kayrosanna的個人專頁

剛剛去完旅行返港，想好好享受一頓精緻好味的晚餐，上網看到裝修同食評都唔錯，昨晚便訂枱。大堂用大燈籠做裝修和那兩張紅梳化，有酒店大宅嘅氣派。豉椒糖心鮑魚角.脆銀魚乾.琥珀合桃鮑魚炆得夠腍，而粉漿又做到好薄酥香；合桃上黏上薄薄的蜜糖，入口鬆化可口。花膠海參魚蓉羹魚蓉羹用料足，放入不少的花膠同海參，湯底原來用新鮮魚做 ，怪不得那樣鮮味，加入木耳絲，整個湯飲起嚟就好爽口。蟹黃銀針燴玉帶用蟹黃去餵魚翅，延續口腔嘅鮮味，帶子外皮略煎，內肉亦都彈牙唔韌。20年古月龍山花雕蛋蒸虎蝦球20年古月龍山花雕芬芳撲鼻，記得食之前先用鼻哥享受一番先。另外，個蛋亦蒸得好滑，成個菜式好配合，勁好味。拔絲咕嚕肉咕嚕肉個脆漿同樣較得好薄，個汁酸酸甜甜恰到好處，加埋脆口嘅油炸鬼同爽甜嘅馬蹄，增加味覺嘅層次感。香煎一夜鮮馬友魚一夜鮮味濃，皮煎得完整同脆口，滲出嘅魚油加上甜豉油同蔥絲，已經好好味。蝦子花膠濃雞湯. 拌菜苗.手工拉麵蝦子配雞湯，鮮味之上加上鮮味。厚肉嘅花膠，好黏口。桂花糕桂花糕清涼冰凍，完美嘅句號。…查看更多

阿女出嚟做嘢，約我食飯，梗係第一時間去啦。阿女都好乖，搵咗間環境好好，食嘢質素又好好嘅地方同我食。入餐廳，要經過一條好長嘅走廊，無論佢嘅書法牌面，擺設唔同嘅花，同最經典嘅屏風加嗰一張嘅梳化，已經好睇到個裝修氣派。慢煮九層塔蟶子王蟶子王切件，一啖一口，食得方便。用九層塔調味，味道好有新鮮感，慢煮嘅蟶子可以保留佢嘅爽甜。上碟時伴有乾冰，好有仙氣。前菜三弄由淡味嘅櫻桃蘿蔔開始，跟住係三絲海蜇，伴有蟹籽喺上面，增加口感，；最後係風乾醬香鵝翼。雞翼拆肉，用風乾嘅方法，完全將醬料醃均勻地攝入雞肉入邊，味道好濃郁。金腿雪燕烏雞羹用黑豆同烏雞熬製，再加上雪燕同埋金華火腿。湯底既有金華火腿同老雞嘅濃郁鮮味，佩上雪燕，增加口感。脆皮海參鵝掌用台灣竹炭粉包住海參去炸，做法新穎，做到外層皮脆，海參肉嫩。鴨掌炆得好腍，入口即溶，滿口都係骨膠原。個汁係精華，用花膠同老雞熬配，配唐山菜心，用嚟蘸滿醬汁品嚐，係一道好有層次嘅菜式。珍寶珠其實係士多啤梨雪葩。平時嘅雪葩係少許溶時用匙羹嚟食，但呢一個是不同，係將雪葩做成丸狀插上一支棒，做到好似珍寶珠那樣，係好結實，的確讃，配埋淡淡幽香甜味的桃膠，用嚟青味蕾呢一個idea非常好，要俾10個👍。潮式老菜譜蒸鱈魚用菜譜同埋南瓜帶出鹹味同鮮甜味，加上鱈魚本身嘅肥美，好豐富嘅油質感，但一啲都唔覺得肥膩食落口仲好滑好香。胡椒香蔥生煎雞上碟前會先在你旁邊煎一下，雞肉好爽嫩香口，沉浸在香蔥嘅香味之中。Double 香！ 花膠蝦湯洞庭麵用蕃茄花膠同瀨尿蝦乾配冬麵，好別緻，因為好少聽到用瀨尿蝦乾。花膠厚，蝦湯味濃！ 雲石奶凍黑芝麻香甜細滑，入口即溶，做個精緻晚餐完美的句號！ …查看更多

個場唔係好大，大約30人。裝修好特別，估唔到有四架洗衣機，仲有衣車添同衣架做裝飾。卜卜脆炒豬脆骨拼拳頭飯 $142五花腩切得好薄，加埋軟骨好脆口，擺喺大牙咬真「各各聲」。味道調教得唔錯， 十分濃郁，小小辣，真係好好味，加埋椰菜一齊炒，送埋拳頭飯，食到嘴舐舐！街頭魚糕串串 $146有魚糕、魚餅同蘿蔔，韓國魚糕不嬲都係鍾意食的食物。點埋個靈魂汁，另魚版嘅鮮味jump 出來。一雞兩味 $228雞件炸得好脆，雞件唔會好乾，個汁味道做得好好，有甜辣和蜜糖牛油味道，包住整件雞件，汁又唔會太多，上面還加上杏仁片，增加口感。米漿 $20甜甜地，有啲米渣，同中國嘅米漿唔同，冇咁杰口。…查看更多

啱啱喺星加坡返嚟，覺得當地嘅海南雞飯一啲都唔好食。行開附近，想搵嘢食，見到呢度有海南雞飯，雖然食評不多，但個個讚好，所以入嚟試一下。賣相都唔錯，都好大碟，又有湯，都係$50 ，因為天氣熱我加咗$9買個豆漿飲。個湯同個雞都會灑啲蔥，唔食蔥嘅朋友買飛嘅時候記得講一聲「走蔥」😅食材好味，雞好滑，雞油D飯雞油都好勻循，味道啱啱好，個湯就鹹啲。除咗跟蘿蔔之外，旁邊仲有埋薑蓉。呢個海南雞飯好好食，加埋只係$50 ，CP值簡直爆燈。超值，值得推介。😋😋😋😋😋😋😋…查看更多

小份麻辣小龍蝦🦞 $188麻辣味好十足，好地道，食到停唔到口😋😋。麻辣汁超好食🤩🤩，D汁加飯一起吃，係將味道再提升多一級📈。所以食完之後記得唔好叫佢拎走。用埋個汁點綴其他食物。👍👍呢度有一個🔊買三送一的優惠，喜歡食小龍蝦的朋友就記得唔好錯過拉。黯然銷魂炒飯 🍚$78呢個炒飯有鑊氣，調味剛剛好，我哋選咗唔辣。配料都有好多，有紅蘿蔔🥕、豆🫛、紫洋蔥🧅、雞蛋🥚、欖菜🥬、肉碎🐷和蝦肉🦐，全部配料都切得好好細粒，同飯粒差唔多大細，食落口，味道都好平均，唔會有啲咩味搶咗出嚟。😋😋熱情果梳打 🍹$29冰凍清甜🧊，酸酸地，解辣最好。👍👍👍…查看更多

呢度裝修好靚，有去歐洲食飯嘅feel。有太陽傘，又有藤椅，加上假花襯托，大有歐陸輕鬆同浪漫嘅感覺。生蠔 (西班牙 $48, 法國 $58)生蠔伴有醋同埋Cocktail Source仲有檸檬，但係我個人喜歡就咁食。西班牙生蠔，唔算好大隻，切開瑤柱位，見到生蠔浮游喺海水嘅上邊，食落好爽脆，夠冰凍，好鮮甜，有鐵匙羹味，我最鍾意。法國嘅生蠔，比西班牙嘅大隻一啲，同樣夠凍，同樣充滿着太平洋的海水，同樣爽脆，比西班牙嘅更鮮甜。Grilled Angus Flat iron 8oz $328 我係叫medium Rare，火候控制剛剛好，伴碟賣相也不錯。Flat iron係牛嘅膊頭，整體牛味夠濃，𣺉。食食吓先發覺，原來牛扒嘅背面，個格仔紋都煮得好靚。伴隨有風琴式焗薯，上面配有好香味嘅cream同埋好大塊嘅煙肉乾，加上幼蔥，絕頂好味。不得不提嘅係烤番茄仔，一定要講，因為好甜，蕃茄味好濃郁，整體配合得非常好。Melon kakigori $108 刨冰上面滿佈蜜瓜同哈密瓜，上面仲有cream加食用花朵，賣相10分標緻。呢度嘅刨冰好特別，係白色嘅，本身有啲甜味，同埋唔會溶，入口先會溶。…查看更多

餐廳喺頂樓，景觀係無敵開陽；若晚上來，配上燈光，應該好有情調。所以主力係兩人枱，啱情侶上來慶祝。也有梳化卡位，也適合大夥兒一齊來。晏晝唔係好肚餓，所以嗌咗個肉類配餐。個餐有餐包，是日餐湯，迷你沙律及咖啡或茶加$48 先上沙律，有4款不同的沙律菜，生菜，油菠菜，紫棷菜和另一款幼幼的（我不知道他的名字）配上酸酸的沙律醋汁，都醒神開胃。熱騰騰的麵包，配上冰凍的牛油花。椰菜花忌廉湯，灑上細緻的幼蔥粒。味道濃郁，口感creamy。油封鴨脾 $168賣相好靚，用酸蕎頭和把紅菜頭切細粒伴碟，10分精緻。醬汁是草莓汁和南瓜蓉。鴨脾的皮煎得香脆，仍保留肉嘅嫩滑和肉汁，切開後有煙，熱辣辣。雖然係油封鴨髀，但肉質一啲都唔肥膩，配上酸酸地嘅草莓汁，更加開胃，還有，雖然我食酸蕎頭，但係切咗少少，配合油鴨髀一齊食，少少酸酸地，意想不到地更能把油鴨脾嘅清新帶出來。火焰朱古力球 $88 倒上點咗火嘅酒，看着朱古力球慢慢的溶化，也10分治愈。點火儀式過後，拿起匙羹，畢落去，外層的朱古力球「確」的一聲裂開，加上冰凍的雪糕，超濃郁的朱古力Fudge,和帶有酒味的朱古力，簡直冇得彈。齋啡也10分香濃。刻意不加糖， 一口濃郁的朱古力甜品，一口濃郁嘅咖啡， 10分配合。是不錯的配合。…查看更多

星期六八點幾，科學園唔係好多餐廳開，呢間開八點，支持香港品牌咖啡，所以試吓。星期六早上，科學園人唔多，加上天氣好，感覺好悠閑，有啲似去咗旅行嘅感覺。裝修好乾淨，主要色調係白色和金色，加上簡約的設計，中間兩張枱係放喺一個台上面，職員嘅制服係黑底白色燙劃，感覺像香港和日本fusion。這裏有落地玻璃，不過是望內街和馬路，但星期六早上人不多，看着行人，在窗外走着，感覺也不錯。呢度點餐係用QR code 。早餐主要分為三種系列：鬆餅，全日早餐和牛角包。檸檬紅莓流心鬆餅蛋糕 $48一入口，檸檬味充滿，size都好大。輕盈吉列豬扒早餐 $78 一放低，最吸睛的，就是那貓咪形狀的多士， 10分可愛。吉列豬扒，炸得夠乾身，夠均勻，好鬆好脆口。煙肉都煎得不錯，唔會太乾。巨午餐肉，日本滑蛋牛角包 $68午餐肉勁厚切，蛋都炒得好滑，配上芝士，牛角包好鬆化，入邊夾住少許Wasabi，提升味覺刺激，配搭也不錯。跟餐美國熱咖啡是中淺烘焙咖啡，入口甘甜。痴_線朱古力Crazy Chocolate $50另一個吸睛的，就是餐牌上的那個朱古力特飲，好靚，好有藝術感。在滿瀉嘅朱古力上邊， 鋪上黑、白、牛奶朱古力碎。好creamy，好味。呢度啲匙羹都好特色，每一隻也刻上不同圖案和人物，羮柄上更有他的名字。最初看上分量不是太多，擔心不夠飽，但原來也10分足夠。這裏還有很多不同的手工咖啡介紹及選擇。…查看更多

地點比較隱蔽，喺路口一路直行，過了入閘停車場，右手邊有樓梯上，上咗轉左就係餐廳。裝修唔會好豪華，似城大入邊酒樓嘅裝修。仲然係星期六，但因會所只招待職員，所以晏晝食飯都唔會好多人。呢度特色，唔知係咪因為識人，所以可以食到新鮮嘅食材。雞腳好爽口冰鎮蟶子北寄貝蟶子北寄貝好鮮甜，好爽脆，賣相相當靚烏龍茶煙燻嘉美雞一定要說的是那隻雞是用新鮮雞（另外收費），而那煙燻味好出，好味金沙蛋黃焗海蝦🦐新鮮，脆漿好薄，金沙蛋黃好均勻黃金豆腐磚火侯掌握的好，炸得均勻豉汁蒸蟠龍鱔新鮮菠蘿子薑咕嚕肉是用新鮮🐷肉，好味可叫歺牌以外的食物。整體食物質數好味，新鮮，份量足，必定再來encore! …查看更多

樓上舖，用四方檯組合為長檯和bar 檯，也有projector，又可以order 酒，用來包場開party也可以。烤八爪魚配法瓦豆來 $168 八爪魚🐙嘅肉質，一向都給人一種好實，好煙韌嘅感覺，但這是煮得出奇地好𣺉身，一啲都唔韌，同長輩來，都可以吃，並覺得好好味，仲話夠晒𣺉添。豆泥，口感比薯仔蓉更加滑，煮得好有肉味。西班牙海鮮飯，$218貝殼好新鮮，蜆殼和青口殼入邊仍然鎖住水份。蜆肉好新鮮，肉質鮮甜，仍保留一點海水味、好鮮甜、好味道，好正。魷魚肉質也10分爽脆，食到係新鮮的味道，火候煮得啱啱好，一啲都唔靭。海鮮飯味道超濃郁，鐵盤上保存溫度啊熱騰騰，超正正。看似很大盤，但只是薄薄的鋪上，兩個人也食得晒。西班牙油條配花生、果仁糖，巧克力 $68吉士棒剛剛煮好，熱辣辣，外層鋪上砂糖，外脆內軟，沾上杯內的巧克力、花生粒與果仁糖，好味道到要多叫一個甜點。蘋果撻配希臘芝士乳酪，$68上碟真是靚到氹一聲，還有食用花點綴，能媲美高級酒店甜點。 喜愛抹茶蛋糕少許抹茶苦澀味，配埋上面嘅蘋果配埋醬汁，加埋乳酪 ，一甜一澀，層次豐富。雖然歺牌上不是很多選擇，但每一碟都看得出是用心及有水準的食物。值得推介！…查看更多

睇完戲成9點，搵個地方食晚飯，見到這歺廳，裝修新淨企理，又出名食扒，所以試吓。雖然成九點，但都要等一張飛先至可以入，都算係幾多人去嘅一間餐廳。（可以喺GULU攞飛)🍵羅宋湯份量也不少🍞餐包餐包上枱時仍熱騰騰，加上牛油，立即溶化，入口鬆軟好味😋😋😋🥩T骨牛扒餐$173 😋😋T骨是一塊同時可享受西冷和牛柳部份的扒。因為用鐵板上，所以特地叫了五成熟。塊扒也大份，頭尾較熟，中間仍可有血水滲出；肉質夠腍滑。🥩美國德州頂級西冷扒 $192😋😋😋扒都算大份，約1/3 至半吋厚，中間有2條根。肉質唔韌，牛肉味較T骨扒多，個人覺得較T骨扒好味，整體口感不錯。雖然喺鐵板歺廳，倒汁落鐵板時，扒汁必會周圍彈，但係枱面和環境都能保持乾淨，坐得舒服。👍🏻👍🏻服務稱讚👍🏻一下，雖然我哋係最後走嘅客人，但全程冇被趕要快D走的感覺。自己不小心弄翻了一啲湯，服務員便立刻上前幫忙清潔，更一邊清潔一邊說：「不要緊，最緊要不要被淥倒。」態度親切。👍🏻👍🏻👍🏻另外，因兩人枱的面積不算很大，食完的湯和包，也會主動輕鬆地幫你收走。令整個晚膳時間都感覺舒服。👍🏻👍🏻👍🏻兩個人食完扒餐， 每人只是比百幾蚊，包買麵包、歺湯同飲品，價錢都算是大眾化。👍🏻👍🏻…查看更多

行過朗屏，發現有個新的商場，樓下有一系列嘅食肆，裝修新淨，企理乾淨，有點像置身於東南亞的地方。在解除新冠隔離令之後，若想遠離人群用膳，除咗可選室內用餐，這裏也兩張不錯的4人枱在戶外地方🉑️供選擇。生牛肉湯檬粉$58端上有兩大片生牛肉，湯夠熱，把生牛肉浸入湯內不久便熟了。肉質也不錯，又唔靭。－大件蘿白，不苦，檬粉也夠爽，湯底好鮮甜，還有數片香蒜片，提升湯嘅香味。還跟上青檸和辣椒粒，可按個人口味加入。黑糖薑棗茶（加$8 ）有玫瑰，紅棗，杞子，生薑絲和原粒黑糖。隨着黑糖慢慢溶化。入口潤喉，薑味唔會過辣。駕車來的朋友，可以把車泊在路旁，坐在戶外用餐，馬路唔算好多車，喺陽光普照下，在戶外進食，感覺都好瞯悠和舒服。…查看更多

位置喺商場2樓嘅盡頭，簡約工業風裝修。有好多二人獨立枱，四人餐枱，落地玻璃窗旁更有一張10人長餐枱。食物方面，正如舖頭名稱一樣，主打漢堡包。有很多不同的餡料，有牛肉，雞肉，鴨肉，海鮮和素菜，更有現時流行的素肉類作選擇。除此之外，也可加入不同的配料和醬料，如大啡菇，軟殼蟹，和很少在漢堡包餐館吃到的鵝肝，還有其他小見到啲牛油果醬，藍莓醬和墨西哥辣椒片，給予揀擇嘅朋友配合他們不同的口味。餐廳可有不同的選擇，除了漢堡包，更有小食和沙律。飲品方面，更有酒精飲品，除了啤酒，紅白酒之外，更有汽酒，手工啤和雞尾酒🍹。大啡菇鱈魚柳漢堡 $115 + 煎鵝肝 $90賣相不錯，份量也10分足夠，伴碟更有新鮮的沙律菜，沙律醋味道也不錯。魚柳係成為全個包嘅靈魂，煎得真的好香脆，好鬆化，就算食到最尾的那一口，仍然能夠保留佢嘅鬆發度，而且味道也不錯。鵝肝大有2片約有大拇指的大小，帶有少許嘅香羶，能提升整個漢堡包的味道層次感，但若獨立分開吃，個人喜愛加少許鹽。包也烘過，有幽幽嘅牛油味，好香甜。牛油果醬芝士薯條 $68薯條中等粗幼，炸得廷身。牛油果Creamy嫩滑，熱熔後的芝士，吃落還夾雜着洋蔥嘅香味，加上蕃茄蓉，香滑又不油膩。薑茶$30 喺寒冷嘅天氣，飲杯熱嘅薑茶，好暖胃。…查看更多

在寒冷的下午，想到一間溫暖的咖啡室休閒地看書。白色的外牆和木的配搭，小小的咖啡室，只有五張枱，但裝修雅致，室內播放着輕音樂，給予一刻悠然的空間。選了靠窗的一角，陽光柔柔的透過玻璃，讓咖啡室內加添一點溫暖。選過了咖啡，決定了甜點，拿起了書本，渴着、吃着、看着⋯⋯好好的偷了半日閒。蘋果撻$58木盆上端著熱烘烘的蘋果撻。烘焙味豐富，撻皮烘得脆口，蘋果片的邊也烘得香脆，撻的中間夾有柔軟的餡料（有點像蘋果金寶）。配上雲呢拿雪糕，也很香甜。蘋果撻和雪糕分開吃有它們的特色，一起吃味道也很夾。手沖咖啡（音樂家系列- 蕭邦） $68聞落有一陣陣酒味似的，入口淡淡甘甜的花香。…查看更多

今日下午放假，途經上水，喺龍琛路運動場放低架車🚙，行過對面就見到呢一間外面裝修得好有日本⛩️feel，所以就供咗入去食午餐。室內的裝修，都係用日本人鍾意嘅木🪵為主，仲有吧枱座，而櫈下邊仲有個籃可以裝包包👜。背景播住好輕快嘅日本歌，真係好似去咗日本🇯🇵。午餐主打拉麵🍜同便當🍱，我同朋友都係拉麵控，所以兩個都嗌咗拉麵🍜🍜。呢度無論湯底，麵條，麵質，配料辣度到都可以自由選擇，仲可以按個人喜好及食量追加不同的配料，面，及湯。（香菜☘️）拉麵🍜$78本身豬骨🐷湯已經味道10分濃郁，再加上呢隻顏色，就知道加咗唔少香菜落去煮。我揀咗幼麵，因為鍾意佢能夠掛多啲湯，麵身方面都好爽口同彈牙，唔會林啤啤。個豬軟骨🐽真係煮得好𣺉，好入味，咬落去骨膠原嘅膠質充滿整個口腔！yum yum! 叉燒肥肉相稱，有種鹹香嘅美味。溫泉蛋♨️🥚，煮的火候處理得好好。蛋白好軟棉，仲有少許流質嘅狀態，而蛋黃亦都做到流心嘅效果。因為鍾意食味荀，所以同朋友都嗌咗原味同埋辣🌶️味，個人唔係好食得辣，所以覺得辣味都幾勁，鍾意食辣嘅朋友就啱啦！同朋友都加$30 ，叫埋小食同嘢飲鹽酥雞腿🐔🦵🏽一碟有四件，都幾大件。炸得好鬆脆，咬落去好脆口同鬆化。鹹香味本身已經好濃郁，醃得好入味，再加上加有少許Wasabi嘅醬汁，真有畫龍點睛，味道好配合，更能提升整個美味感。餃子🥟餃子煎得隨脆身，入邊仍然都好Juicy。我叫咗個西柚梳打🍹，我朋友叫咗個青檸梳打。橙黃色嘅西柚梳打顏色好靚，味道都好好飲，完全冇藥水味。整體感覺，覺得拉麵好用心煮，食物質素唔錯，唔怪得1點鐘過後，都差唔多座無虛席。…查看更多