Quintessencecore的個人專頁

Nutmad 雖然唔係第一次幫襯，但每次都隔好耐所以唔算係常客。不過我可以講：佢哋每一次啲嘢食都係好好食！無論係第一次食，定係曾經食過嘅，水準從來無跌過！而令我今次要寫食評嘅係嗰條烏頭！烏頭，我話你知，你死得好有價值！魚肉好嫩滑，裡面個自家製泰式醬同魚好夾！然後嗰串焗過嘅提子 超！好！食！全條魚我哋食到乾乾淨淨！然後其實個秋葵都係好好食！個牛油果長通粉都好好食！西多士無論咩味都係好好食因為係個麵包好好食！(我今次係食 Kayan)唔知夠字數未，不過都想總結一句：Nutmad 食過咁多次，每次都 keep 到個水準，呢樣先係最難得！…查看更多

開咗都一段時間嘞，今日先可以有機會喺平日日頭嚟試吓 Tanuki Innovation。咁好天，晒曬住都要坐窗邊對住個海先！點咗：熱水果茶，cucumber espresso tonic，北海道帶子三文魚子香芒沙律，重後加咗個 all day breakfast。然後逐樣講吓先……cucumber espresso tonic，靚到一個點！喪影相之後，各自呷一啖仔，分别都係有質素嘅飲品，倒埋一齊，出奇咁清新！似有汽嘅凍檸啡但係飲得出啖啖嘅青瓜味，非常咁好飲！熱水果茶，都係有好清新嘅感覺，點解呢？……… 係 Rosemary 呀！將成件事完全提升到另一個層次！北海道帶子三文魚子香芒沙律，正常，無好特別，不過要一讚嘅係芒果好似係用水仙芒？唔會太林太甜，都係行清新路線。最後，好彩見到人哋碟 ADB 塊超厚吐司好似好好食咁就叫咗，嚟到之後，又係喪影完相先，然後放入口……… 嘩！真係驚豔到！兩款蛋，竟然有一款係凍㗎！而且好好食！熱嘅都好好食！搞到我放低咗原本最期待嘅厚多士 (BTW 厚多士都係好好食！)，重有牛油果同沙律菜都好新鮮。講真 $158 外面好多求其 ADB 都要呢個價，但呢度嘅絶對對得起呢個價錢！最後，ok，我認，我係 fans，但同我一齊去嘅我老公就最憎 33 同保錡 (可能係因為我中意囉)，我當然無同佢講係 33 開嘅餐廳，而以上形容有一半係出自佢口，所以係真實食評！…查看更多

黐線嘅！冇樣嘢好食！ 最鬼離譜個飛天瀨尿蝦！$488！ 得嗰幾隻瀨尿蝦仔，個麵完全唔係畀人食嘅！硬到呢！樹枝咁！完全食唔鬼到！佢老鼠！好鬼嬲！招牌炸子雞都係冇料到！去飲嘅炸子雞好食過佢！豉椒炒蜆無鑊氣，重有成十隻唔開口嘅，呃錢！個炒蛋叫做正常。成餐都把鬼！…查看更多

無意中經過旺角，見到有新開的雪糕店，有我愛的抹茶雪糕，就買來試試。抹茶雪糕唔甜，入口後有一種淡淡嘅回甘，好鍾意。但可能有人覺得唔夠甜囉！我個人就好得佢。牛奶雪糕，相對普通。但係又係勝在唔甜。…查看更多

呢次係小妹第一次寫食評, 因為呢間餐廳壓倒性好評, 覺得應該要有另一種聲音, 否則人人好似我o地咁, 食完先覺名不符實!!我生日, boyfriend 同我去慶祝.坦白講, 無呢度 D 食評講得咁好, 如果每位 about $500- 係咁o既水準, 我寧願用去 C’est Bon, 水準高出唔只一倍!! (即使 C’est Bon 已經不復當年勇...)逐樣講 : --Welcome Drink -- 草莓特飲(Okay o既, fruit punch 咁囉!!)Entrée -- 香煎法國鵝肝拌青蘋果黑醋汁(鵝肝太熟, 開始變 “膶”, 但我見呢度 D 相都唔係咁熟o既, 咁係咪我唔好彩?!?! 而且我食落去覺得好似炸咁o既 feel. )Soup -- 西蘭花忌廉湯(湯係 okay o既, 但 D 餐桌黑椒走晒味, 應該換個即磨樽同原粒黑椒.)Salad -- 澳洲雜菜松子沙律(我 bf 鍾意個汁, 但我個人口味鍾意清淡, 所以嫌 D 汁酸得滯. 重有 D 菜唔係頂級新鮮, 只係一般新鮮 ---- 當你食過頂級新鮮o既沙律菜, 你就會開始有要求...)Refresh -- 時果雪芭(我o個日唔知係咪桑莓雪芭呢? 入口好多渣. 同意其他食家話好 “清”, 我諗青檸會好 D.)Main Course -- 鑊煎澳洲羊架配薄荷芥末汁(好普通!! 咁o既水準我唔會用呢個價錢去食!! 我自己整得好過佢!! ) 燉和牛臉珠肉配胡椒醬(好腍, 好入味... 但用高壓煲燜就做到呢個效果啦... )Homemade Dessert -- 朱古力心太軟配香草冰淇淋(心太軟係 okay o既, 而且佢o地好有心思咁插上一支幼蠟燭同我講 “Happy Birthday”. 但問題就o係呢度 -- D 朱古力軟心熱溶o左支蠟燭插o係餅裡面 D 蠟, 咁我咪即係要食蠟?!?! 呢樣真係唔好再做喇!!!) 法式脆糖燉蛋(好差!! 我真係未食過咁差o既焦糖燉蛋!! “好彩海鮮酒家” 整得好食過佢!!)Tea --花果茶(我個人唔鍾意呢種茶... 而且, 點解無得揀咖啡呢?? )Service --好有效率, 好主動. 但我個人感覺係 : o個日又唔係多客, 佢o地又唔係咁忙, 但見到佢o地行路好似衝鋒咁, 覺得無晒情調. 環境、裝修 --好好!!! ...... 所以咪覺得 D waitress 打衝鋒破壞氣氛囉!!! 總結 --如果係客人自己定價, 我會願意花 $150-$200 去食呢餐.…查看更多