大食老鼠的個人專頁

今日放假, 特意同老公仔入黎食海鮮. 雖然之前已經做定功課睇下邊間受歡迎d, 本來都有3間心水, 不過黎到食海鮮, 當然要有得親手揀先開心架麻. 最後揀左喱度. 同我地揀海鮮果位哥哥仔, 非常好人, 數口又精, 因為我地兩個人食唔到咁多, 問佢如果我地中蝦要4隻係幾多錢, 佢好快咁講話4 隻即幾重, 幾錢. 如果你想叫某海鮮, 服務好到佢會講埋比我地聽有客人會覺得咁樣唔抵食. 即佢會好同唔好都同你講, 真係抵讚. 老公仔想食蠔, 但佢話依家s蠔唔當做, 要8月15 打後食先好. 雖然聽到有d 失望, 但覺得佢好,professional.我地上左樓上坐, 有電視睇. 可能係時間早的關係, 樓上得我地一檯, 好似被我地包左場咁.感覺一流. 今晚我地食左... 1. 海鮮湯(送既)味道好鮮甜, 好正. 一飲就知落足料煲. 但係一煲太大, 兩個人真係飲唔晒. 而且湯一凍, 腥 味就出晒黎, 要趁熱飲.2. 豉椒聖子聖子肥美, 一流. 食過番尋味. 相比起本小姐最近於長洲食的那一碟真的天壤之別. 值得推介!3. 豉油皇中蝦好香口, 脆卜卜, 脆到真係想成隻放入口. 連老公仔唔食得蝦都忍唔住食左兩隻. 4. 蒜茸粉絲蒸扇貝本身哩個係我地最喜歡, 亦係最想食的一道海鮮. 但係可能期望過高, 雖然未去到唔好食的程度, 但就覺得蒸過左龍, 有d " un ". 但亦奇怪一碟4 隻, 其中一隻無咁既問題. 一d 都唔" un ". 可見師傅的火喉仲要改善.5. 椒絲腐乳通菜味道一般, 同出面食無太大分別. 但我地本身見叫得三碟海鮮, 不如加碟菜啦. 但點知個湯咁大, 結果d 菜食唔晒. 6. 甜品: 椰汁馬豆糕 和 橙椰汁糕就一般. 椰汁味唔係太濃. 而個橙就.........太差啦, 金玉其外, 入面卻有少少爛爛地. 最後收錢好搞笑, 埋單$404, 我地給多少少叫佢唔洗找. 個女侍應就問番我有無4蚊. 即叫我給實數. 哈哈, 到底佢地係唔收tips 定係嫌tips 太少呢?不過今餐整體都食得幾開心, 值得開飯.…查看更多

環境超差, 同男朋友去食, 坐4人卡位,叫我地坐一面,但唸唔到, 前面有個女人搭檯之後, 再有個女人搭檯, 一檯有3 個GROUP 人, 仲慘過去酒樓, 去茶記. 哩方面已經令我好不滿.食物方面, 叫左個香茅雞翼飯跟沙嗲汁, 飯一黎見到個汁黃色o既就問個姐姐係咪真係沙嗲汁,個姐姐話肯定係沙嗲汁,但係我地一食就覺得一定唔係沙嗲汁,同埋個賣相好唔得,好似就咁幾隻雞翼淋d汁上去,一d都無香茅味!!!.........我地覺得叫佢換都唔會好得去邊,所以就費事叫個姐姐換。另外,叫左個牛肉卷(唔sure 個名),好似係用米紙包住o既。個卷就一般啦,無乜特別。 我同男朋友就覺得以後都唔想再去呢間度食飯,我地明明記得以前食小巴黎係唔錯架,不過今次真係好失望囉!…查看更多

5月17號夜晚今日考完試,諗住同男朋友慶祝,路經一間唔起眼的餐廳,但係被門外的大大件三文魚刺身吸引住。當時6時多,無乜人又未肚餓,所以諗住行一陣再返去食。點知7點半返到去門外就好多人等緊。攞飛然後等等等,等左差唔多一個鐘先入得去。入到去,間餐廳好細,坐得唔係太舒服。我地點左四樣野,大大件三文魚刺身,吞拿魚棉胎壽司,吉列炸蠔和一口牛柳粒。(1)大大件三文魚刺身一碟有五大塊三文魚,新鮮就一般啦,而且每塊o既大細都唔同,切得唔平衡,其中一塊我食食下發現有一小塊魚鱗,證明d師父刀工麻麻,不過size就真係幾大件,$50都算係幾扺食。(2)吞拿魚棉胎壽司只係好似普通壽司,不過size大左,而且吞拿魚個口感麻麻。(3)吉列炸蠔一客四件跟沙律醬同檸檬。件蠔好細件,仲細過壽司d飯。熱辣辣,不過無乜蠔味疑似冰鮮蠔(4)一口牛柳粒牛柳粒比想像中細碟,賣相馬虎,但係成$58一客d牛柳粒好細粒,味道普通,無乜特別。好唔扺食,早知寧願叫多客刺身。仲有呀,個茶杯崩左一忽,如果唔為意就飲好易界親個咀,好彩我醒目睇到,哈哈!總括黎講好普通,只係個三文魚比較大件扺食,但其他野就無乜驚喜,下次可以試下其他餐廳lu…查看更多