y2296134的個人專頁

厚福街餐廳眾多，好多餐廳都價錢偏貴，而性價比最高既，不得不提農米莊喇。:)今次向大家介紹既就係 呢間以健康養生做招牌既 農米莊。打開menu 既第一頁，除佐花膠米線同埋龍蝦米線之外，全部米線都係60零蚊，價錢廉宜。我同友人分別叫佐黑蒜雞湯米線 同埋 龍蝦雞湯米線。龍蝦雞湯米線 （$118） 一上枱就見到大大隻龍蝦。龍蝦肉份量兩啖就食哂，鮮味欠奉，有啲失望。反而湯底有驚喜，啖啖都有龍蝦既味道。雞非常嫩滑，每舊雞肉都接近無骨，份量亦十分充足，對得住價錢。黑蒜雞湯米線就係友人叫佢，我無食所以評論唔到。…查看更多

係中環呢個美食天堂覓食絕對唔係一件難事，但要係甲級商廈入面搵啲平民食物又坐得舒服既，仲要收費唔貴就一定唔容易！而正斗絕對就係附合呢三個條件既餐廳。😆餐廳入面非常寛闊，燈光光猛。(1) 晶瑩鮮蝦餃  $48每一咬一啖都係蝦，非常足料，蝦餃皮整得好薄，相當出色。(出面啲酒樓好多蝦餃皮整得好厚)(2)正斗鮮蝦雲吞麵 (大) $64雲吞麵非常爽口彈牙， 蝦有4隻，湯帶有蝦味，好鮮甜。(3)香油條腸粉 (炸兩) $46一共有12舊， 每人食到6舊，非常飽。配上甜醬食十分惹味!總括而言，想食一碗靚既雲吞麵，唔一定要去九記，麥奀記，大家可以黎試下正斗。…查看更多

約佐朋友係7:45去時代廣場睇戲，一打開openrice搜索銅鑼灣餐廳，就見到呢間係世貿中心既泰國菜。餐廳環境非常舒適，6:00到達餐廳得一枱客，所以無book 位既我地就選佐海景位。 美中不足既係窗外面係一條條線遮住，變相睇風景時睇得唔清楚。:((1) 香芒紅菜頭米紙卷 $58除佐米紙卷入面有芒果之外，佢都放佐好多芒果碎圍住四舊米紙卷，賣相一流。米紙卷入面既料好足，紅菜頭有好多，每一啖好清新。:)(2)炭烤帶子冬蔭功湯 配泰國新鮮幼粉 $ 108望落去好似冇咩料，其實入面好足料。湯有4隻帶子，每粒帶子都好大粒。跟住每一啖都係蘑菇。 我地唔敢叫大辣，我地靜係叫佐小辣。味道岩岩好，辣度適中。幼粉配上湯一齊食，好快幾分鐘就被我地清哂。(3) 阿閒泰街頭大蝦炒金邊粉 $128金邊粉有兩隻蝦，兩隻蝦都好大隻好新鮮。除佐兩隻蝦，附帶一隻蛤。美中不足係金邊粉份量唔算太夠，但金邊粉配上砂糖同埋秘製既醬料都好好味。總括而言，香港出名既泰國菜我除佐會推介新泰之外，呢個絕對係不二之選!…查看更多

今日相約一個6年無見既朋友食飯。佢提議到去九龍食lunch。無咩主見既我就一口答應。 呢間餐廳係石硤尾地鐵站出口行3分鐘。我地叫佐番茄泡菜煙肉意大利麵($98) + 明太子忌廉蟹棒意大利麵 ($98) 黑糖蕨餅  ($78) 桂圓花茶($60)(1) 番茄泡菜煙肉意大利麵 ($98)番茄味道濃郁，配上泡菜食味道一流。(唔食芝士既記得一定要走芝士，佢會係最後加芝士粉)(2) 明太子忌廉蟹棒意大利麵 ($98)  -->太好食唔記得影相意大利麵沾上明太子醬帶有甜甜既味道，蟹棒有3條，絕對夠食!(3)黑糖蕨餅  ($78)呢個甜品係配紅豆，小丸子同埋綠茶雪糕。小丸子非常有咬口。一啖綠茶雪糕，一啖紅豆同埋小丸子咁食真係食過番尋味。(4) 桂圓花茶($60)花茶有濃濃既花香味，飲哂之後再加熱水再飲過！ 😂服務員有禮，餐廳可以坐幾耐都得，唔會趕人走。整體黎講，呢間餐廳性價比高！😁…查看更多

Itamama係taste of asia集團既餐廳，發展非常迅速，短短幾年間已經係香港開佐好多分店。今日我同朋友就黎到荃新天地既分店。先講環境，座位舒適，每張桌同桌之間都有充足既空間。 :)再講下服務，有得用QR code 掃瞄落單，餐單設計貼心，有得選擇反蛋，太陽蛋同炒蛋。 職員送餐速度快，亦有禮貌，絕對係快靚正!我地叫佐兩個早餐， 分別係香草雞排炒蛋通粉，意大利蕃茄牛肉湯通粉。我地互相share黎食。(1)香草雞排通粉配鮮奶炒滑蛋 ($35)雞排嫩滑， 炒滑蛋充滿牛奶既香味，好香滑，味道一流。(2)意大利蕃茄牛肉湯通粉 ($38)牛肉既牛肉濃郁，湯底既每一淡都充滿番茄既香味，好好味。總括而言，呢間餐廳早餐性價比高，值得一去!…查看更多

今日特登由港島去馬鞍山新港城睇戲，睇完戲係商場睇有咩野食，黎黎去去都係啲大型連鎖店，上海姥姥，大快活，大家樂，見到都唔想食!一直行，行到去馬鞍山中心地下就發現到呢間餐廳。吸引我同朋友入去既係餐廳望落去坐得好舒服，樓底好高，好闊落。:)再講下食物，我地叫佐是日精選E餐(法式芥荼子汁燒豬仔脾雹配意粉)， 是日精選F餐 (馬來咖哩紐西蘭羊腩煲配飯)，同埋一個意式白酒墨魚汁燴海鮮意大利飯。1.法式芥荼子汁燒豬仔脾雹配意粉 ($92)精選E餐奉送餐湯，餐包，同埋一杯飲品。餐包味道正常，配香濃既牛油食真係想食多一舊! 羅宋湯味道濃郁，令人非常開胃。豬仔骨沾上秘製既甜酸汁，非常惹味。美中不足既係份量豬仔骨得2件，如果多一件豬仔骨就完美了。:)2. 馬來咖哩紐西蘭羊腩煲配飯 ($92)精選F餐都係奉送餐湯，餐包，同埋一杯飲品。  咖哩味道香辣，一啖啖刺激味蕾。羊腩份量充足，沒有酥味。  3. 意式白酒墨魚汁燴海鮮意大利飯 ($80)墨魚汁味道濃郁，拌飯一齊食好好味。美中不足既係飯既質地比較乾，有啲啲唔係太似risotto。總結，啲人成日話馬鞍山係香港既美食沙漠，未食呢間餐廳前我係認同既。但食過呢間餐廳後我絕對唔認同。如果你係出面入黎馬鞍山既，就一定要入黎試下。…查看更多

係中環返工既我，呢日黎佐呢間叫珍姐海鮮火鍋飯店既餐廳食中午。友人話呢間餐廳原來明星都黎食，所以一於幫襯下!一入餐廳就聽到而家後生仔鐘意聽既歌，例如洪嘉豪，Ian等等既歌手。另外，所有侍應都係後生仔黎。午餐有7款食物選擇，我叫佐$65既頭抽蔥油豬排煎雙蛋飯。豬排份量都幾多，有成4大塊咁多!! 兩隻雞蛋同埋豉油一齊食，非常惹味。以中環呢啲高檔地段有65蚊一碟飯加一杯野飲，性價比都算幾高。美中不足既係熱奶茶既杯係破裂既，呢個令我有啲意外，真係有機會整傷嘴脣。希望餐廳見到呢篇食評可以改善下。…查看更多

講起香港知名既日式餐廳，和民居食屋絕對係其中一間!是日黎到位於皇室堡同友人叫佐個2人套餐 ($351)，二人套餐有一個沙律，一個壽喜燒，一個主食 (石窩牛肉飯)，和風雞肉比薩。1.沙律沙津有麵包糠， 豬肉塊，生菜， 配上千島海鮮醬汁食，非常好味!2. 壽喜燒壽喜燒有一隻生雞蛋，幾云豆腐，娃娃菜，冬菇，幾塊厚厚既牛肉。娃娃菜啖啖都充滿湯汁，好juicy! 牛肉連埋湯一齊食，成個身暖哂:)!唯一缺點係個湯稍為有啲咸，我認為甜啲會較為惹味!3.石窩牛肉飯牛肉飯上鋪滿粟米，乾蔥同埋幾塊厚厚既牛肉。黑胡椒吊起牛肉既鮮味。牛肉牛肉份量充足，兩個人食絕對夠飽。 4.  和風雞肉比薩鐘意薄既比薩一定要叫呢個，比薩配上濃濃既醬汁食絕不對pizza hut食既pizza差。(原諒我食之前唔記得影相，食到中途先記得影相。 )總括，三百幾蚊食呢個二人餐絕對抵食！  …查看更多

是日經過盧柙道，見到有間新開做船麵既餐廳，環境望落好似幾好，一於入去幫襯下。:)餐廳既桌子不多，桌子同桌子之間位置寬闊，有私人空間，感覺舒服。餐廳係自座形式，自己去收銀度叫餐，叫完就坐低。我叫佐招牌泰式船粉套餐成個餐盤送到黎個時，覺得好精美，會令人想即刻影相放上ig。船麵餐附送豬肉串燒一串，凍泰式奶茶或青檸梳打一杯，同埋甜品冰椰汁芒果糯米飯。先講主角船麵，牛肉鮮香，配濃濃既湯食一流。配料有蘿蔔，豬紅同埋3粒牛丸。蘿蔔鮮甜，牛丸彈牙，豬紅入味。反而最令我驚喜既就係串燒同埋甜品，豬肉串既豬肉一啲都唔硬，好香豬肉味。甜品椰汁味重，芒果鮮甜，一個字，正！ 美中不足既地方係甜品既上菜時間係未食哂主餐就送上。比較理想既做法係食哂主餐先送上。最後店員講佢地黎緊會轉menu，會以泰式車子麵形式點菜。整體黎講，125蚊都唔算太貴，但平多少少好啲，性價比高啲。…查看更多

友人同我去油麻地旺角行街，推薦話呢間村爺爺好食。行到門口，就咁望門面就覺得好似普通茶記，無咩特別，望入去環境都比較迫，但係就有成10個人排隊，令我有啲意外，令我諗呢間食物係咪真係咁好味，但食完真係覺得物有所值!兩個人分別叫佐花膠螺片雞煲同埋真<盛> 海鮮龍蝦湯泡飯。(1) 花膠螺片雞煲 ($68)  --> 人氣no.1!雞煲可以加$15轉套餐。套餐包一個飯，一碟菜加一杯野飲。雞湯非常清甜，有雞味，雞用刀一切開就切到，肉質嫩滑。除佐雞之外，螺片既份量十足，絕無欺場。呢個雞煲絕對對得住人氣no.1，唔怪得之咁多人叫呢個餐。(2) 真<盛> 海鮮龍蝦湯泡飯 ($168) 超大碗超級足料，絕對無呃秤。成碗飯既主角就係半隻龍蝦，啖啖肉既龍蝦食落非常爽口， 至於配角就係其他海鮮，包括魷魚，青口，帶子同埋蜆。 全部海鮮都有鮮味，啲蜆有差唔多10幾隻，份量好誇張。 成碗飯既精華就係個龍蝦湯，完全係一碗海鮮湯黎。一啖湯一啖飯咁樣食就係正到爆!最後我同友人將全部湯飲哂。值得一讚既係餐盤有濕紙巾提供，讓容人可以拆完龍蝦殼抹手。總括而言，餐廳咁多人排隊係有原因! 鐘意飲湯既朋友不坊試下呢間。…查看更多

本日相約朋友到10年無去既ICC觀景台欣賞香港既美麗夜景，睇完已經係8:30。諗住行去佐敦食，但朋友第二日又要返工 :(，咁唯有係ICC 度食。ICC咁多餐廳，又貴又唔抵，我同朋友睇佐10間餐廳最後選擇佐呢間米芝蓮餐廳:)。食完呢餐，真係覺得我地無選錯餐廳! 打開個menu 見到最抵食就係呢個2人餐，我地就二話不說叫佐呢個set。新加坡米芝蓮2人餐(1) 蝦皮素肉鬆凍豆腐諗住係好普通既豆腐，點知意想不到咁好味! 最精華既就係豆腐既豉油，豉油帶有輕微辣味同甜味，將每啖既豆腐撈埋豉油一齊食，唔洗2分鐘，就將豆腐食哂，一定要點豉油黎食。我地食完整個豆腐仲餘下好多豉油，因為實在太好味既原因，我地將豉油倒埋去雞油飯唔好哂。(2) 黑松露墨魚蝦多士一共有4舊多士，每舊蝦多士既中間都有濃濃黑色既墨魚，配上黑松露既甘香，配搭一流。:)(3) 鳳利涼瓜乾貝燉龍骨雖然有涼瓜，但湯水飲一啲都唔苦，反而有苦瓜既甘香味。雪梨就係呢個湯既主角，非常滋潤同非常適合寒冷既冬天飲。唯一缺點係湯渣可能煲得耐，啲肉比較難咬，如果可以林啲啲就好啲。(4) 天天海南雞侍應同我地講天天海南雞就無雞既，所以我地最後選佐天更海南雞，岩哂我地啲懶人。雞肉鮮嫩，唯雞肉伴隨既醬汁比較淡味，沾上另上既三款秘製醬汁就美味得多，一定要點黑色果款醬！ (5)海南雜菜煲一上枱係滾緊同埋係咁出煙，明顯係岩岩即煮好新鮮製造。誠意可加！雜菜煲有娃娃菜，小唐菜，粉絲，磨菇等等既配料，非常豐富。湯底有陣陣既雞湯味，應該有用到少少雞湯煲出黎既，最後我地差唔多連啲湯都飲哂。(6)雞油飯雞油飯送上時有啲嚇親我地 😂，超大碗！兩個人都差啲食唔哂。(7)酸柑桔蜜味如其名，酸酸味味，飲落非常清涼既感覺。(8)滋潤薏米水我飲佐朋友一啖，味道幾好，好多薏米。總括而言，侍應服務態度友善，送菜速度快。2人餐只需每人280蚊就有6樣野食連一杯野飲，可以講係ICC入面餐廳既清泉。我敢講係ICC性價比最好既餐廳。…查看更多

outback開佐好多年，都光顧過好多次，見咁耐冇食過，今日聖誕節就黎幫襯你!灣仔既outback 係一間叫做君悅居既service apartment 上面。黎到outback最期待既就係仍地既黑糖包! 我地一共5個人去食， 侍應竟然比佐3個黑糖包我地食，我記得之前佢一檯只係比一個黑糖包，唔夠先問佢refill。(1) 黑糖包 ($0 免費)黑糖包依舊係咁鬆軟，甜甜既黑糖包配上咸香既牛油，令我係三分鐘內就食哂成條包。(2) 美國頂級肉眼牛排 ($498) + 蜜糖南瓜不得不叫就係肉眼牛排，我地叫佐7成熟，牛排肉汁豐富， 唔會過鹹，配上旁邊既洋蔥圈食，好食到停唔到口。至於side dish，非常意外地蜜糖配南瓜既配搭原來幾好，甜度恰到好處。(3)番茄海鮮意粉 ($156)番茄醬味道濃郁，海鮮好足料，對得住價錢，每一啖都係海鮮，有帶子，魷魚等等既海鮮，配上意粉黎食，味道一流。(4) 蜜糖豬肋骨  ($248)豬肋骨好容易咬同埋入口，蜜糖能夠吊出豬肋骨既味道。 總括而言，outback 能夠係香港既飲食界站穩咁多年，絕對同佢穩定既食物質素有關! …查看更多

講到食牛肉麵，又點少得台灣過江龍，係香港有好多間既分店既段純貞！我第一次幫襯既時候係一年前荃灣如心廣場既分店。今次闊別一年，黎到銅鑼灣呢間分店，唔知味道同一年前有冇大分別呢？ 餐廳位於銅鑼灣謝裴道一間商業中心地下，都幾隱蔽。今日我叫佐原味牛肉麵，養生無骨紅棗黃酒雞。朋友叫佐嫩五花牛肉麵（我冇食到，不便評論） (1)原味牛肉麵 $82同一年前既味道一樣，牛肉牛肉味重，咬落好林，麵底好有咬口。果然維持到原有既質素。(2) 養生無骨紅棗黃酒雞 $84雞肉鮮嫩，帶有淡淡既酒香味，啖啖肉，正！雞既份量亦都足夠。…查看更多

平時一講廟街，我靜係諗到大排檔或者中餐館。但估唔到係廟街入面，都竟然搵到一間咁光鮮既西式cafe。 餐廳一望入去就知坐得舒服，因為枱同枱之間分隔得都幾開，呢個位絕對加分，我好怕啲坐得迫既餐廳。食物係要出去order既，waiter 唔會同你落 order。 一打開個 menu 見到好多選擇，都唔知選擇邊樣食物好，有啲花多眼亂，真想全部叫哂每樣都試少少😆貪心的我!最後，我同朋友叫佐兩個set一齊share黎食，分別係牛油果蟹肉意粉同埋芫荽金不換帶子長通粉 。叫Set 既話送兩碗南瓜湯。(1) 南瓜湯南瓜湯顏色鮮豔，明顯地用佐好多南瓜整既，絕對唔失禮。湯上面充滿白色既 cream，令每一啖入口都好 creamy，口感一流！ (2）牛油果蟹肉意粉 $108令人驚喜既係成碟差唔多每一啖意粉都食到香濃既牛油果味，再配上少少檸檬汁，令人越食越開胃。美中不足既係份量唔太夠兩個人食，份量多返啲應該會更好！ (3）芫荽金不換帶子長通粉 $98平時係其他餐廳叫親帶子意粉，出到黎都係得兩三張帶子。呢度既帶子意粉絕對冇呃秤！有足足5隻帶子咁多，帶子食落仲有鮮味。用芫荽整既通粉我都係第一次食，意外地味道幾好，每一啖長通粉都有濃烈既芫荽味，岩哂鐘意食芫荽既我。😋🤤🤤…查看更多

星期六約佐朋友去尖沙咀行街，行佐成個中午，到六點晚上開始覺得肚餓。我地兩個又好耐冇食過泰國菜，所以打開openrice 搵下附近有冇好味既泰菜館，就黎佐間係佐敦叫'泰泰'既餐廳。食完後覺得呢間餐廳值得一去 !一入門口，餐廳問我地有冇訂位，我地話冇，佢同我地講我地好彩，因為岩岩有一台walk in  走佐，我地可以入去。餐廳坐得咁爆，未坐低都估到應該幾好味。(1)  泰式蛋包金邊粉 $120無諗過金邊粉份量咁大，完全係夠3個人食! 金邊粉上面有一塊金黃色薄薄既蛋餅，賣相好吸引，味道恰到好處，唔算話太甜。(2)  馬拉盞炒芥蘭   $76呢碟堅好味! 芥蘭食得出係新鮮既，有鮮甜既芥蘭味。芥蘭配埋下面既馬拉盞醬汁食，味道一流。(3)  青咖哩石銅 $93鐘意食甜既我有得選白咖哩或者青咖哩，梗係選青咖哩，因為青咖哩係甜啲。呢度既青咖哩都係甜甜既，送飯一流。(4) 泰式串燒爹 (半打) $98我地選佐豬牛雞，雞肉嫩滑，牛同豬都容易入口。講完食物，再講下環境同埋服務態度。餐廳既職員好多都係泰國人，全部都好友善。值得一讚既係佢地經常會幫你加水。環境就比較迫少少，同埋枱同枱之間距離比較近。但整體我比4分！ 鐘意食泰菜既你，唔洗一定去九龍城既，黎佐敦黎間泰泰相信一定有驚喜比到你 。…查看更多