Agnesfungg的個人專頁

食完飯就同三個朋友一齊去食甜品，其實係一個住大圍嘅地膽介紹嘅，呢間甜品店最近做緊promotion, 超過$40嘅甜品一律只收取$40，聽到已經覺得好抵食。我自己就嗌咗個心太軟加雪糕，有個朋友就嗌左椰皇，有個就嗌咗薑汁湯圓加小丸子。心太軟水準唔錯，值得讚嘅係朋友嘅薑汁湯圓，小丸子多到有啲驚喜，大概都係20幾蚊。(對唔住，因為心太軟製作需時，朋友食先，影相嗰陣朋友已經差唔多清晒啲小丸子)我哋都坐左好耐，座位好闊落，仲有兩張櫈俾我哋擺袋。另外，店舖不斷播2000年代嘅金曲，小學回憶返晒黎。…查看更多

今日同友人一齊嚟到旺角呢間抗爭餐廳，入門口前有消毒地氈，之後員工會友善咁幫你噴酒精搓手液，咁就夠晒安全啦！由於好耐冇食吉XX牛肉飯，所以就叫左呢個牛肉飯，有溫泉玉子，洋蔥，水準都可以。$48 幾抵。之後，我同有人share咗個鹽酥雞，略嫌偏鹹，但都OK。本身諗住嗌杯珍珠奶茶，可惜冇晒珍珠，所以冇嗌野飲。其實呢個價錢咁抵，我覺得性價比都唔錯。其實重點係: 佢係好地道嘅本土餐廳，所以就算好唔好食，雞蛋與高牆，我都會站在雞蛋的一方。…查看更多

幾經波折，同友人終於食到呢間好出名嘅餐廳。我地專登6點去食early dinner, 排隊都算快。一坐低緊係即係嗌返個appetizer同杯嘢飲開胃先啦。我地嗌左個香辣單骨雞翼，香脆可口好惹味。跟住介紹返杯rose latte, 玫瑰味呢樣野真係好考功夫，如果用劣質糖漿就會似藥水。而Beans cafe就拿擸得唔錯，淡淡的玫瑰味加上花瓣點綴，讓人亂世中都可以沉澱下來，享受寧靜美好的一刻。另外，barista可以幫你畫3D公仔，好貼心！我地兩個女仔share左一個主食，係墨魚汁海鮮意大利飯。有魷魚圈，帶子，青口，蝦同魚，都幾豐富㗎！墨魚汁飯都唔錯，不過米飯略嫌水份唔夠，但都好睇個人喜好嘅。反而想讚下配菜蕃茄仔。平時好怕番茄好酸，但Beans嘅蕃茄就好清甜。想知一間餐廳有冇用心對待食材同客人，可以留意佢點樣看待配菜。豐富的晚餐，值得一試！…查看更多