大口扒的個人專頁

唔知點解呢間餐廳可以有咁多好評，有啲仲話係中環嘅質素，唔知呢啲人有冇去過中環食西餐？下次睇食評，真係要睇咗啲😫comments先。喺呢個地段想做到高級餐廳，其實極之困難。餐廳入邊扮到高級，男士又要有dress code，但其實食物質素一試便知龍與鳳。個擺盤求其到一個點，其實食西餐個擺盤係非常之重要，可以就咁兩嚿肉加幾點sauce ，同埋韌到𡁻唔到嘅無花果乾，可唔可以俾啲啲誠意？你放2嚿西蘭花，radish ，兩粒薯仔掗下個碟，擺靚啲個盤都好呀，第一眼見到以為係頭盤。咁嘅質素，咁嘅價錢，真係唔使喺度食，屯門仲有大把選擇。…查看更多

之前睇OpenRice見到咁多好評，即管去試吓，湯底叫咗花膠雞煲，個湯還可以，都有三、四嚿花膠，不過都係加味精，但$308一個湯底，一啲都唔值，如果要加返原湯，又要加多百幾蚊。叫咗一碟美國肥牛$300細細碟，肉質麻麻地。墨魚滑$138一份，細細Pat咁，感覺唔係太新鮮。其他食材亦都非常普通，但兩個人食咗$1100，論環境、服務、食物一啲都唔值呢個價錢，我就一定唔會再去。用呢個價錢可以食到更好嘅火鍋。呢度又窄又迫，還好嗰日去唔多人，如果唔係應該又嘈、坐得更加唔舒服。…查看更多

見到咁多好評，諗住可以一試，點知中伏。食過最無heart嘅lunch omakase，千両比佢更加好。壽司飯比較硬、飯亦都比較鬆散、魚生普通、每件魚紙咁薄、亦不見得新鮮。我知，食lunch 唔會比啱啱落機嘅材料，都唔係咁款。師傅完全無heart，零交流，只介紹舊魚係咩嚟，其實你唔講我都識睇。麵豉湯又得個咸字，嗰一督雪糕又孤寒，不如唔好俾。一路食，一路book定食過嘅壽司店，填補一下心靈。一．定．無．下．次…查看更多

見到咁多人讚，門面又好似ok，諗住試吓，佢個所謂米芝連推介係咪假架？真係冇一樣野好食，浪費咗我寶貴嘅胃嘅quota。叫咗豬手飯：味道還可以，炆得都夠淋，不過每塊皮都有毛，真係唔知點放落口。仲有碗白飯，都唔知點解可以咁難食，似係放咗好耐嘅米。炒翡翠苗：勁老，咬完之後成口渣，完全咬唔爛🫣炸豆腐：同平時食開嘅炸豆腐好唔同，呢個入面有啲豆又有啲芋頭咁，好怪冬陰功湯：最正常，不過隻蝦，啲肉霉到呢！一定唔會再食，一定！…查看更多

本來因為見佢嘅門口吸引，諗住入嚟試吓，見OpenRice食物賣相都OK，坐低點咗一個照燒雞扒定食，幾支串燒。等緊之陣，見到所有廚房大哥全部將個口罩拉到落下巴😒，仲見到一個冇帶好口罩，面對面同個客講嘢。其實見到咁，我好想即刻起身走，但最後都冇。我望住個廚師，希望佢知道自己冇帶好個口罩，不過佢應該feel唔到。到食物到，其實整體都還可以，係個$58燒墨魚咀，4粒好似手指尾咁細粒，仲要個汁好喊，但粒墨魚咀完全冇味！我就一定唔會再幫襯！…查看更多

入到去間鋪見到冇乜人，諗住時間尚早，所以就入咗去，原來因為太難食，所以冇人排隊。叫咗慢煮牛湯河，D慢煮牛肉好鹹，鹹到入喊！佢個男侍應落單嘅時候已經冇反應，同佢講啲牛肉好鹹，佢就好hea咁同廚房講完，佢有行返嚟同我哋講，咁即係點？其實我哋絕對唔係啲咩腌尖食客，我哋都唔想浪費食物，冇打算叫佢成碗換過俾我哋，只係想佢比一個應該有嘅反應我哋，望多佢兩下，佢就話俾碗水我哋洗下，真係唔該晒🙄！食完碗粉，要不斷灌水。一定唔會再去！…查看更多

見佢開咗一陣子，之前又好多人排隊等，諗住ok, 今日試吓lunch set，叫咗海鮮天使麵同肉眼牛扒飯。先講個湯，所謂嘅洋蔥湯，勁淡，完全冇洋蔥味！五成熟的牛扒，超多筋連把刀都切唔開，雖然＄75一個餐，唔會有太大期望，不過真係完全咬唔到，差到一個點，只係食咗¼塊。海鮮天使麵，一塊無魚味嘅魚柳加兩條仔蟹柳，塊魚完全無味，我寧願佢收貴啲但係用料可以好啲。仲有杯咖啡，諗住佢做得Cafe，杯咖啡應該OK點知淡到水一樣，隔離茶餐廳仲好味過佢🤦🏻‍♀️。…查看更多

跟爸媽食午飯，一星期前打電話來訂位，安排到窗口位置。叫咗2個$390的lunch set ，還有其他點心。個Set 有龍蝦，隻蝦用油炸，上碟隻龍蝦仲滴緊油。三層肉較咸！皮不夠鬆化！個湯味道唔錯！生拆蟹肉炒飯，炒得乾身，好香羌味，不錯！蘿蔔糕，好精緻，4粒細細粒，不過好重味精，無料，咬落去只有粉！春卷，都係好重味精，不過幾鬆化！…查看更多

一眾朋友想食火鍋，喺openrice睇下見到呢間的食評也不錯，而且又係稻香集團，一心諗住唔會太差，唯獨自己走溜眼不知道一人一鍋！去到知道一人一鍋，即刻覺得自己去咗大家樂咁！不過都黎到不妨一試！先講湯底，要自己行去攞啲一pat pat既濃縮醬，5種選擇，當然都係味精、味精同味精，湯料唔洗講，梗係唔會有。每碟份量細，有啲要order2碟，例如：肥牛同牛肉粒。丸類，超級怪，墨魚丸入面有芝士，但張order紙又無寫，魚蛋，又腥、又粉，超級難食。總之啲用料非常次等，真係大家樂咁，不過埋單先知絕對唔平！！ 5個食人一人一鍋無叫海鮮、無乜貴用料、唔特別好食，食咗成千蚊！…查看更多

星期三同朋友搵個好地方食飯，友人提意到石澳食飯，睇下openrice 既介紹，見到呢間咁多好comments，最後就book食晚飯。呢度鋪仔細細，雖然唔係靚裝修，但係感覺舒服！因為好肚餓，所以未坐定就已經望定有咩食！頭盤：暖笠笠既麵包（跟一整個焗既蒜頭，olive, presto sauce同牛油）個蒜頭好好味，成粒揩落個包到，正！仲要係免費！Spinach Salad （沙律呢樣野，用料新鮮都唔會太難食既）main dish: pizza （可選擇2款餡料加$10）wild mushroom + Cheese （但喜歡食cheese，真係要叫呢個，D goat cheese味到呢！因為食頭盤到食到有飽，所以每款食一塊）Lamb chop （個汁做得唔錯，side dish都好多） 自備白酒（加$50開瓶費，收費合理）最後，仲送個chocolate mousse 比我地！（朱古力味濃郁，好味！）…查看更多

咪就係因為米芝蓮囉，見佢鋪頭細細，到一粒星咪試下囉！離遠見到已經超多人排隊，無論係堂食或者係外賣，結果都係買外賣，足足等不個鐘，就係因為等一個鐘，但食落又無乜特別，所以真係幾失望！一斤鹵水鵝—比下'裝' 近Patpat，所以又肥又羶又無乜肉食！真係唔係咁好食呢！海哲拼雞腳骨（麻香味）—海哲無乜味，雞腳骨無乜特別！蔡瀾撈麵—唸住用豬油去撈，會好香，點知無乜味之餘，亦不覺有豬油香。用乾蒜同撈埋，無乜特別亦唔係十分好味！:(豬利飯—豬利都係咁啦！唔係好夠味！醉鴨舌—酒比較濃香, 不過都幾好味既！:)粗齋—同屋企新年煮南乳齋一樣, 我都係鍾意我家自制既南乳齋，再加上佢係一盤整好哂，所以唔會太熱。…查看更多

朋友想喺天后食飯，咁就睇下openrice，睇到介紹咁就選擇咗呢間啦！book 咗9:00pm，但9:30pm先有位，可能個waitress知我地餓，俾咗D蒜蓉包我地食住先，未order野已經食咗3塊啦！三個人叫咗2個5 courses既set 加一個白汁雜菌既pasta！煎鵝肝—不過不失，唔係太濃烈既鵝味，個sauce都唔錯，如果係一個人既份量都算係大件頭！不過三個人share岩岩好！牛油焗田螺—D牛油蒜蓉好好味，同埋D薯蓉一齊食，正！湯—南瓜湯，普通！唔夠南瓜味，無一D南瓜既甜味，自己整都仲好味D！龍蝦湯，唔錯！個湯都好濃，有2件龍蝦仔既肉，都算幾好味！其實食到呢度已經有D飽飽地，因為飲湯既時候再食多塊蒜蓉包！哈！main course - 烤鴨腿 - 好味！不過我覺得dry得滯，如果食落去可以juicy少少咁就好啦！ 燒乳豬—尚可！可能食開中式乳豬，一心唸住個皮會好脆，但係呢個皮就'un un' 地，不過D肉都好入味，整體都唔錯。仲有個pasta，但係真係飽到食唔落，試咗少少，好creamy，味道夠濃，喜歡食白汁既朋友應該會幾鍾意，其實係好好味既，不過真係太飽，食唔落！desert—梳乎厘，有三種味，我地選擇薑同雲尼拿味，如果雲尼拿味嗰個甜多少少就好，不過淡淡地都唔錯！我地已經算大食，但係都食唔哂！個portion可能大咗少少，香港女仔其實好細食，如果一個人叫一個5 course meal，一定食唔哂！仲可以自己帶酒，唔收charge！抵咗！…查看更多

一向喜歡食生蠔既我，今晚第一次試呢間試試，我同朋友都比較食得再加上有點兒餓，就叫咗：海鮮拼盤：有海膽（好好味，味道好濃）、生蠔四隻（唔錯，可以一試，黎自法國同蘇格蘭）、牡丹蝦（好新鮮）、三文魚刺身、八爪魚再加多4隻生蠔：有美國同澳洲,—tasmainia，生蠔好新鮮！燒鵝肝:)：味道好濃，不過外面可以再燒脆D！白汁意粉:)：自己自由配搭，我加咗煙肉、青椒、磨菇！味道夠濃但唔會好滯！燒咗條魚，不過唔記得個名啦！都幾好味再叫咗支720ml既清酒。…查看更多

一向喜歡食日本野既我，今晚同屋企人食飯，一行六人，當中仲有一個發緊育既表弟！我地叫左好多壽司，多都都唔記得食過咩，三文魚、吞拿魚、鰻魚反卷、6個手卷（生牛肉、三文魚、吞拿魚腩蓉、軟殼蟹等等）:)魚肝 - 本人覺得麻麻，雖然有D葱同酸汁，不過都有D腥！:($120 DBS 四色魚生 大大塊，幾抵食，唔會因為平而唔生鮮！唔錯海膽炒飯 - 呢個就麻麻地，無乜味，好似無落鹽咁，又無海膽味！:(天婦羅湯麵 - 天婦羅唔錯，唔油，都幾抵食！…查看更多

朋友想食居酒屋，上黎search下有咩得選擇，最於搵左Y-mind。鋪頭有D難搵，係餓頸橋街市既商業大廈。居酒屋一向都係食串，唸住會唔飽，但係我地一行4人真係食到好飽！一大支Sake串燒牛舌厚切-叫左2客，因為實在太好味！牛舌薄切- 都幾好味，但係厚切好味D！燒蒜- 2大個雞翅膀湯烏冬雞軟骨炒軟殼蟹燒香蕉- 2客，都好好味！其實唔只咁少野，不過唔記得，因為叫得太多！…查看更多