MissKitti的個人專頁

近日開始四週年祭，翻出同新出左唔少餐點，就黎試幾款。之前未黎過禾輋分店，閒日11點黎到唔駛等位，個場都有少少空虛。首推甜品白桃芭菲（$32），雖然顏色單調，但白桃雪葩和白桃都好好食另外試左吞拿魚腩長鯺吞拿魚壽司（$12），其實即係葱花魚腩和普通長鯺吞拿魚的結合版，味道一般，但非常易冧⋯⋯⋯ 未食之前已冧左三次，令人覺得食落有少少麻煩其他壽司和天婦羅同其他分店差唔多，唯一係此分店刀功不太好，如左下角的吞拿魚壽司：中間會分開，不知係咪師傅特殊擺法，另人摸不著頭腦！…查看更多

壽司郎不時會有限定餐點，今次遇到的是夏天的「夏祭り」，就黎試其中幾款較少人試的壽司。第一款係夏天京都人鍾意食嘅水煮鱧魚壽司（$22），魚內的小骨頭有切碎但魚皮仍完好，只是完全沒有鮮味，係無味先啱⋯⋯ 食左都唔知自己食左咩⋯⋯第二款係鰻魚肝壽司，鰻魚肝煮得香甜，入口軟綿，配上清爽的青瓜片，好好食！ 而且$12/2件，性價比高。如果大家會食內臟，這個必食！第三款係網民們譽為五大伏為首的瑩光魷魚軍艦（右上，$17）。可能我好彩，或者是薑味重，我又不覺得如大家所講鹹到苦，食落一般但未到伏，可以接受！下次限定會再黎食，分享下俾大家知…查看更多

之前也有去財記買外賣蘿蔔牛筋（$96）回家加餸，一向味道都唔錯，辣油也出色。近日見她貼出「光榮結業」啟示，便打算多買一次蘿蔔牛筋回家做餸。買回去已是即食，但全碗野傳來一股酸味的，心知不妙：牛筋有啲酸，勉強吃了一舊，但是白蘿蔔⋯⋯ 一口咬下去，裡裡外外都是變壞了的酸味，不能食用！我和家人不敢以身試菌，最後只能全掉⋯⋯我不知是店內全煲牛筋腩都有問題，定係白蘿蔔有問題。其實變壞的酸味咁嚴重，盛的店員也嗅不到，真的不會有下次！…查看更多

一個字，伏！價錢是中價但給的食物超少，味道一般。最嚇人是飯團不是正常size而是比女孩子拳頭少1/3的size（BB拳頭size)。未計外賣送貨費，接近$80一個午餐連正常食量的女仔都食唔飽，以後不會幫襯…查看更多

之前已食過一次牛肉麵，下午茶時間行經附近諗起想再食多次，試下其他麵食。店面走古早味路線，四處都貼了舊舊的圖片、票尾之類，有特色。今次點左下午茶餐，招牌牛筋麵（下午茶餐連熱飲）的牛筋有兩大兩小，炆得夠腍且入味；滷水牛肚麵（下午茶餐連熱飲）的牛肚份量也多，但略嫌有較十陣內臟氣味，滷水也蓋不住唔夠新鮮的味道，下次唔會再點牛肚。甘梅地瓜條是加$10點的，和晚巿套餐的份量同等，大碟得黎地瓜條炸得夠脆，好好食！至於飲品，就分別加$3轉凍飲，同埋加$10轉檸檬愛玉。凍檸檬紅茶無乜特別，正常凍檸茶一杯；檸檬愛玉的愛玉稍少，唔知係咪$10加飲價會少啲？但味道是可以嘅。…查看更多

今晚有米懶煮，決定叫外賣探下店，就揀左呢間大阪燒小店，點了期間限定的精選二人套餐（$258）其中火炙芝士海鮮大阪燒和日式紫薯薯餅很好吃，特別是大阪燒，海鮮份量十分佛心，有好幾舊大大舊的八爪魚，亦食到原整蝦仁，味道適中唔會太鹹，粉也不算厚，欣賞；紫薯薯餅食到有栗子粒，有少少驚喜雖然係叫外賣，但食時仍跪口，唔錯！其餘的餐點就覺得一般，特別係阪神薯條，不似薯餅般保持脆度。雖然點了蜜糖芥末口味，但一啲蜜糖味都無，只有沙律醬的酸味，個人覺得唔太好食。其他餐點一般，無特別評論！…查看更多

本身不知道甚麼地方有清真食品，經朋友介紹下來這間試下傳統的菜式。雖然去酒吧，但無點酒精食品同飲品。Pani Puri 對於本地人黎講比較陌生，但問返同行的外籍朋友，佢地話係鄉下十分常見，好奇之下就點了一個無酒精的甜酸醬版（$65）。酥炸球上有少少切碎的配菜，小酒杯中有超酸的醬汁，與其話係甜酸醬，我覺得味道像調過味的檸檬汁，酸酸地，配炸的酥炸球一啖剛剛好，好開胃！甜酸醬汁比較多，朋友教我要一喝而盡，照辦～ 果然是稱職的開胃菜，飲左更開胃，可以試多兩樣野！土耳其轉轉雞肉卷（$70）和其他店舖物味差不多，勝在勁飽肚，好彩我和其中一位朋友一同分享，否則一人食哂真係無法再試其他食物！另一個覺得好味的是印度烤雞（$110），只有5塊，但是用去骨雞肉而且大大舊，香料和乳酪將雞肉醃得入味，烤完入口唔會乾柴柴，是一個不錯的小食！另外亦試了一個素的芝士番茄咖喱，入面好多一塊塊淡口的cottage cheese塊和蔬菜，絕不是只有薯仔和汁的咖喱，辣度適中，唔錯。來到印度餐廳，試必要試一杯Masala。可惜這裡的Masala tea（$40）比較細杯，而且不夠香料味。同荔景以前間著名的「KK咖喱」出品差太遠，直情似普通奶茶多啲，所以唔推薦其他食物飲品係同行朋友點黎食，無逐一去試，但問返朋友意見覺得ok，可以俾大家參考下。…查看更多

是日要到科學園辦點小事，見時間尚早便去捐窿捐罅找間清靜雅緻的舖頭坐下食午飯🥣喜歡優雅清靜的朋友絕對要搵這間提供輕食的咖啡小店，座位不多，過左1點要等位。全日早餐十分大份，麵包是酸種白麵包，有彈性之餘亦烘得夠香，配上香滑炒蛋一流 而且有兩大條豬肉腸和煙肉，煙肉煎得好脆，好食～另外單點了一杯洋甘菊茶（$28），一般花茶包質素，勝在夠熱，可以飲足一小時～一邊坐都見到有附近工作/住的人過黎專誠買麵包/三文治，店員也十分有禮，有一定質素。下次來科學園時會再來幫襯！…查看更多

同朋友週末聚舊，朋友搵左間小店，位置上令佢人流不多。地方亦細，只能坐門口近斜台位置，開門關門時都幾嘈。不過食物質素唔錯，自己點了個芝士炒蛋拼大啡菇（Bello with toast），朋友點了是日精選意粉。辣雞扒的意粉我唔啱，所以無試食，不過朋友話都夠份量、味道可以。今次只講芝士炒蛋拼大啡菇啦。芝士炒蛋用料豐富，好creamy好滑！用來就咁食或配旁邊的竹炭厚多士食也很美味不過「大啡菇」並不大，炒蛋食左1/3之後先見到一隻扁哂的啡菇，大小不用說了，亦無乜菇味，有少少失望！但芝士炒蛋同厚多士真係唔錯！可能拼其他野會比較正。至於大家係食評寫的飲品，我地二人覺得偏貴，且只能單點，見食左都幾飽沒特登叫黎試。希望下次再去試下其他野食～…查看更多

應該是秋冬限定的越南帽子火鍋，聽落幾有特色，便點了一個二人份、清湯底的火鍋黎試下。帽子算大但因為材料都舖在帽邊上，實質用料不多，之前有網友食過有青檸之類的配料，這次也不見了，非常簡潔。個人覺得牛肉和牛丸都幾好食：牛肉片ok，無雪味，輕灼幾秒便食，唔算靭但未算好柔軟易咬；牛丸細細粒有肉汁，有少少牛筋係裡面，有口感！其他的肉類，包括牛坑腩（幾靭）、扎肉片（無乜特別）真的很一般。二人份量的火鍋，連金邊粉也不夠二人份，結果二人也吃不飽，結果要去第二間再食野。:(…查看更多

週末懶得做飯，一於試試大圍的小店。這間小店的位置比較偏僻，但食物和味道都很不錯！店員也很有禮和友善，還細心地教客人下次怎樣下單更方便挪威卷（三文魚牛油果墨西哥捲餅），$48/份，它的份量很足，滿滿的蔬菜不會膩，而且牛油果和煙三文魚也不算少，價錢合理！以色列番茄燉蛋，$20/份，這是第一次吃Shakshuka！原本以為是鹹味的，怎知是酸甜的味道，番茄、洋葱、蔬菜和香料加起來有驚喜！這種酸甜清新的味道真的很美味～ 一定要熱辣辣食，非常開胃～…查看更多

今天與老公行遠一點的大埔逛街，巿中心的大埔超級城裡真的很多人！於是我們退而求其次，去了附近的大元村搵食，其實那邊也不錯！午巿土耳其香草烤焗比目魚柳 ($72)雖然不知何謂「土耳其香草烤」，但比目魚的確入口嫩滑、烤得好香！但份量真的少了一點，適合小鳥胃的朋友。午巿紐西蘭西冷餐 ($72)牛扒餐算抵食！熟度適中不會太硬或血冧冧，無乜雪味，也煎得香。薯角香脆，老公食哂！另外，午巿餐牌的餐都連雜菜湯、蒜茸包和飲品，不過不失，蒜茸包食落香口但略嫌軟身了，上枱前可以烤脆些。…查看更多

早幾日和老公外出走走，去了荃灣逛Donki和吃午飯。這間店雖然平民價，但午巿套餐都幾抵食！另外這間店有獨立產地直送壽司和吞拿魚餐牌，今次就加點了厚切吞拿魚壽司，有興趣的朋友也可一試！單點的厚切吞拿魚壽司(一貫)，$36，真的勁厚切，食入口魚比飯多了差不多一半，不腥無乜筋。兩個午巿套餐都包味噌湯、炸物一品和沙律，當日炸物是炸扇貝仔，都幾香口但略嫌顏色深了一點不夠好看！份量大，吃不完把剩下的內容給老公吃......~可以再來光顧！…查看更多

是日與朋友到訪APM，去了王家沙邊食邊聚舊。雖然客人開始多，但通花文字屏風和簡約的店內設計，空間感夠，令人坐在店中也不覺迫，可以舒舒服服傾計。先來個荳腐馬蘭頭，帶點麻油香，馬蘭頭也切得夠碎，豆腐乾切得很整齊，每粒也是四四方方的，師傅刀功幾好。原本以為會一夾便散落一地，但由於整體夠油潤，所以夾起不會太散，唯一覺得鹹了點。再來是生煎包，我很愛這一碟三隻的生煎包，外貌不揚，但勝在煎得夠熱包底夠脆，一咬更有大量肉汁流出來，足足有一隻湯匙咁多！爆汁果下當真俾佢嚇親！強烈推介！！正當我食緊美味的生煎包，蟹粉小籠包出場了～～ 朋友和我一人夾一隻，一咬之下，小籠包另一邊已流汁了！肉汁帶酒香、夠香甜！皮也算薄，不會食到成口皮。好味！黎多隻！最後是嫩雞煨麵。只有很少雞肉，小棠菜也不多，除了麵便是湯。麵吸了湯汁其實也好吃，有濃郁雞湯味，但只有麵和湯便覺得有點貴⋯⋯本來諗住叫甜品，但太飽了，還是下次再來時留肚試甜品啦～！…查看更多

新城巿廣場7樓和地下一向都是食店雲集的地方，而且質素唔錯。過往都同朋友食過今助，覺得佢食物質素唔差(壽司除外)，加埋晚飯時段很久沒去過，今晚一於去食返餐~比較早入座，人少少夠清靜；餐牌印刷得很精美和清楚。見到餐牌賣相好吸引，價錢相宜，所以我單點左雜錦飯。珍珠飯上舖滿醃蘿蔔、秋葵、漬香菇、三文魚碎、吞拿魚碎、納豆同溫泉蛋，一上枱覺得飯面七彩繽紛，顏色夠靚！珍珠飯軟滑有彈性，夾著濕潤的納豆、溫泉蛋等和較濃味的醃蘿蔔、漬香菇，口感豐富又有營養，好滿足~至於老公點的是自家製豆腐燒魚定食，定食內包括燒魚、五目飯、酒粕味噌湯和自家製豆腐。先來的是燒(花)魚定食，(花)魚被燒得外皮帶點焦黑，檸檬汁流至魚邊時能聽見吱吱聲，可見魚皮的焦香程度；魚肉夾起來顯得頗為結實，但吃在嘴裡，一口咬下卻是多汁嫩滑，魚油豐富、入口甘香但不覺膩。餐牌上並沒有註明這個定食用的是甚麼魚，但實在很好吃，好奇一問之下才知原來是花魚！這是我吃過的燒魚料理中表現很好的一次！很讚！以加熱中的木盒盛載著自家製嫩豆腐，有睇頭！而且能即時加熱至剛好燒沸便食用，不怕豆腐煮得過老，食時的豆腐也能保持質地軟滑幼嫩，可見餐廳很貼心。唯一可以改善的是，豆腐本來已只用清水和少量蔬菜煮沸，食時應能吃到一股黃豆的清香，但作為店家特別推介的自家製豆腐，豆香太淡成為了這款料理不被小妹推介的主因，如果能吃出豆子的香甜，加上本身餐廳的貼心上菜方法，相信這道菜是必食之選。最後的是酒粕味噌湯。喝起來有少許酒味，但整體湯的酒香味和味道也不夠濃，我想是要讓小孩子也能食用吧！湯料的蔬菜算多，不過油豆腐切得太碎，碎碎的樣子不太好看呢。今晚兩個料理的量夠大，吃得很飽，這個價錢的話食物質素算合格，下次我會再來喔！…查看更多