raincheung620的個人專頁

公眾假期下午不用等位，不過圓櫈就坐得唔太舒服，如果全場坐爆應該好迫。一入門口會比一份過左膠既餐牌同一支紅色筆，自助落單，不過有侍應會攞餐比你！爌肉便當，五花肉超淋超入味，其他配料同様出色，不過飯比較小！冬瓜茶，甜度適中！豆乳雞，炸得夠脆夠乾，不過雞肉比較鞋紅燒豬手乾拌麵，豬手炆得好淋，不過麵太濕，冇乜味，配菜芽菜九菜太多。…查看更多

星期一至五lunch時間黎都要等位，不過入坐後差不多見枱枱都食常餐就知應該不錯！炒滑蛋加蒜蓉厚多士，滑蛋真係好滑，蒜蓉多士熱辣辣又夠蒜蓉味瑞士雞翼撈丁，雞翼雖然唔入味，不過個撈丁真係撈得好好，瑞士汁夠晒味！餐飲凍飲加＄3蚊，紅豆冰加＄5咋，味道淡左少少，不過紅豆算大粒同煲得淋，＄40幾蚊一個常餐，雖然有Ｄ貴，不過真係好飽肚！…查看更多

lunch時間黎到，因舖位細大約得十幾個位，要花上半小時等位，雖然食比較趕，不過食完都覺得值得。日式咖哩漢堡扒溶岩蛋包飯，溶岩蛋脹卜卜，一切開真係好溶岩呀！漢堡扒自家製，份量好足，不過比較漏，咖哩汁不錯。吉烈豬扒即叫即炸夠脆。吉烈炸蝦，都係即叫即炸。Lunch大約68至78蚊左右，包一杯熱飲，飯既份量唔算好多，不過配上溶岩蛋男仔應該都夠飽！…查看更多

樂天皇朝終於進軍旺角，想食八色小籠包又多一個地方選擇。八色小籠包果然出色，皮薄多汁全部都出到本身既味道，最好食係鵝肝同黑松露。慶祝旺角新店開幕6月份叫一份八色小籠包送一籠小籠包，真係好抵食，原味一樣皮薄多汁。生煎包，底煎得夠脆，料多有湯汁。麻辣粉皮，唔算好麻辣蝦仁炒飯，飯炒得夠乾身，蝦仁夠爽…查看更多

期待已久既大都烤鴨，星期五分兩個時段，如果想食都一定要先book位。餐前小食係無核紅提加蜜瓜，夠清甜，好過食花生。蠔油蘑菇，全碟得八至十粒蘑菇，切成扇形，所以好似好太碟，不過好入味，又太不咸，係一個特別既前菜。牡丹蝦仁，將蝦仁一開四，其實全碟都係大約八隻左右，不過蝦仁夠爽，配上青瓜夠清新。大都烤鴨，配菜有葱，哈密瓜，青瓜，紅菜頭，配菜夠特別，可惜片皮鴨係凍既，皮又唔脆，夠為失望。片皮鴨兩食，崧子炒鴨鬆，鴨肉本身已經唔好味，又一失望之作。小籠包，皮薄又多汁。鍋貼，底煎得夠脆，又多汁，碟上還有溫馨提示，提醒客人小心燙口。瑤柱上湯時蔬，瑤柱分量多，上湯夠清甜。三絲春卷，雖然夠脆，不過料太少。三絲炒麵，全晚最驚喜之作，汁同配料都好多，雖然咁多汁，不過每條麵都脆卜卜，真係好出色！招牌菜片皮鴨令人極之失望，不過點心及炒麵優勝，今餐算不過不失。…查看更多

食過一次，對魯肉飯念念不忘，不過平時好多人要等位，就啱聖誕節下午4點經過再去食一次。一去到店員話上面2樓開聖誕音樂會，請我地上2樓，原來上面仲有一層。上面環境比下面寬敞好多，不過買野食同攞野食又要行上行落。不過店員見我地買完野食，都有主動幫我地拎上黎，好細心。必食魯肉便當$55，份量十足，有魯肉，魯水蛋，牛腱，豆腐，蘿蔔，一隻雞全翼，所有都好入味！香酥雞湯麵$50，炸雞好有係台灣食既感覺，炸得香脆！香辣火焰雞膇$35，分量比較少，但夠辣，不過食完好熱氣！黑糖奶茶$28，薑薑咖啡，兩杯都好好味！可能聖誕節，兩杯都有雪花裝飾，好有心思！每個熱飲杯下面都住左隻長頸鹿架！全店都有長頸鹿裝飾…查看更多

麗港城商場新開上海菜，商場未有上海菜館,又可以多一個選擇,其實無太大期望，不過食落有驚喜！點餐紙都有好多唔同既選擇.價錢都算合理.雞絲粉皮，份量少左D,麻醬味道淡好杰好少,食都尾係無晒麻醬.不過青瓜爽脆,雞絲唔鞋口,粉皮係幼身比粗身好食.小籠包,夠熱,皮夠薄，餡料足,有湯.紅油炒手，餡都係一般餃子餡,個汁整得唔錯。如果可以再辣D更好.酥炸排骨擔擔麵，排骨其實係豬扒,不過炸得夠香脆.湯底可以隨自己喜歡揀辣度，湯底做得好食！夠花生醬味.麵硬度式中.…查看更多

雖然唔係靚門面,豪華裝修，但菜式比裝修更緊要,不過可能裝修比較舊,所以平日晚飯時間都係熟客.但價錢真係好實惠.糖心燻蛋，真係好糖心，仲有魯水汁既香味，$15兩隻好底食。台灣牛肉麵，牛腱炆得好淋，麵同餸份量算多,$40零蚊仲有豆漿送,好底食.小籠包，雖然皮厚左小小，不過有湯汁又足料。鍋貼，餡料多,個底煎得夠香脆。現在無咩舖頭可以煎得脆又唔油淋淋.西環開左好多大型連鎖餐廳,希望所有小店繼續有空間生存.…查看更多

知道銀杏館一向係支持長者就業既社企，所以要黎支持一下。平日下午LUNCH時間,入座率都有8成.舖面整潔，雖然地方細細，但坐得舒服,餐具都好亁淨.老火靚湯，午餐加$15,好多湯料,冇味精。滑雞煲仔飯，飯多左小小水，冇飯焦，不過味道唔錯。不過飯有少少雞碎骨,食既時侯就要小心D.豉汁蒸時魚，豉油淡左DD,有D屋企蒸既感覺,魚蒸得過老.午餐白飯免費轉蕃薯飯,其實係白飯加左幾粒蕃薯,不過可以當加左個餸.最後有甜品送，可惜當日冇桂花糕，送左2塊曲奇。全餐飯味道雖然普普通通，但長者熱情招待，又係另一種開心既味道。…查看更多

上一次星期六下午來要等30張枱，所以放棄左，揀平日九點半來終於不用等位。熱奶茶味道好一般。出面普通茶餐廳質素.招牌菠蘿包，有厚厚既鲜牛油,煎蛋,蕃茄,好吹料,食一個都好飽,雖然唔太健康,但個包的確係脆，好味既！芫荽皮蛋鲮魚球魚片頭米線，足料，魚片頭太咸，不過芫茜可以再多D更好,其他料都新鮮。可能我叫錯佢地唔係招牌既菜式,唔覺得好好食.如果要等半小時以上,我唔覺得太值得.…查看更多

搬左細舖，反而覺得比舊舖舒服。黑蒜油腩肉拉麵，腩肉太少，不過湯底ok。炸蝦天婦羅，炸得夠乾夠脆！別府雜錦煲，辣度有得揀，有1椒，2椒，6椒，8椒同10椒，揀左2椒，本身都食得辣，但原來2椒都好辣，揀10椒點食呢？枱面有水諗住加落去，不過經理見到，都好細心比左碗豬骨湯，溝淡返個湯底，服務唔錯。…查看更多

聖誕節係德福廣場想食晚飯，好多地方都要等位，行經白熊喫茶店，見冇人等位，又未試過，所以入去試一試。剛好8:00唔一定要叫聖誕餐，所以叫左一個咖喱飯，同一個聖誕餐。咖喱飯可能係日本咖喱，完全唔辣，仲要係冇咖喱味，要加佢枱面上供應既辣油，先叫比較有味。牛扒煎到好乾，可能聖誕節餐都係咁上下。香蕉船，原價$60，跟餐半價$30，講真如果比正價就真係太貴，綠茶雪糕完全冇綠茶味，牛奶雪糕亦唔太好味，配料普通。終於知道聖誕節不用等位既原因:(…查看更多

經過西港城見到平時係出面買開麵包既舖頭，有下午茶食，D相仲好吸引，所以入去試下。三重芝士條用麵包包住芝士炸，芝士味濃，但係佢比個三款醬係完全冇味。到最想食既厚pancake,切落去都感覺奇怪，食落去係凍，仲要係平時去麵包舖既蛋糕，咁樣加埋一成$60唔係好值得。…查看更多

又再次為漢堡而來，雖然再想食鵝肝漢堡，不過今次決定試下其他。燒菠蘿雞腿漢堡$63,平時好少食炸雞漢堡，試過今次下次都係食返牛肉好D，雞腿太薄，用得太多香草。丹麥藍芝士漢堡$58，有驚喜，藍芝士配煙肉牛肉好香，味道好好。另外後加一個自家製魚手指，又係太多香草，魚肉鬆散，份量小$30幾蚊唔抵食！…查看更多

大角咀出名多野食，今次為漢堡而來，夜晚7:00不用等位，舖頭細細，有十零個坐位，勝在裝修簡潔，好有美式餐廳感覺。餐牌多選擇有漢堡，意粉，沙律同小食。至尊漢堡$75,有兩塊牛肉，兩塊芝士，蛋同煙肉，分量取勝。必試既鵝肝漢堡$123,鵝肝好厚，煎得又香又軟，配上無花果黑醋汁，咁既價錢值得一試！食漢堡可以加$18,有罐裝汽水同薯格或薯角，薯格分量唔小架。舖頭内每張枱都有茄汁，沙律醬，紙巾同手套，好細心…查看更多