or#Tm65206181的個人專頁

昨晚同老公去黃金海岸睇完日落，就嚟咗呢度食嘢，點解會揀呢間，因為見佢地方闊落好坐，價錢其實偏貴，不過老公話想試吓佢哋啲燒鵝，所以入去試吓，我真係後悔冇影低相俾大家睇吓，佢啲嘢真係好唔掂。首先，我哋叫咗碟燒鵝飯，要求要鵝胸，來到碟飯啲鵝分量唔多，兼且有一半係皮加骨，得大概四、五舊好似手指咁闊嘅胸肉，飯份量正常。價錢$75就已經唔抵，份量連大家樂餐廳都好過佢，食咗好耐先來另一個order.我哋另一個order係虎皮椒炒牛肉絲客飯，來到仲經典，佢個客飯包一杯飲品，我叫咗凍檸茶，杯茶淡過水，碟餸size 係一碟手掌咁大嘅橢圓形碟，裏面全部都係紅色、綠色辣椒，仲好辣，得幾條牛柳絲，菇同蔥都係得兩條，成碟餸已經好細碟，但好似辣椒係主角，大部分都係辣椒。於是我問個女侍應，佢都好好禮貌，但解釋話因為呢碟餸叫做虎皮椒炒牛柳絲，所以虎皮椒係咁多份量，但啲牛柳絲走得幾條，價錢仲$91，我覺得個份量連茶餐都不如，似酒樓嗰啲菜芥前菜咁少，勁運動中伏，我下次都唔會再來幫襯。…查看更多

昨天下午，諗住好耐冇去過呢度食嘢，可以再俾多次機會，因為之前覺得佢啲食物好味，次次都會叫鷄扒炒公仔麵同多士公仔麵餐，對上嗰次幫襯就有啲失望，因為碟鷄扒炒公仔麵冇鑊氣兼且有啲凍，個多士公仔麵份量少咗好多，所以今次來試多次睇吓有冇改善。不過未坐低已經俾個四眼老男人侍應趕走，我同老公一入去佢就叫我哋搭枱，但其實有卡位佢唔俾我哋坐，就算要坐卡位都要坐埋一邊留返對面嗰兩個位搭枱，咁我見佢其餘兩張卡位都係得兩人坐，而且唔使坐埋一邊，兩人可以對坐，於是我問個男侍應，點解佢哋可以兩人坐哂一張卡位，佢聲稱話人哋本身三人來，但我見到嗰兩個人到走人埋單都係得兩個，枱面都冇三份餐具三隻杯。就連另一枱卡位都係兩個人坐，個男侍應仲語氣好差堅持要我哋搭枱，其實成間餐廳都好疏落，冇乜人，佢要我哋迫埋一邊撘枱，我覺得疫情下食飯有風險，所以嬲得滯走人，臨走佢仲好唔care啲客人感受，態度好差，我覺得我以後都唔會幫襯呢度，個四眼老男人侍應簡直趕客。…查看更多

話說頭先下午茶，我哋諗住好耐冇去過大家樂，點知去到，枱枱都full. 仲大把人係度等位，有啲仲買咗嘢，攞住個托盤等位。當中，我見到有張6人長大枱，只有一位員工用膳中，於是我哋兩個人就諗住行埋去坐低搭枱，點知突然有個員工走出來指住枱上個牌，話成張枱係俾員工用膳，拒絕我哋坐，我即時話唔係呀！咁既時間，咁多人等位，有啲客人仲買咗嘢食四處揾位、等位，你哋竟然覇晒成張大長枱，跟著我哋氣沖沖咁話唔食喇！去幫趁第二度，跟著個員工仲同另一個員工(正在食緊飯嗰員工)講話唔好理佢哋咁既服務態度，我本人覺得冇禮貌又差😡😡…查看更多

昨天早上，突然諗起呢間我一直都好喜歡既餐廳，而且好耐都冇去過，於是今次就決定去幫趁，我點咗個香煎魚柳通粉早餐，嘩！咩事！唔知係咪百物騰貴，竟然來咗個唔似出自呢間餐廳的作品。個通粉分量似是+10蚊的size. 面頭啲肉碎肥淋淋，然後個魚柳好似食剩的一角咁於是我頂唔順，問咗個waitress點解個賣相咁求其，個份量仲好似試食一樣，個waitress好尷尬咁回應話個份量係咁，我話其他餐唔係咁既份量，其實我想求証一下餐廳有冇搞錯咗，因為真係不似平時賣相，個賣相俾我感覺好hea，之後個waitress叫咗餐廳經理來，個經理都好有耐性咁聽我訴求，最後我一啖都冇食到，換咗第二個餐…查看更多