Foodiemei的個人專頁

沙律菜好新鮮，醬汁好特別😋西班牙海鮮飯一送上枱好吸睛🤩賣相令人垂涎🤤海鮮鋪滿表面，虎蝦好大隻好彈牙，仲幫你挑埋蝦腸添🍤配埋大大嚿魷魚，醬汁香濃唔會太鹹，食完又唔會太膩，香氣撲鼻，番紅花和海鮮味道完美融合，米飯粒粒分明，帶微微咬口。燒黃油春雞外皮金黃卜卜脆，賣相誘人，雞皮極薄脆，切開時肉汁滲出，肉質嫩滑多汁，配埋香草一齊烤令表面嘅雞皮味道提升！入口皮脆肉嫩，雞肉嫩滑唔鞋，醬汁唔鹹，但可以帶出雞肉嘅鮮甜味同埋香草的清新。牛角窩夫伴雪糕外層香脆，內裡鬆軟，配上冰凍雪糕，雪糕冰涼滑溜，冰火交融，牛油香和奶香互相提升，甜而不膩，食後心情愉快，絕對係完美甜品收尾！🍦…查看更多

XO醬海鮮小炒王色澤鮮亮，配料豐富，賣相吸引。上桌時XO醬香氣四溢，帶點微辣，入口鮮味十足，魷魚爽口，蝦仁彈牙，脆果香脆，蝦乾香口惹味，食落啖啖脆魚仔，令人食到停唔到口！鳳梨咕嚕肉外層金黃酥脆，肉質嫩滑，酸甜醬汁包裹著鳳梨、三色椒和肉塊，食落啖啖酸甜，撈飯超正，超開胃，香氣撲鼻，吃後不覺膩。椒鹽脆鮮魷炸得香脆，鹽香和蒜香交織，炸蒜炸得好香脆，撈飯一流！蘸埋醋食，配搭一流😆酥炸蠔餅外皮酥脆，好多粒蠔仔係入面，超足料！黑椒蜜餞薯仔牛柳粒色澤誘人，黑椒香氣濃烈，牛柳粒嫩滑，薯仔帶微甜，又係另一味食到唔停口嘅餸菜！馬拉盞時蔬炒牛肉色彩繽紛，馬拉盞香氣撲鼻，牛肉滑嫩，蔬菜爽脆。整體來說，每道菜都色香味俱全，令人食過返尋味😋…查看更多

今日晏就去左間西餐廳Odelice食😆頭盤揀左凱撒沙律、主菜揀左澳洲牛胸腹扒，飲品係凍檸茶。凱撒沙律新鮮爽脆，配上香濃芝士粉、煙肉粒、酸酸哋嘅筍同埋脆卜卜嘅麵包粒，醬汁份量啱啱好，唔會太膩。澳洲牛胸腹扒，叫左七成熟，肉質軟嫩多汁，牛味濃郁，配搭簡單嘅鹽同黑椒已經好出色，不過佢嘅特製香草醬與牛扒配搭都好夾，切開仲見到少少粉嫩，入口即溶。我朋友頭盤揀左炸辣蟹肉球，主菜揀左牛肉芝士煙肉漢堡，飲品係美式咖啡😋牛肉芝士煙肉漢堡好邪惡！牛肉厚身多汁，芝士溶化包住煙肉，咬落去層次豐富，每一啖都其味無窮，炸辣蟹肉球外層酥脆，內餡鮮甜帶微辣，蟹肉份量十足，食落好惹味。整體嚟講，呢間餐廳無論頭盤、主菜定飲品都好有水準，環境舒服，服務親切，絕對值得再嚟！😋…查看更多

冬蔭功濃汁虎蝦意粉酸甜開胃，虎蝦好大隻、超鮮甜、超彈牙，青口一啲都唔腥，配埋秀珍菇與意粉炒埋一碟，每樣食材都掛滿晒冬蔭功汁好入味同埋好惹味，超開胃！簡直係色香味俱全😋泰式醉貓炒黑毛豬肉手工卷粉味道都好特別☺️卷粉煙韌彈牙，黑毛豬肉嫩滑唔痴牙，香料同醬汁惹味又唔會辣。香茅豬肉菠蘿米子卷清新爽口，香茅味突出，配菠蘿更添層次，外面嗰層有塊紫蘇葉包住，配埋餐廳特別調配嘅醬汁與米字卷超級夾，超開胃！加埋紫蘇葉食落帶有另一種香味😚…查看更多

自助山自助餐選擇多，海鮮如蟹腳、凍蝦新鮮又鮮甜，魚生都好有水準。中式點心推介蝦餃同燒賣，現場即製，味道扎實。甜品一定要食招牌海鹽蛋糕，環境衛生又舒服，值得一試！🦐熟食方面，廣東燒味如叉燒、烤鴨每日新鮮製作，肉質嫩滑又有香氣。現場有即叫即煮的海鮮喇沙麵、鐵板燒雞肉、燒牛肉、天婦羅和印度咖喱等，味道豐富。自助山最大賣點係360度旋轉餐廳，坐低就可以望住維港靚海景慢慢食，冇死角！落地大玻璃窗，日夜景色都超正，特別啱打卡同慶祝。食嘅時候會keep住慢慢轉，幾特別😆食物款式又多又新鮮，邊食邊欣賞風景真係好享受～🌊…查看更多

今次同朋友去咗間日式餐廳食左個下午茶，每一道菜都好有驚喜！特濃蕃茄烏冬鍋湯底濃郁，帶住天然蕃茄香味，微辣，烏冬滑溜彈牙，係用日式烏冬烹調，吸晒湯底精華，每一啖都好有蕃茄味！大阪燒醬雞肉餃子外皮煎到金黃香脆，內餡雞肉多汁，配上大阪特製醬汁，味道層次分明。明太子烏冬鍋帶有微微鹹香，明太子同烏冬完美結合，口感細膩，唔會太膩。黑糖檸檬雞就好特別，雞肉外皮脆卜卜，黑糖同檸檬味道互相中和，甜中帶酸，令人一試難忘。最後嘅沖繩海鹽焦糖雪糕冬甩係必點嘅甜品，甜品部分絕對係亮點，冬甩外脆內軟，配上海鹽焦糖雪糕，鹹甜交錯，食完好滿足。整體嚟講，呢間餐廳無論主菜定甜品都好有水準，環境舒適，服務貼心，非常適合朋友聚會或慶祝！👍…查看更多

雪燕芋圓西米露真係一試難忘！雪燕滑潤，西米彈牙，芋圓煙韌有咬口，三種口感完美融合。另外佢可以揀豆漿底，唔鍾意食椰汁嘅朋友可以轉做豆漿，多個選擇😋令成碗糖水層次更豐富，唔會太甜，食落清爽又解暑。每啖都食到好足料，價錢親民，性價比高，無論夏天定冬天都啱食。店內環境舒適，係朋友聚會或運動後嘅甜品首選！😋…查看更多

今次試咗酸菜魚同埋地三鮮。地三鮮係醬汁炒薯仔青椒茄子，加兩碗白飯，好好食！酸菜魚魚肉滑嫩，份量好多，有好多舊魚，湯底酸辣開胃，酸菜味道突出，飲落去好舒服。入面仲有芽菜、木耳做配料，加上有好多薯粉喺底，唔鍾意撈白飯嘅朋友可以唔需要叫，食薯粉都好飽！😋呢碟地三鮮，由醬汁炒薯仔青椒茄子，超級惹味，薯仔炸過唔會太腍，茄子吸晒醬汁，青椒帶點清香，三種材料配埋一齊，層次感豐富。兩道菜配飯超夾，食完令人回味無窮！😋大家要留意佢係有茶位☺️…查看更多

牡蠣白湯拉麵湯底用大量牡蠣同雞湯慢火熬製，湯色奶白濃稠，鮮味突出，每啖都感受到蠔的鮮甜和雞湯的醇厚，食完啲麵會飲晒啲湯！麵條煙韌掛湯力強，配料有叉燒、醬漬蠔夠晒大隻肥美，鍾意食蠔嘅朋友唔好錯過呀。食之前記得將碗入面塊檸檬篤幾下，令碗麵有檸檬香味！菇燒牡蠣串用菇片、紫蘇葉包住粒蠔嘅串燒，外層微焦，內裡多汁，菇香、蠔味互相融合，口感層次感十足。完熟白桃汽水果香撲鼻，入口清甜帶微氣泡，解膩又消暑，超好味！沖繩啤酒帶淡淡嘅麥芽香，好易入口嘅啤酒，入口爽口清澈，特別適合配海鮮或夏日享用🍺…查看更多

蕃茄魚配寬粉配搭埋蕃茄湯簡直一流，蕃茄湯酸酸甜甜，魚肉超級嫩滑，食完有滿足感。反斗墨魚膠豆卜就好有咬口，墨魚膠超彈牙，豆卜吸晒酸甜醬汁，香口又唔油膩。這個自選三餸粉麵套餐真係幾抵，有好多唔同款式嘅餸可以自行配搭。配埋酸辣湯，簡直一流。手拍青瓜拌海蜇爽脆清新，青瓜帶點微甜，海蜇彈牙，醬汁又唔會太鹹帶點微酸，食落好開胃。兩款小菜份量都唔少，配埋麵都好夾，啱晒午餐或晚餐。價錢合理，選擇多，無論想清淡定重口味都搵到心水。整體來講，真係值得一試，性價比高。…查看更多

Order咗手撕雞車打芝士漢堡 & 布里芝士牛肉漢堡，仲加埋前菜，是日前菜係青瓜沙律，飲咗蜜桃味冰茶。前菜係酸種麵包，搽埋牛油好夾！佢嘅牛油仲有少少橙香味添。手撕雞車打芝士漢堡配薯條，雞絲嫩滑多汁，芝士香濃，配搭新鮮蔬菜，層次豐富，令人一試難忘。薯條外脆內軟，沾茄汁更添風味。布里芝士牛肉漢堡則牛肉厚實多汁，我叫左十成熟都唔會靭，旁邊兩塊酸瓜夾埋落去食都好好味，裏面啲紫洋蔥都配搭咗少少酸醋令漢堡更加惹味，布里芝士幼滑濃郁，提升整體口感。兩款漢堡各有特色，非常值得推薦。…查看更多

呢間車仔麵嘅裝修好有香港復古嘅特色，入面睇到好多香港以前用嘅物品，如果想打卡嘅話唔好錯過呀！今日試咗咖喱味齋同炭燒豬頸肉配銀針粉。咖喱汁香濃唔會辣，齋料吸晒味，銀針粉滑溜彈牙。豬頸肉炭香十足，肉質彈牙唔油膩，配埋一齊食真係好滿足！😋枱面仲有辣菜脯可以按自己喜好加入湯一齊食😆…查看更多

呢間叫 non sense 嘅餐廳真係好有驚喜！😋日式煲仔飯一上枱就香氣撲鼻，飯底微焦帶脆，粒粒分明，醬汁鹹香又唔會太重，如果覺得個味道唔夠佢都會有個甜豉油俾你自己再加調味，配埋嫩滑豬肉，食落層次感十足。喇沙意粉係中西合璧嘅驚喜，濃郁椰香同微辣醬汁包住每條意粉，軟殼蟹都好大隻，辣度啱啱好，食唔到辣嘅人都食到，令人一啖接一啖。冧酒提子芝士蛋糕入口即溶，芝士滑溜，冧酒香氣滲透每一口，提子乾仲有啲酒香，甜度適中，好好味。鐵觀音芝士蛋糕茶香突出，芝士味濃而不膩，口感綿密，配埋雪糕冰凍滑溜或者燉蛋香滑細膩，食完幸福感爆棚！想俾驚喜的話，可以一早預訂畫碟😆畫得好靚！…查看更多