cpy_boey的個人專頁

由於有兩位朋友生日，所以決定一大班人慶祝吓，想搵一個地方大少少，而且有間房可以坐得好耐嘅地方，所以朋友就建議過嚟呢間歡樂大排檔試吓😜✨歡樂大排檔嘅位置，我覺得近乎於長沙灣同埋深水埗之間，喺商場嘅外牆已經好明顯見到歡樂大排檔嘅標誌，所以都算係易搵嘅！我哋係早一個星期已經訂咗位，當時職員就同我哋講如果想食羊腩煲同埋想飲豬肺湯嘅話，就要提早預訂😘作為醒目一族咁當然係一早預訂咗啦！一坐低就上菜啦，首先要提一提呢個豬肺湯真係非常之清潤，作為一個冇乜屋企靚湯飲嘅人，真係會覺得呢個湯非常之好飲！佢唔似一般茶餐廳會落味精嘅，你飲得出佢真係用好多嘅菜同埋豬肺煲出嚟，非常之入味😋😋忍唔住飲咗兩碗！🐷🥬第二就係一早訂咗嘅羊腩煲！朋友話呢度嘅羊腩真係用真嘅羊腩，我本身唔係好明佢講緊啲乜嘢，因為羊腩煲唔係本身就係用羊腩嘅咩？原來我朋友講緊嘅就係有好多羊腩煲都唔會用完整嘅羊腩肉，會係羊腩碎上，但係呢度你真係可以見到好肥美嘅羊腩瞓咗喺個煲入面🐑😛非常有咬口，雖然佢有皮喺上面，但係你嘅感覺唔會太煙靭！另外我哋仲叫咗好多小菜！不過因為後期同朋友掛住傾偈，所以冇乜影到，下次如果大家有機會過嚟嘅話真係可以試吓！我印象中好味嘅小菜，包括佢哋嘅炸豬扒王、欖菜炒四季豆、黃金豆腐、椒鹽九肚魚等等，呢啲小菜一上菜基本上就俾人清晒🤣…查看更多

咁啱經過九龍城，就梗係想搵一間泰國嘢試吓啦！九龍城泰國菜嘅選擇都好多，今次就上一間OpenRice上面比較多好評同埋價錢比較平嘅泰國餐廳試吓😘❤️餐牌上面嘅價錢明顯係比出面平，唔係平一兩蚊喎，講緊係最少每個餸平$10，計埋計埋都爭好遠！💰💰因為我哋得兩個人，所以就冇叫太多嘅餸，以下我就介紹兩款印象最深刻同埋我覺得幾好食嘅餸！首先係沙嗲串燒🍢🤪其實平時我都好鍾意食九龍城一間外賣串燒店，但係冇比較真係冇傷害，呢一碟真係明顯好過外賣串燒店好多，你會見到佢真係有心機燒，而且佢啲肉本身好實淨同埋好入味，佢個沙嗲唔係一味得個辣字，係甜辣味，同串燒本身好夾❤️$78有6串，可以自選豬牛雞，真係抵到爛！另外就係生菜包🥙😜有時食泰國嘢會覺得生菜包嗰啲肉，一係太乾，一係太濕，但係佢喺呢個乾濕調節上面做得非常好，而且非常入味，份量亦都比較多，唔會話你啲生菜包唔晒佢啲肉，甚至啲肉多到你仲可以撈飯嚟食🥰🥰我哋兩個人叫埋湯、嘢飲同埋飯，埋單$372，比起樓下食泰國菜真係明顯平好多，如果想食泰國嘢而budget唔多嘅話都建議大家過嚟試吓！😎🍢❤️…查看更多

返工有時好難出去食飯，所以今次同同事決定叫外賣！今次我地叫咗份ALL DAY BREAKFAST！😋 首先，我叫嘅係佢哋嘅豐富早餐A，價錢就係$66，仲有凍檸茶配添！喺鰂魚涌嚟講，我覺得價錢都算OK！💰👍 打開餐盒嗰陣，真心有少少驚喜，見到有果仁同藍莓靚靚咁裝咗喺一個精緻嘅小碟入邊，呢個係我第一次食外賣見到送咁啱口嘅小食，真係覺得好貼心呀！🥗🍇 再嚟就講講主菜啦，我最鐘意食嘅就係嗰啲金黃酥脆嘅魚手指。外皮炸得啱啱好，加上一啲沙律醬，味道真係好好嘅！🐟👌 另外，早餐入面嘅沙律菜都好豐富，令到呢一個早餐（雖然我係喺下晝食嘅）都好似好健康咁。青翠嘅蔬菜、鮮紅嘅番茄，色彩繽紛，食到我心情都好啲。🥬🍅 總括嚟講，Mrs Boss嘅呢份早餐真係留俾我好深嘅印象。唔止營養均衡，味道都好好食。下次有機會，我一定仲會再叫呢間外賣嘅！🔝🙌無論係早餐定係午餐，我都推薦大家試下Mrs Boss嘅ALL DAY BREAKFAST，保證你唔會失望嘅！👏🌟…查看更多

好嘅食物，應該要讓更多人認識～😋 首先，十六座車仔麵喺旺角通菜街，我已經食過好多次，每次經過旺角都會入去食碗車仔麵🏮🚶‍♂️ 餐廳裝修好似入返8-90年代咁，佢哋喺裝修上明顯有花心機，充滿咗懷舊風情，你會驚喜原來香港仲有咁嘅地方🛋️🕰️ 餐廳有兩層，下層坐滿就會安排客人坐上層。不過座位比較窄身，基本上食完就一定會走。🪑🍜 每次我都會叫三餸麵，我特別推介咖哩魷魚、豬大腸，另外辣陳皮魚蛋、豬紅都係好味之選。🍲🍤🐙 服務方面，佢哋樓面人數唔算多，不過客人可以自己用QR CODE落單，減少錯單機會📱💡 上菜速度快，等得唔耐就可以食到熱辣辣嘅車仔麵，醫肚真係一流呀！🍜🔥…查看更多

今次因為返屯門探屋企人，所以我地就去左一間位於屯門紅橋嘅木玥巷食飯👀佢晚市時段係開17:30嫁，所以佢無下午茶食嫁！首先，我哋叫左幾款餸菜，包括🌶️麻辣鴨血寬粉、🍎黑糖蘋果西打豬軟骨飯、🍜紅燒牛肉麵、🍗鹽酥雞湯麵，同埋🍹黃金水果茶。特別推薦係豬軟骨同牛肉，質感唔錯，入口即融，而且明顯好入味。我屋企人年齡比較大，唔可以食太硬嘅野，所以店員特登話幫我地簡淋少少嘅肉😋 而鹽酥雞湯麵都有驚喜，原來佢哋嘅湯底係用紅燒牛肉麵嘅湯底，味道實在太好喇！我平時勁怕食無味湯底👍 另外，黃金水果茶雖然味道較淡，但係有新鮮嘅菠蘿，飲得出佢哋對食材嘅用心。🍍食物嘅價格方面，我哋今次食完連加一就$414，對紅橋呢個地區嚟講，價格可能會高一啲，但係我哋覺得都可接受。💰再嚟就係餐廳嘅環境同服務方面，呢間餐廳嘅服務員態度良好，而且環境適合家庭聚餐，座位都好舒服，絕對適合一家大細一齊嚟食飯。👨‍👩‍👧‍👦總括嚟講，呢間餐廳係一間好適合一家大細一齊嚟嘅地方，食物質量都唔錯，價格略高但係可以接受。🌟🌟🌟🌟 如果佢哋能夠有得飲珍珠奶茶嘅話，就真係更加完美喇！🥤…查看更多

大家都知道，而家要搵一間合格嘅扒房絕對唔容易！之前有朋友推介過一間旺角扒房，所以我地就決定要試下！一入到舖頭，見到佢嘅裝潢風格非常經典，仲帶住一絲優雅，整體氣氛好特別。🏰🥩首先我哋試咗佢地嘅西冷牛扒，好有肉味。🥩🍽️然後，我地覺得全晚最出色嘅係佢地嘅熱熔芝士紐西蘭牛柳，肉質juicy勁滿足，再加上熱熔芝士，真係正到爆！每一啖都有芝士嘅濃厚香氣，好似熔岩一樣流出嚟，感覺真係無得頂！🤤🧀除咗主菜之外，佢地嘅配菜都好出色，特別係薯條，外皮脆脆，內裡軟綿，又唔會過油，正呀🍟 ！最後，我哋叫咗甜品，每一款都好精緻，特別係啲焦糖布甸，真係滑嫩到無得頂！🍮熱熔芝士紐西蘭牛柳、配菜同甜品都好出色，真係一間令人滿足嘅扒房！👍🎉…查看更多

手打檸檬茶嘅風潮急速崛起，我今次就準備好搵下新鮮感～所以特登去咗一間最近人氣爆燈嘅舖頭「茶救星球」，試吓佢地嘅蔬果茶，同埋獨家創新嘅苦瓜檸檬茶🍋🍵 🔆苦瓜檸檬茶 $29 第一款就係佢地嘅招牌飲品，一試就知係真材實料，一啖落去就感覺得到微妙嘅甘甜，真係好神奇地完全無苦味，仲混合住清爽嘅檸檬茶香氣～底部仲有苦瓜粒，食落去竟然都無咩苦味，真係創新嘅味道🍈🍋🍵 當日佢地仲送咗一隻可愛嘅迷你豬豬公仔，真係超可愛！🐷 而每個杯蓋上面，仲有一隻小麻雀，懷疑去多幾次就可以係屋企同朋友開枱！😆🐦…查看更多