Siugut2024的個人專頁

餐廳係一間fusion嘅茶餐廳，有日式嘅便當，親子當啊，鰻魚飯啊等等都有啲烏冬啊，例如牛肉烏冬咁，今次我就要左牛肉烏冬～上菜嘅時候個賣相都幾靚，有擺盤佢有三個前菜，前菜有一般嘅沙律啦，仲有幾得意嘅係有兩件炸雞，所以係走fusion路線食物都幾好食，牛肉好淋下~依間餐廳嘅唔好處，就係長期都好多人🤪🤪🤪基本上一定要搭枱~整體來說，味道幾好 炸雞都好食，凍檸茶要加$5，但好大杯，所以都合理～😀😀😀…查看更多

愉景灣多數以西式或者多國菜為主，有中東菜啦，土耳其菜，pizza等等中餐呢就有間酒樓，不過價位比較高，如果有時想快食，食少少，依間台灣嘢係個唔錯嘅選擇佢有啲一般嘅台灣滷肉飯啊，炸雞啊，炸豬扒飯或者面，都有台灣牛肉麵咁今次我就試咗滷水豬手，咁份量都幾足夠，仲要包一杯熱飲，可以要豆漿啦就或者一啲台式特飲我就揀咗無糖原味豆漿，都幾好，健康啲餐廳都有足夠嘅位置，唔會太多人，坐得舒服，快食嚟講算係幾好啲清潔姐姐清潔得好仔細，執完枱之後再用消毒紙去抹…查看更多

食得food court都係貪平貪快，都冇乜特別要求🤣🤣咁呢間喺銅鑼灣hysan裏面嘅food court嘅餐廳，我覺得都算有誠意，佢會用錫紙包住啲蜆肉啊或者係金菇等等，再放去火上面燒，然後原煱咁樣上我就幾鍾意食佢嘅鯇魚，又真係無骨喎，每一片都幾滑，我係一個追求儀式感嘅人，喺food court都做到呢個，我會加分俾佢😀😀不過依個food court長期都勁多人，🤯🤯🤯都幾難搵位，都預咗坐得唔耐…查看更多

呢間居酒屋嘅裝修同埋裏面嘅擺設都好有日本嘅感覺 🇯🇵佢係一間居酒屋，夜晚嘅時候飲酒啊，食吓串燒，應該幾有feel咁今次我就晏晝去食，佢有啲午市套餐啦，佢^_^都好多選擇豐儉由人，有啲比較實惠嘅，例如雜菜炒肉嘅午餐啦都有啲魚生飯再加壽司卷等等嘅餐今次我就坐吧枱。睇住啲師傅喺度包壽司都幾有feel，同埋裏邊播咗啲好大聲嘅日本歌， 都好有氣氛，有置身於日本嘅感覺😀餐廳就裏邊唔係好大，我諗大概坐到十幾二十人…查看更多

海之戀商場一向都好多人🐟🐟🐟🐟要搵個地方坐低慢慢傾吓偈都唔容易。咁依間餐廳嘅好處呢就係座位比較多，所以佢會俾你坐得耐少少，同埋價格都好親民下，都係$100樓下，有個港式嘅西餐，再加個湯，同杯飲品喺海之戀商場嚟講算係好抵食😀，今次個下午茶餐我要咗burger加薯條，咁就正常味道啦，正常發揮啦，我本身都好鍾意食burger🍔同薯條🍟餐廳裝修內部，都用咗啲紅磚設計，有西餐風味我覺得就算性價比高嘅…查看更多

餐廳個價位都定係比較親民嘅價格，好處就係比普通人可以平價食嗰韓國餐，體驗下整體都係快餐嘅感覺，呢個係個下午茶餐$5x-$6x包一個迷你嘅牛肉鍋飯，如果你話味道呢我就覺得麻麻咁，但係呢個價錢來講，都算抵食仲有杯飲品同埋都唔算太多人，可以自己一個坐四人枱，咁都算舒適同埋，餐廳都有播咗啲韓文歌，都算有誠意最緊要餐廳喺個商場內，交通方便，附近又近地鐵。如果一時諗唔到食乜嘢食呢個好過食food court😆😆…查看更多

呢間餐廳似日式燒肉店同埋batr嘅混合體，路過門口見幾有feel，咁就入去試吓啦佢有啲午市套餐價錢由$70-$80至百二三蚊左右職員啲服務態度幾好，冇話強迫我一定要坐吧枱有時一個人去食飯，最怕就係要搭上搭，咁幾個人一張枱個套餐都幾有驚喜，有前菜沙律啦，有麵豉湯，仲有凍豆腐，同個主食，煮食係包一個炒飯，仲有飲品添個照燒雞扒幾好食，嗰皮幾脆，個炒飯都幾有味，我覺得佢算幾有誠意，大概$70零$80算性價比高👍同埋環境幾有氣氛…查看更多

餐廳平時做開日本燒肉放題嘅，咁本來lunch time都唔諗住去食㗎啦點知路過又見到原來佢有做午市套餐喎！都幾抵食，可以叫一份日式嘅飯或者烏冬啦，或者一個少量嘅一人份量燒肉，就可以任食去啲生果呀，甜品呀，飲麵豉湯同汽水等等咁呢個價錢$100樓下真係算好抵食，環境又舒服佢個主食照燒雞扒飯就一般啦 咁我就不停食佢其他嗰啲任食食物😆😆都算有多元化，有生果西瓜，有泡芙，小蛋糕，仲有唔同嘅雪糕呀，雪條等等啲味都幾特別有海鹽味，同埋奶茶味…查看更多

依間連鎖嘅湯粉麵店，喺深圳同大陸好多地方都有，係大陸都試過咁而家佢嚟咗香港都係以平價抵食做招徠😀咁當然個價格就比大陸貴啲啦，咁但係都算性價比高，特別係喺旺角新世紀商場裏便$4x-5x蚊食碗麵，仲有嘢飲，都算係平坐就不算太舒服的了，有啲似food court都幾迫，但係就勝在好快可以有位，如果兩個人嘅都有獨立枱坐，如果一個人嘅就多數喺張大長枱度搭枱我要咗個唔辣嘅抄手咁份量都幾足，差不多有10幾粒，套餐包埋杯凍檸茶，佢唔可以揀甜度，我本身平時會走甜職員都幾有禮貌…查看更多

門口一見到大大個霓虹燈招牌，就有種港式懷舊風味嘅感覺，入到去感覺都幾懷舊😀竟然見到以前嗰種手撥嘅電話，仲有發泡膠飛機😯😯😯餐廳有幾個特定set午餐，例如芙蓉蛋煎蛋呀，燒味等等，價錢，我就覺得偏貴嘅，不過食落都幾好食芙蓉蛋加左d特別醬，口感幾好如果得一、兩個人去食，多數都要同其他人搭一張大圓枱，就有點迫，都坐得不太耐個餐碗都係啲好舊式嘅餐具，幾有feel👍整體就不過不失，價錢偏貴，不過幾好食😋…查看更多

喺網上search下有啲乜嘢特色打卡小店😆跟住突然間見到呢個心形雞蛋仔幾得意喎，咁都算係市區算方便，咁就去買來打卡啦📸📸小店嘅位置有啲偏僻，要係一個橫街嘅路口行入去先搵到喺橫街就聞到好大浸嘅雞蛋仔味😀，小店外面有好多心形嘅貼紙好有本土特色小店除咗有心形嘅格仔餅，亦都有好多唔同嘅口味嘅雞蛋仔選擇， 原味啦，雙色呀，朱古力呀，綠茶等等 都有啲一般嘅小食，例如炸魚蛋啊，燒賣等等格仔餅一樣係心形切開咗做兩塊味道嚟講就係普通雞蛋仔同格仔餅，不過打卡就係一流嘅😎📸同埋老闆好有禮貌好細心，有兩個聖誕打卡裝飾放咗喺個雞蛋仔度…查看更多

想係銅鑼灣嘅鬧市搵個地方靜靜地飲杯嘢， 呢間睇落去個樣幾chill，就試吓啦個cafe同時營運緊幾樣生意，大部份時間係做啲AI 丫IT相關嘅工作坊，同時都有做Cafe，有小食呀，飲品等等，之前仲有個AI coffee 我本身就唔係好飲得咖啡，要養生，咁就要洋甘菊茶啦🍵☕️如果價錢嚟講就係偏貴嘅，咁當然去到coffee shop就唔係淨係為杯飲品，都係為個氛圍，個環境又幾好彩，咁啱有窗邊位，可以望到時代廣場…查看更多

係讀書嘅時候學校附近都有間類似嘅冰室，又係四十幾至五十幾蚊，大大份，有湯，餐包，飲品同埋個煮主食，個煮食多數係一啲扒類，牛扒，雞扒，跟住再配搭飯，意粉，薯條等等湯就有紅湯同白湯我多數都係飲羅宋湯，都幾足料，有紅蘿蔔粒西芹等等，一啲都唔hea， 有少少辣今次就試吓要鑊仔牛柳啊，都幾驚喜，喺灣仔區食個晏晝飯，以呢個價錢嚟講質素幾好同埋更好嘅係佢可以要薯餅，平時少啲見有得咁樣揀😋美中不足就係杯飲品好細杯，我最鍾意飲凍檸茶，咁細杯唔係好夠飲😅😅🤣🤣…查看更多

有次去開長沙灣，朋友話不如食吓甜記餃子，一直經過見到呢間舖頭，但係未試過咁我哋見到啲口味都幾獨特，同埋佢好清晰咁寫曬邊款餃子嘅卡路里👍👍👍難得嚟到，梗係食啲特別口味啦，我哋就試咗啲比較唔常見嘅味道，例如，香葉豆角豬肉餃就仲有南瓜忌廉雞肉餃，粟米芝士雞肉餃等個餐就包飲品嘅，可以自己添水同埋拎啲醬料香葉真係好重香草味，口感幾特別，同埋個湯清清地都幾好，可以飲埋佢👍👍本身都幾鍾意食餃子，所以覺得幾好食 同埋佢個裝修幾新式，唔似係食餃子嘅店…查看更多

一入去就覺得好有70-80年代嘅感覺，仲有嗰啲當年典型嘅遊戲機舖，嘅裝飾喺度😀有種懷舊嘅感覺👵🏻👴🏻餐廳午市主要大排檔小炒，有各式各樣嘅炒粉麵飯，焗飯意粉，雜扒等等，潮式蠔仔粥都有，正午市有set lunch 套餐，包例湯包，冷熱飲品，最緊要炒嘢係夠鑊氣又有冷氣😆😆😆☃️☃️🔥🔥食大排檔最緊要有鑊氣，同時又都^_^最怕好熱🥵🥵🥵依度有冷氣喺室內大排檔，幾好午市比較多人，預左需要搭檯…查看更多