔔糕就傳統粉粉地，淋個隻，我自己就鐘意食彈牙多d，算係咁啦。手打牛肉球 - 有茜味，根肉適中，有咬口，手打牛味濃，塊山竹無浸淋比你，食落仲有脆脆地炸過感覺。南乳豬手 - 切到細細舊，容易放入口，火喉剛剛好，無炆過時，豬手入口彈牙，花生入味，佢味道偏咸，如果餸飯，絕對一流。香茜叉燒腸 - 丫姐一放上枱，已經落好豉油，但絕對重手左，皮厚叉燒少，好明顯放耐左，成舊粉咁痴實曬，又無味，今次腸粉唔得囉。餐廳環境方面，枱與枱之間有適當距離，絕對唔會密麻麻，行出行入好方便，酒樓黎講，一d都唔嘈，同枱傾計，都無比間離嘈親，自己講大聲d都唔怕騷擾到人。全個酒樓都係落地玻璃，無敵海景送多個南丫島景。如果想要privacy，就可以book佢個卡位海景水晶燈玻璃包廂，最多坐六人，拉埋門，好靜，坐得舒服，對坐海景，兩個字 '浪漫'，全酒樓得三個卡廂，手快有，手慢無。今日煙雨霧霧，我又無帶摭，行出酒樓，對住個海景，真係要唱返句：頭沾濕 無可避免 倫敦總依戀雨點 乘早機 忍耐著呵欠 完全為見你一面。。。…查看更多