momocm111的個人專頁

嗌咗白灼蝦同炒蜆白灼蝦冇哂又唔同我哋講蜆直頭漏咗入單本身係嗌炸皮蛋蝦餅試吓，點知入錯單變咗普通炸蝦餅，好彩個炸蝦餅係好好食嘅！個豉油王炒麵，我哋一坐低就嗌，等咗九個字忍唔住吹，但因為其他嘢都差唔多食晒到最後我哋差唔多坐咗一個鐘走嘅時候都未有！啲樓面都有幫我哋追單，最後都係等唔到個麵員工服務態度都幾好，但個收銀唔知係唔係事頭婆，我問佢冇落到單同落錯咗點解冇人通知，跟住佢好串咁同我講你唔好問我，我啱啱先入黎收銀！…查看更多

母親節果日去左食，睇落好似好大，但去到啲枱好細，果日好多人，要叫佢先開冷氣🧐但雞子，雞腸，魚頭都好食嘢飲都有好多，啤酒都有，但果日可能係佢新開第二日，所以比錢既時候冇得用信用卡，只可以用現金同轉數比佢…查看更多

沉日收到佢哋嘅WhatsApp話開番，book枱嘅話$268有一隻龍蝦，咁就試下啦！今日一去到仲以為同之前間鋪唔同晒，點知同以前一樣都係嗰三位師傅😂我即刻帶返隻雞翼食吓先啦！呢個師父燒真係一流！入面多汁出面又脆！最估唔到嘅就係隻龍蝦😆好甜又新鮮，如果$268喺呢一間舖食到嘅話真係好抵🤓重有個蠔唔腥，有3個味，都幾特別，個人鐘意中間果隻豉油味😂其餘既都不過不失！同埋佢哋啲野食平過之前，但又冇話分量少咗🤔所以大家之前食過呢間既話真心要去食多次！個龍蝦好正😆😆…查看更多

今日同4個朋友去左原汁原味度食咗餐，同上一次食既水準都差唔多，但今次個燉湯有藥材，呢個我就唔太鍾意！因為我覺得有啲苦😅😅但原來佢哋個燉湯會成日轉！但炸so炸生蠔就好好食喇😋唔知係咪佢哋係用日本刺身蠔做呢，所以冇腥味！片皮雞一樣咁正，係條叉燒要等耐小小，因為佢哋係即刻燒！個南乳脆鱔都好好食，因為佢係冇骨既😂😂重有幾樣掛住食唔記得左影！但總括黎講都係好食，最正係真係冇味精👍🏻👍🏻下次去要試吓個酸菜魚，我見人哋食好似好好食，同好大煲😎…查看更多