bonustrack的個人專頁

讀國語識咗個越南華僑,喺沙田行行下街佢話喺越南都有Wor呢間餐廳, 就入咗去食嘢。以為越南人靜係食越南粉,間餐廳都叫自己做PHO喇,原來唔係,我一定唔會Challenge導游,所以無意見。佢利害到可以哎入廚房同人B呢爸喇用越南話溝通,真係暈, 意想不到嘅結果出咗嚟:香芋炆豬手,香茅椰青雞飯。以為女仔唔會叫咁肥,同埋身形真係睇唔出會叫豬手,不過又炆得幾腍幾入味,香草味令豬手感覺無咁肥;香茅椰青雞飯隻雞太地道,我簡直不能形容個雞味,真係第一次食咗都唔知有咩味,總之清得嚟帶香草味,好特別未試過要試。…查看更多

上次去過ICC, 經理F生力推下我媽媽又要吃日本餐, 成個細路一樣。她不能吃太多的關係, 其實法國同日本餐又真系幾適合媽咪既。 景雖然不及ICC, 但都有高層維港景, 舒服。室內設計一樣簡約, 入去先過壽司Bar, 後主廳有巨型鐵板檯, 裝修典雅簡潔, 無多餘做作的佈置和雕塑, 有家庭Feel得嚟又夠Grand。坐都未坐定就叫左碟刺身Share, , 油甘因為新鮮所以纖維緊密, 文理鮮明咬落爽口甜脆, 吞拿魚並非一般餐廳打色得烈焰血紅, 咬落木木無味無道, 日本直送吞拿魚成本高, 行內人目測已知龍與鳳, 最專業的師傅還是用鼻臭臭就知新鮮與否, 自從看過電視介紹日本刺身後我每次吃魚生都聞一聞, 今次亦不例外, 不新鮮發腥, 不夠新鮮無味, 活魚剛切出來是香的, 而這幾片, 就是這Quality了。之後媽媽點了蟹, 雜菜和日本和牛。 近來敏感不能碰蟹這東西, 但都無辦法唔破戒, 好鮮甜多膏。 雜菜無咩特別青青哋無咁肥而已, 和牛是近江牛, 牛我就認識唔多, 聽講近江係貴牛, 我食唔出分別, 一樣都係肥同肉味明顯, 不過日本師傅玩火真係幾過癮。…查看更多

因為媽媽系台灣人的緣故每年都要翻台灣, 上兩個禮拜我重系台灣的101, 今天我又高高在上站在香港的101。媽媽好喜歡海鮮, 特別愛日本料理, 我系網上找了許久, 終於找到了殿堂級的和食-田舍家。 位於ICC的她當然價錢非比尋常, 但我相信味道亦無與倫比。 果然無讓我們失望, 媽媽100%滿意。媽媽的胃有點小毛病, 所以我們食得唔多:日本A5飛騨鐵板和牛肉, 連續15年打敗松板, 神戶和牛成為日本一的牠, 完全沒得挑剔, 脂肪分佈平均, 入口即溶, 香濃得一試難忘, 值得一提的是和牛的質素, 我們談起舅母實在太多是非, 一講就講了一個鐘, 但牛肉放涼了還很鬆軟。蜆的海水味很濃, 是太濃了, 好吃但不合自己口味。這兩隻日本蠔使得我媽媽又破戒, 醬汁惹味配紫蘇的香, 加幾滴檸檬的酸令新鮮的蠔更美味。最後餐廳送上醉人的日落晚霞, 頓覺人生的美好。…查看更多

自從佢轉咗Air Italy之後, 同哥哥就好耐無食過飯, 難得佢翻香港即刻book臺食飯。食夠1200有3個鐘免費泊車, 裝修好靚, 出面重有幾10個位可以坐outdoor。我哥哥好介意人無禮貌, 所以選擇Harlans應該唔會出錯, 禮貌好好, 食物就算係平, 我覺得味道好過酒店: 麵包好鬆軟, 沙律菜夠爽, 煙肉overcook咗, A4和牛好夠肉味, 龍蝦意粉哥哥最讚,佢話好食過係意大利,龍蝦確實好鮮味,但意粉硬咗啲,可能太正宗唔適合我口味,都係留翻比啲意大利鄉里,甜品我就最buy,雙層芝士蛋糕,好滑好香,唔怪得啦原來係法國芝士。好幸福嘅晚餐,話咁快就完, 又唔之幾時先可以好好咁食餐family dinner喇。 …查看更多