JJ1972的個人專頁

今次和一班好友訂房慶功，試咗伍佰新菜式，椰子燉鷄湯，椰子味和鷄非常夾，本人對魚其實一般般，但香炸海班炒球，做得非常好，九層塔海蝦送飯一流，香煎牛舌香口嫩滑，黑松露手撕雞，黑松露味好夠，不過就要睇下大家鍾唔鍾意呢d味，胡椒花甲王泡勝爪，胡椒味濃，啖湯飲落去成個人暖哂，海膽炒飯就冇我預期好食。價錢正正常常六百幾，佢地免我吔2支開瓶，之後我地就幫親咗幾支，d酒好抵飲$168/起，值得一提餐廳樓面好熱情，服務好好。…查看更多

冬至屋企人想打邊爐，就諗起伍佰，平時多數都係係佢度食私房菜。打電話訂枱，得知分兩輪，也明白大時大節，甘選咗8點15分，果日早到佐，所以要係門口等，但d侍應好窩心，比d野飲和凳我哋坐，值得一贊。準時8點15分入座，入去時果然人山人海。坐底點咗條花金古和佢地加拿大野生象拔蚌刺身，條花金古上枱時重識郁，講真花金古魚味夠濃，肉質又彈口。佢地加拿大野生象拔蚌真係正，食落果d鮮甜度真得，出面d餐廳冇得比。之後d牛肉都非常掂，花紋分佈得好靚，最重要係牛肉味極重，又夠滑身。另外又贊一贊d夥記，以為今日佢地甘忙，估唔到每半小時加湯又換碟。做到十一點幾埋單，順便係佢吔度訂埋團年飯，走時重見佢地有客入黎，抵佢地甘好生意。…查看更多

知道伍佰私廚裝修完，第一時間去棒埸，上到去裝修不算豪裝，樓底勝在夠高，比人感覺清爽。跟住見到老闆伍佰一樣甘熱情介紹，行咗一圈見到有6間房。我哋10條友訂咗間中房，坐落闊落，我吔預訂咗私房菜，佢主打招牌菜龍蝦金湯脆米東星班（野生）一出埸非常耀眼，條東星班非常有份量，脆米鋪面，然後經理張d金湯倒落去，噴出d煙，即時要攞電話出來打卡，d肉配上龍蝦湯非常正，魚有魚味和彈口。另一道菜係手撕包菜炒鴿鬆，黑松露鴿腿，非常非常正，聽講話d師父要花好多時間，有一道也要重點推介，我本人對羊肉冇乜特別喜愛，但伍佰私廚的師傅張藤椒羊扒，帶出色香味俱全，送酒一流，食到我到幾條友都讚不絕口，麻辣豆腐手撕膏蟹，一口灌漿蘿薥，藕醬萵筍炒帶子，也非常正，以前佢地火鍋一向出息，估唔到私房菜也非常得，環境90分，食材係用靚料，加上煮得出色95分，服務態度幾好，但運作可能剛剛開業，有少少不夠流暢，80分，價錢也非常合理，9道菜每人$500，一句講哂值得大家去食…查看更多