eatscraving的個人專頁

最近同朋友約左一齊去葵廣買衫，行完街之後決定去附近嘅新都會廣場食dinner。見到有pancake食就決定揀The Pantry Cafe***我地叫左個抹茶cream pancake 非常鬆軟富有空氣感 除左有好多抹茶忌廉醬之外 仲有紅豆脆米同抹茶mochi Pancake係必食 一定要叫 另外我地叫左兩個主食 黑松露蘑菇溫泉蛋意粉同煎牛扒配焗蔬菜 意粉軟硬適中 有好香嘅黑松露味 牛扒七成熟都唔會話好硬 鮮嫩多汁 有大量嘅蔬菜 減輕油膩感 值得一提係杯熱情果梳打好fresh…查看更多

呢間cafe已經唔係第一次食嫁啦 作為經常係沙田岀入嘅街坊 如果個日想約朋友傾計食飯 好多時候都會揀呢間 先唔講食物 座位黎講都算坐得舒服***朋友叫左個燒汁羊扒燉菜 食得岀羊扒辟左羶 肉質唔會太靭 中意食黑松露嘅人一定要叫黑松露蘑菇溫泉蛋意粉 一上枱就聞到陣陣黑松露味道 意粉軟硬適中 不錯不錯 另外就叫左個Mo burger 有安格斯牛肉配洋蔥炒蘑菇同芝士 再加$25薯條 麵包鬆軟 富有肉香味 甜品我地叫左原味Pancake 配牛油同糖漿 pancake鬆軟富有蛋香味 最原始嘅味道就係最好食👍👍…查看更多

話説原來舊底微辣大排檔個位已經搖身一變 變左做一間泰國餐廳 難得經過就緊係要試下新餐廳 我地坐左bar枱 好似去左泰國咁chill***食泰國野緊係要叫船麵 我地叫左個安格斯牛肉牛丸牛腱牛筋金邊粉 湯底好濃郁 牛肉嫩牛筋幾淋 跟住我地叫左個蟹肉炒飯 炒飯炒得幾乾身 仲有唔少嘅蟹肉係上面 朋友叫左個烤元貝 都幾大隻 調味恰到好處 最後當然唔少得泰式香蕉煎餅 次次去親泰國我都一定要食 有煉奶同朱古力醬夾埋香甜嘅香蕉一齊食 令我好懷念泰國😹最值得推介係芒果沙冰 完全係夏日消暑嘅最佳飲品 口感清涼綿滑 飲一啖已經覺得芒果好新鮮超足料👍👍…查看更多

自從轉左新工之後，好耐都冇同舊同事食飯 難得呢排得閒d 大家約定收工之後要一齊去食pancake😹😹***The Pantry位於係moko四樓，主打疏乎厘厚pancake，有唔同嘅主食、甜品、漢堡同薯條，幾啱小貓幾個朋友聚會。***我地叫左個MO漢堡，有安格斯牛肉、炒洋蔥蘑菇同芝士，牛肉幾juicy，個包又唔會話太乾，配埋黑松露芝士汁薯條，簡直係best combo ever. 另外，我地仲叫左一個新鮮海膽、香煎帶子&蟹肉海膽忌廉汁意粉。雖然份量睇落有啲少，但意粉好creamy，帶子鮮嫩。最後就係重頭戲-抹茶pancake，班戟好鬆軟，食落軟綿綿，仲有大量抹茶忌廉醬，配埋紅豆脆米同蕨餅，好似番左日本咁😹中意焦糖脆脆嘅朋友可以叫番杯milkshake trytry…查看更多

就黎聖誕節 約左朋友一齊去海港城買禮物 買完之後就諗緊食咩 門口見到個開放式廚房 好似幾好咁就決定行入去試下***我地叫左個pizza-Flat bread focaccia 呢個餅底厚而香脆 有大量火箭菜同巴馬火腿 正宗嘅意大利Pizza就係簡簡單單蕃茄底 唔使太多配料 之後我哋仲叫多咗一個rigatoni 類似就係紅酒牛尾燴通粉 牛肉非常諗而香嫩 真心人食嘅話就已經好飽 飲埋兩杯野飲就好滿足***餐廳坐得非常舒服 係一個同朋友傾計唔錯嘅選擇…查看更多

最近聽聞新城市開左一間新嘅疏乎厘Pancake 作為Pancake fans就緊係一定要去試啦☺️店舖主要係以橙色為主調 感覺幾溫暖***炸雞沙律窩夫窩夫牛油味重 炸雞香脆軟稔 配以蜜糖芥末醬非常香口***海膽帶子蟹肉意粉呢個意粉係招牌菜色 所以唔叫就真係走寶😹意粉真係creamy 厚厚嘅帶子配上鮮甜嘅海膽 食落都幾唔錯***除左野食之外 一定要試下佢哋嘅奶昔 最鍾意佢地嘅焦糖脆脆奶昔 雖然係有啲甜 但個種甜並唔係死甜 想fresh d可以試下佢地嘅士多啤梨奶昔…查看更多

記得對上一次食大排檔已經係半年前嘅事😹同成班朋友最中意就係去楚撚記 因為大排檔一般比人嘅感覺都係好舊式 但呢間唔單止裝修新穎好有港式氣氛 仲有冷氣比較乾淨 夏天食都唔會食到身水身汗***我地叫左佢地嘅原隻脆皮炸豬手 外脆內嫩 唔係好食豬手嘅我都覺得唔錯 啫啫唐生菜煲一上就聞到陣陣香味 熱辣辣非常惹味 至於菠蘿拔絲咕嚕肉味道酸酸甜甜 估唔到仲有好似平時食蛋糕上面嘅焦糖脆脆 夏天食非常開胃 豬油撈飯有埋豉油同豬油俾你任加 飲埋枝啤酒就非常滿足🤣🤣…查看更多

話說中環擺花街最近開左一間新嘅餐廳 主打東南亞菜式 一出lift就已經見到裝修非常華麗 有唔同嘅室外corner位俾大家打卡 甚至可以出室外用餐 今次我同朋友就選擇坐係室內 叫左兩個dinner set***Appetiser 我地各叫左扎肉沙律同柚子蝦沙律 想講除咗賣相非常靚之外 味道亦都唔錯 蝦大隻又彈牙 清新又開胃***雖然湯只係得一款 但冬天飲碗素印尼辣味薑黃湯最適合不過 有少少香茅味但唔會話好濃 飲完有種溫暖嘅感覺***至於Main 我哋就叫咗馬拉蕉葉焗魚蓉同仁當香料腹脇肉牛排 Otak Otak平時好少食到 主要係以魚肉泥加上唔同嘅香料而成 帶有有少少香茅辣味 配埋飯係一個幾唔錯嘅配搭 Flank Steak比想像中軟腍 仲有少少炒麵係旁邊***甜品真係值得一讚 超級喜歡佢哋嘅芒果糯米飯拿破崙 酥脆嘅拿破崙夾住芒果糯米飯同芒果粒 加入雪芭 口感冰火交融 絕對係必叫 另外一款嘅Cheese cake亦不錯 少少嘅焦糖味唔會令到成件cake好膩…查看更多

話說個日同朋友係旺角採耳之後 就諗住係附近搵野食 去左豉油街2樓一間樓上cafe 8點入到去都80%full 店員安排左我地坐係bar枱 ***我地叫左兩個Main 加左$48轉set 餐湯係櫻花龍蝦湯 味道濃郁 仲有好多櫻花蝦碎用石鍋上嘅蒜香辣椒蜆肉意大利粉配軟殼蟹外貌非常吸引 蒜香味都算重 軟殼蟹都係炸得幾脆 至於蟹肉蟹子明太子扁意粉 我幾中意 因為有勁多明太子同蟹肉 份量十足好creamy 飲品我地叫左雙重抹茶雪糕latte 朋友勁開心因為有抹茶雪糕係上面 荔枝蜜桃茶就非常清新 最後我地仲每人加左$1甜品放題 有Tiramisu同唔同嘅cheese cake 絕對啱甜品控嘅朋友…查看更多

都唔係第一次食2DP 今日同素食者朋友係尖沙咀做完facial之後 就決定一齊去厚福街食番🙇🏻‍♀️🙇🏻‍♀️ 8:00去到都已經有好多人 得番門口兩個位 由於我地都唔係太肚餓 所以就淨係叫左兩個main同兩杯野飲就算***1. 牛肝菌impossible肉碎闊條麵肉碎同菇味非常濃郁同creamy 完全食唔出係素肉2. 流沙鹹蛋黃燴飯好少係西式餐廳見到有鹹蛋黃飯 我地轉左豆乳 鹹蛋黃味唔會話濃郁到令人反感剛剛好 有一啲白菌同炸豆腐 3. 荔枝西柚烏龍個人來講唔係好鍾意飲太甜嘅嘢 呢杯烏龍茶真係唔錯 少少嘅西柚味令人好fresh4. 玫瑰荔枝梳打有陣陣嘅玫瑰清香味 …查看更多

真心唔講唔知原來尖沙咀厚福街樓上有間CBD餐廳 一出lift 就見到霓虹燈 環境燈光昏暗 係一間幾有情調嘅餐廳***餐廳係用手機落單 我地兩個人叫左個威靈頓三文魚配備秘魯黃椒醬 威靈頓牛扒就聽得多 但三文魚就真係未試過 脆脆嘅酥皮包住半熟嘅三文魚 真係非常好味 至於日式芥末忌廉香煎廣島蠔闊條麵 雖然我唔係幾中意食蠔 但都覺得佢地嘅蠔係幾惹味 Pasta都幾creamy 甜品叫左流心菲達芝士撻 呢個cheese tart係有驚喜 餅底係香脆嘅 一切開芝士就係咁湧出黎 食完又唔會覺得太膩 之後仲叫左杯蜜桃乳酪沙冰 幾fresh 同Tiramisu with Baileys …查看更多

又去銅鑼灣覓食 上次同朋友食完覺得幾好 所以決定今次再去食 平日星期五七點幾八點到已經有好多人 等一陣先可以入座***新英倫周打蜆湯幾濃郁 有幾舊蜆同煙肉碎 仲有塊蒜茸包 真心唔錯 另外有個炸手指秋葵最啱食素之人 炸得香脆之餘仲非常大條超足份量 配埋餐廳特別預備嘅醬汁一齊食 非常惹味 本人非常中意黑松露意大利雲吞 香濃嘅黑松露味令我諗起係歐洲旅行時🥲香草焗雞配蘑菇汁估唔到真係一隻雞 另外仲配粟米 最後叫左兩杯mocktail wonder bar好似係果汁一樣咁 另外cucumber個杯就非常fresh…查看更多

估唔到宜家中環區都有餐廳係做緊50%off優惠 從門口一看 餐廳燈光昏暗 帶着有點浪漫氣氛 我和友人被安排坐近牆邊 侍應首先送上兩杯welcome drink ***Appetiser1. Culatello Di Zibello “ Spigaroli”呢個Pork cold cuts 真心唔錯 味道鹹香輕怡 配埋麵包一齊食2. Burrata Cheese以芝士同忌廉包住嘅布拉達芝士內層係軟軟的 奶香味幾重 Main1. Ravioli with sliced Black Truffle 由幾種唔同cheese造成嘅意大利雲吞 有著濃濃嘅芝士香味 再加上黑松露調味 2. USDA Tenderloin 肉質香嫩 配左四款唔同嘅醬汁 食落有唔同嘅味道Sides:1. Over Baked Parmigiano Reggiano Baby Spinach 芝士焗菠菜係必叫嘅sides 係略嫌少少油🤣2. Butter Mashed Potatoes 真心第一次食到薯蓉嘅original flavour 唔會話俾太多牛油味道cover住Dessert:對於佢地嘅甜品都幾surprised 無論係whiskey cream cheesecake 定Traditional Tiramisu with Illy coffee都覺得好好味 咖啡味同酒味濃郁…查看更多

次次去親旺角 都唔知食咩好 因為實在太多嘢揀啦 今次就將呢個重任交俾朋友😈經朋友介紹 就黎左呢間西餐廳試下***首先前菜係蒜蓉包配番茄莎莎醬 一咬落去微溫又香脆 仲有個周打蜆肉湯 一啖湯一啖包好好味 作為牛油果fans 好想講佢地嘅烤焗芝士蟹肉牛油果係我嘅最愛 牛油果上面鋪滿住份量勁多嘅蟹肉仲有芝士 成個口都係好有滿足感 朋友就勁鍾意食佢地嘅鵝肝多士 入口即溶 質素拍得住自助餐 如果係食肉獸 可以不妨試用下佢哋嘅燒汁澳洲穀飼肉眼 大塊到好似一塊臉咁 唔會太韌😹最後飲埋杯mango同哈密瓜沙冰…查看更多

身為大埔友 校長燒肉都算開左一排 次次經過都見有好多人排隊 但都未試過 所以今晚就決定同屋企人去試下 準時7:15入座 食兩個鐘食到9:15 都係$218一位***真心比想像中多野食 除左可以自己揀燒咩肉食之外 仲有好多熟食同壽司 基本上放題有嘅嘢佢都有 最令我驚喜係壽司 基本上出完一款俾人拎哂都會再refill其他款 有好多選擇唔會話食到好悶 仲有刺身可以叫 ***熟食方面有一d炸物 點心 蒸野等等 麥樂雞薯條最啱小朋友食 老人家就可以食叉燒包燒賣蝦餃 完全係可以滿足晒所有唔同年齡層嘅人 最後仲有甜品 雪糕奶凍 放題來講 選擇非常多 適合一家大細黎食…查看更多