Darkruo的個人專頁

第一次寫食評就俾意粉狂熱⋯坐低個感覺已經似薩利亞，不過點知衰過佢⋯野食唔熱，睇住啲野叮出黎碗碟熱野食唔熱。個湯，凍既；意粉，咸得濟。叫塊兩舊幾水既牛扒無問你幾成，出黎變Well Done。雖然唔係貴，但食物質素完全同呢個價錢掛勾唔倒。應該係耐無開晚市同無客左太耐，員工唔係狀態，兩個樓面只係服務五張枱都係無效率。後來睇返原來係和民集團，估唔到大集團都會做得咁差，建議管理層都定期檢視下員工服務同食物質素。…查看更多

同女朋友行完K11係度搵附近有咩好食，見到門面好靚仔，揀左呢間試下。睇過其他食評又冇想像中咁差，可能我個人口味比較重，所以燒物係鹽燒先正之後都再去食過一次，加左好多新款野食，所以一次過先寫，入面除左幾張四人台仲有bar台，裝修都幾靚，好多人叫燒物但奇怪地冇咩油煙味。炸雞冇影到相，賣相平平，但食落去估唔到咁滑同咁好汁，同埋外面一d都唔厚粉。飲品就試過high ball同mojito，個人覺得好好飲，次次都叫兩杯（我唔係咁好果汁）。其他食物就放左圖片有remarks整體黎講新鋪都算唔錯，希望可以改善再多d雞款揀（日本人做雞既方法很多）。居酒屋禮儀雖係先叫野飲，但都希望會有冰水供應就完美～～價錢唔算好平，但居酒屋黎講好過好多香港連鎖。…查看更多