CharmaineK的個人專頁

今日咁啱吾煮飯，又好耐無係街打邊爐，出街試吓新嘢，揀左呢間養心殿。環境唔錯，以中式屏風做間隔，獲分四人枱一張，係獨立間隔。鍋底：由於鴛鴦鍋只以價高者收費，並沒有額外加錢，所以揀咗兩個同價味道，麻辣鍋及酸菜白肉鍋。 麻辣鍋揀左一隻🌶️，鍋底有藥材香氣，鍋底內有鴨血同冰豆腐。酸菜白肉鍋，就梗係有酸菜同白肉喇，佢仲有 qq寬條粉，不過正所謂"有期望，必失望"，今次都唔例外，成晚都覺得酸菜鍋嘅味道怪怪的。而呢兩款鍋底本身都可以追加配料，但選為鴛鴦鍋後，則只可選擇追加其中一款。揀完湯底就梗係揀配料啦，今次叫咗5款，分別係：手切牛肉（細），御選梅花豬，活九孔，什錦蔬菜盤，鮮甜三蔬（秋葵，玉米，山藥）。手切牛肉（細）：有點失望，可能自己住家打得邊爐多，總係覺得啲牛肉唔夠新鮮，又切得比較薄。雖然賣相唔錯，感覺始終一般般。御選梅花豬：叫左牛後，係羊同豬，最終揀左豬，嚟嘅係豬，食落係豬，無咩其他感想。活九孔：起初見到海鮮拼盤則每位138（內含蝦 2隻，帶子2隻，鮑魚1隻），但本人吾好蝦同帶子，最後決定只叫鮑魚好了。 鮮甜三蔬（秋葵，玉米，山藥）： 秋葵同山藥都係我嘅至愛，所以就叫做呢個鮮甜三蔬，不過籃最多嘅都係玉米什錦蔬菜盤：諗住叫番個蔬菜喇，又吾想得一味，咪點個什錦蔬菜盤囉，點知裏面最多嘅係雜菌同玉米米，加上我嘅鮮甜三蔬，差唔多有成一條半玉米呀。 盤內嘅唯一蔬菜，重要係沙律菜。晚市1930後，Facebook打卡，送咸檸7或汽水一杯。服務普通，幾次叫人，都不太理想:(有的"今日第一日番工，吾清楚，搵人幫你"，但一路都無人嚟幫我呀。有的叫我"等等"，等.... 到幾時，仲要一路望住你就知你將我忘記得一干二淨。…查看更多

團年飯，揀嚟揀去決定食私房菜，貪佢係工廈區，泊車吾使煩，訂左枱又吾使等，吾會催你走。無味精，足料，湯渣大大碟，湯的份量也很足，一人飲3-4碗都OK。尾段湯凍了，請伙記加熱，亦無托手踭。比想像大隻，以鮑魚計（不連殼）都有4cm x 6cm左右大。呢味冰鎮鮑魚配上WASABI同鼓油，俾個LIKE。根據菜單顯示，呢味應該係美極大花蝦，但食落無美極味，似椒鹽多啲，需然憑該都係雪蝦，但真係好大隻，同埋估佢吾到都幾好食。味道可以，有咩清酒味，應該揮發晒掛，有大量配菜墊低（合情合理），配菜相當入味，我個人食配菜多過啲花甲。雞算幾大隻，肉質OK。同桌家人起菜前以為係脆皮“芝麻雞“，嚟到見到係有好多“芝麻“嘅雞，有驚喜。訂菜時已知係斑類，比預想中大條。起初MEUN為聖子皇，食前幾日收到短訊話聖子吾夠大，改為貴妃蚌，家人覺得貴妃蚌吾抵食，最後加一舊，轉做肉蟹。份量夠，有成3至4隻蟹，夠惹味，好似真係食得出陣鑊氣。最後先上，超大碟，食吾晒。改嚟改去嘅MEUN，其實你想食咩，WA佢，佢會俾個MEUN同個價你。是晚隔枱，有人參雞湯，又龍蝦.........，睇見都流口水，下次可以一試。…查看更多

睇完戲想食中式晚餐,選擇左如心廣場嘅"點一籠",其實之前也間中也會經過,但一直未有機會嘗試。是晚晚餐時間大約九點,可能大家都在家過年初一,所以人不算多。同普通酒樓一樣,侍應帶左位後,先開茶,除左一般普洱/香片/水仙($10位),呢度重有菊花($12位)/菊普($15)嘅選擇,今次揀左少飲嘅菊普.茶嚟到,開蓋一看,是已預先用茶袋封好嘅茶包,一包普洱一包菊花,茶味ok,有陣陣菊花香。兩個人叫左六款食物,都算飽。食物溫度一般,開始先上嘅粥,腸粉都只是暖的,後尾上嘅點心先至有點熱度。公眾假期無晒信用卡優惠這點大家要留意!!!!…查看更多