Adamx的個人專頁

去開元朗嗰間功夫食落都幾好，行過深水埗見到有功夫就試下啦以為唔會差好遠，點知我錯喇😑，同一間連鎖店唔同地方唔同師傅可以質素差好遠🤔 叫咗粉葛燉湯，飲落好似清水咁，奇怪在個燉盅裏面好多湯料，照計有咁多湯料點樣燉都應該有味嘅，除非廚房佬係溝咗水嘅啫，你咪當客人係傻先得㗎,,個個人都有條脷㗎，咪以為得個樣呃得下人就得㗎🤬 仲有叫咗碟煎釀茄子，size畀元朗分店細咗一半，同味道都好奇怪😑 經此一戰役深水埗功夫分店永遠不再幫襯，元朗分店可以繼續幫襯，不過都要keep住觀察質素有冇走樣。🤔…查看更多

我講明係要堂食雞扒鰻魚飯，佢哋冇堂食得返錫紙外賣又唔出聲，就咁畀咗錫紙合我🤔都算啦，雞扒正常size唔算大，不過鰻魚得手指尾長少少，仲要一啲鰻魚香味都冇，仲要有腥味🤮，大家千祈唔好中伏👎…查看更多

行開過賽意橋求其搵嘢食，撞入咗呢間點心店舖，嘢食唔算話好食不過可以畀個合格，不過價錢就令我有啲詫異，感覺上有啲時光倒流，咁嘅價錢咁嘅質素所以我就畀個合格佢啦😏 到最後我差唔多所有嘢都食曬嘅，可能我肚餓啦，最起碼擺低入口囉🤭 招呼服務都可以合格嘅，其實間店舖係自助式嘅，鳳爪排骨飯等咗幾分鐘，我唔記得去攞佢有幫手攞去我張枱度，呢度可以畀個like佢👍 整體上唔算太差，同埋生意亦都冇想像咁少，一路都有好多街坊幫襯。…查看更多

點解執得咁突然呢？:(開咗冇幾耐咋喎，都幾多人幫襯，米線都幾好食,賣相又唔錯，前幾日我先幫襯過一次咋，仲諗住長期幫襯你哋添！點解咁快就執呢？如果係遇到難關希望你哋會克服啦，好想你哋會開返呀,加油!…查看更多

實在好想寫一次食評講下佢嘅下午茶炸魚柳，呢間嘅下午茶炸魚柳我真係食咗好多次，次次都大大塊唔在講👍，仲要係香脆嫩口又juicy🤤，仲要係仲有幾舊炸薯角，再加不錯的雜果沙律，仲要加少少雜菜沙律，三樣嘢都係好食既唔係hea做嗰隻。嗰塊魚柳實在又好食又大塊，因為上碟嗰陣捲埋咗張相可能睇得唔清楚，不過目測如果攤開應該有成六吋咁長。 真係唔想同我琴日食嗰間君X比較，畀一畀真係天同地比，就係因為琴日喺君x食咗一塊又鞋又韌嘅炸魚柳，所以今日過嚟荷里活食返一塊正常有水準嘅炸魚柳彌補心靈創傷…查看更多

我真係未食過炸魚柳可以又韌又柴:(，特別係啲燶邊位，呢塊炸魚柳到底擺咗幾耐先至可以有咁嘅效果？真係佩服第二度真係食唔到㗎！如果同荷里活個炸魚柳下午茶比真係爭咗幾條街，人哋又嫩口又脆口又大塊，荷里活我可以畀八分，呢間直頭唔合格。不過今次只係塊魚柳啫，其他食物我又唔太清楚因為未試過，不過幸福邨嗰間均日我就試過佢嘅乾炒牛河質素係錯嘅，既然係咁我情願幫襯幸福邨嗰間都唔會行咁遠過嚟長沙灣香港中心呢間了，如果講環境嚟講呢間都幾好嘅，最少夠光猛坐位又舒服地方都大。…查看更多

剛剛新出的吞拿魚通粉，中伏了，呑吞拿魚非常之少少之又少，差不多就只有薄薄的一層醬汁，連吞拿魚味都冇，燕麥咖啡就普普通通正正常常，成個餐要49蚊，感覺不值。順便睇下人哋間薩莉亞個吞拿魚沙律非常多吞拿魚，才24蚊，唔該麥當勞檢討一下唔好食水咁深。…查看更多

雞肉夠嫩，臘腸夠油香，飯焦焦香鬆脆，唔錯唔錯....如果啲飯可以多啲就好喇，因為隔離新匯江係大煲啲不過賣緊六十幾蚊,不過40幾蚊都唔想太奢求。食完真係有啲意猶未盡仲想食多煲…查看更多

千祈唔好試特色喇沙湯底，試咗你一定會好後悔咖!超難食！😑唔識形容……喇沙我食得多，真係未食過咁怪味嘅。個以前嗰隻白咖哩差咗9條街，而家唔知無咗白咖哩就轉咗呢隻怪味喇沙。我初初試咗一次以經覺得好難食，諗住新出厨房可能未 掌握到唔識煮諗住過一排再試下點知又係咁難食,不過講返賓墟其他都幾好嘅，總之呢個特色喇沙湯底 千祈唔好事。…查看更多