kwokny722的個人專頁

夜晚九點行過見到忽然好想食格仔餅就買黎食，見到張紙寫住，製作需時，即叫即整，我仲好開心，點知等左一陣，出到黎個餅係室溫，根本整定放係到，咁點解要扮哂野要人等一陣先俾人。雞蛋仔我就見到即整，如果得雞蛋仔係即整就講清楚嘛，下次都唔會再買。…查看更多

今天同朋友慶祝生日，散叫食物，所以食物的味道不錯，除了炸白蝦的溫度是室溫，其他鰻魚飯，鮟康魚肝都不錯，最令人驚喜的是炸池魚，芝士年糕同紅豆鯛魚燒，熱辣辣好好味。另外，餐廳處理餐具的衛生有待改進，由於我懷孕只能飲暖水，問了餐廳員工要了兩杯熱水，其中一杯竟然發現大量灰塵，嚇到我唔敢再飲。最後，本身同餐廳說好要order甜品慶祝朋友生日，openrice已寫了註明，另外whatsapp 再次確認，但最後餐廳卻忘記了，最後來了一個沒有寫happy birthday 的甜品，要問後才上一個寫了慶祝語句的甜品再外加四小杯試飲，而寫了慶祝的甜品是要另外付錢的。…查看更多

見到openrice話呢個好好食，環境好舒適，今日諗住經過就試下。但原來食評唔一定係準。等左唔夠5分鐘就入座，前面有1個人就安排1張枱，我1個人就安排坐大枱同人搭枱。仲要係見到好幾枱都係1個人坐一張枱。一係你就問人願唔願搭枱先俾人入座，一係你就門口寫到明會搭枱，點解要咁唔公平先。你見lunch多人想番多d枱的話就諗下點安排入座。唔係左搭右搭，你賣緊唔係酒樓茶餐廳服務，係日式餐廳，理應係休閒舒適？等候野食個陣，仲見到隔離客人未食完野，放低叉一陣，已經有侍應沖過黎問”係咪食完，幫你收走“。感覺上好似想個客你食完就走喇咁。食物黎到，見到對面客人叫同樣的紅酒牛面肉蛋包飯，我的就切好上枱淋好多汁，人地就上枱先切再淋汁，唔明點解待遇唔一樣。因為我一個人去食飯？所以要快快手？蛋包假本身抱好大期望，但原來推介的未必一定好食，牛面肉勁多脂肪，仲要一舊舊咁上，真係好奇餐牌上的蛋包飯漫畫係畫緊邊一款飯？食左一半就唔想要食。咖啡味道同香味都okay。原本仲想試布甸，但見要同人搭枱，個蛋包飯又會咁上枱，所以我都唔想再食。很可惜地餐廳明明想製造日式風格俾人打卡，賣緊日式咖啡廳的價錢，但俾茶餐廳的服務及食物質素。…查看更多

曾於此餐廳用膳，覺得感覺良好，所以打算與家人在此慶祝生日，共7人，並於10月30日透過openrice 訂座。忽然11月5日晚上9點收到該餐廳訊息，提醒我要於11月7日或之前 （原句： on / before 7 Nov )要入500元訂金。當時有其他事要做並沒特別在意，只記得11月7日要入錢。到今天晚上七點有時間處理訂金，打算找回訊息付款，忽然發覺今天下午兩點多被餐廳取消訂座。我致電該餐廳查詢原因，他跟我說11月7日前就需要付訂金，我以為自己記錯訊息是有寫幾點前付款，但翻看訊息發現他寫的是11月7日或之前付款並沒有寫明時間。然後他再跟我說當天已滿座，不能再安排入座。我跟他理論明明今天仍是11月7日，為何取消我的訂座，但他跟我說要保障餐廳利益，有9人或5人的客人已預先付訂金，是我沒有付。而且餐廳已於星期六發訊息，是我不應該那麼遲付訂金，正常應該要於11月7日前付款！但他的訊息明明只寫11月7日或之前，不明白餐廳還可以賴皮的將責任推在客人身上？！爭執了很久，聽到我在電話中哭（或者可能餐廳很忙不是再應付？）才勉強跟我說對不起。我特地預訂一間餐廳跟家人慶生，因為星期六日應付考試，星期一要上班沒時間去處理，放工已即時處理，但卻遭受無理取消。最糟糕的是已告訴家人當天在那間餐廳用膳，現在還要重新安排一間可以在星期五七人用膳餐廳是多麼困難！對此餐廳很失望，竟可以如此不對自己訊息寫下的東西負責。坦白說，如果餐廳寫的是11月7日12時前付款或者我在11月8日才處理。我會接受並覺得這是我自己責任。但付款限期未到卻遭受無理取消，這是不能接受，以後會blacklist 此間餐廳。最後一點，希望餐廳能好好理解什麼是on / before the date。亦不希望其他客人會中伏。…查看更多

見到openrice 好多食評讚好，咁就訂左呢間餐廳同老公試下。由於老公入座先，所以我去到見到座位安排有點愕然，我地同其他食客坐得好近但中間冇透明板擋住，最後我要求坐第二度，好在職員都好好咁安排番個二人位俾我。本身想叫套餐抵d, 但冇我想食的野，就叫左單點。叫左：1.生蝦刺身，味道幾好，醬汁酸酸辣辣，好正，但食到最後一舊時，感覺到蒜片有酸酸地。2. 菠蘿炒飯，味道唔錯，菠蘿好甜。個飯幾開胃。3. 椰汁雞湯，用爐加熱番湯，好得意，味道好正，飲到停唔到口。4. 芒果糯米飯，我的最愛，但偏偏最唔好食，飯唔算好熱，芒果唔似係泰國個隻，係普通香港的芒果，唔甜。呢個下次唔會再叫。總結黎講，呢間不過不失，冇咩特別突出，冇其他食評寫得好味到CP值咁高，叫做有得揀下黎試下。如果有得揀就揀套餐，會抵食過單點係真嘅…查看更多

訂左呢間餐廳同朋友食晚餐，打電話去訂座時，已經feel到職員好好禮貌。去到餐廳後，覺得個環境好好，座位好闊落，坐得好舒服，由於我先到，所以同職員講左我訂左個生日甜品，職員話到時食完主菜就會上甜品，唔使特登再落order，可以俾驚喜你個朋友，真心覺得好幫得手。上菜時，服務都好周到。由於兩個女仔食，所以都唔係叫得多野，分別叫左：1.海膽帶子他他：海膽好鮮甜，帶子中有柚子皮，令到帶子的鮮味仲出d,仲好開胃。2.德國豬手：上枱時熱辣辣，皮脆肉嫰，仲有好好味的酸菜，但由於好大份的關係，我地食剩少少。3. 肉眼扒：叫左七成熟，真係七成，熱辣辣，肉嫰多汁，點埋燒汁一流，食到停唔到口，最愛呢個。4. 薯條，新鮮滾熱辣，一入口辣親個口，正！熱辣辣的薯條先好味！一路食食食。5. 心太軟,是日生日甜品，職員好細心繞過朋友後面遞上蛋糕，俾到朋友好驚喜，一上枱覺得心太軟好香，雖然冇流心到出哂黎，但好好味好香口，雲呢拿雪糕都非常好食！正！呢到職員服務態度又好，野食又正！下次一定要帶老公黎食好西，浪漫下2.…查看更多

係app叫外賣，由11:30預訂12:15-12:30送到，諗住預訂都會準時到，點知時間一直係度一直延遲，由12:30延遲到12:35,跟住係咁不斷延遲5分鐘，延遲去到13:35。去到13:00個陣，我初頭仲以為係外賣員問題,忍唔住問app,後來問左原來外賣員已經係餐廳等緊，係餐廳一直唔出貨，自問我叫的唔算多同複雜，都可以搞到耐，如果計埋預訂時間，其實都兩個鐘，如果要蒸野煎野都要喇咁多時間，我相信好多賣點心應該執左。最後都係食唔落要等咁耐的外賣，結果搞到要自己再落街買。以後唔再幫襯呢間。希望app都唔好再同呢d公司合作，免得個客唔滿意仲要遷怒你地。…查看更多

係yahoo買左團購，任食大閘蟹，片皮鴨，甜品。鮑魚同燉湯係每人一客。片皮鴨唔錯，幾好味，好多時都有鴨脾食，大閘蟹味道亦都唔錯，但個籠係有蟑螂，蟑螂，蟑螂，因為好重要，所以要講3次，仲要係個籠到行黎行黎，同職員講冇反應lol，仲收走個籠，我以為剩係得我地係咁，點知隔離枱都咁lol。隔離個枱仲要係2隻，不過經理會同人say sorry,呢d不良恐怖的經歷，以後都唔會再食呢間野仲有呢到雖然話任食，但食得兩個鐘，員工人數又唔多，叫野永遠要等好耐先有人應機。所以唔抵食。…查看更多

以前番學個陣，好鐘意食呢間店，雖然比隔離間手卷店貴一倍，但以前見佢d料新鮮，所以會成日幫襯佢。今日行開呢頭，諗住試下喇，叫左個大吞拿魚腩手卷。一見到手卷已經好失望。吞拿魚腩係白到一點血都冇，好似雪左好耐咁，塊葉仲要有不知名的污點。好喇，見到已經唔開胃，但買左要食。拎開左塊葉先食個手卷，食落口已經更加唔想食，吞拿冇味，得油味。飯又有點硬硬地。唉...55蚊...食完之後只想講我唔會再幫襯...希望貴店考慮下將個質素keep番以前咁。…查看更多

今日約左朋友食下午茶，忽然醒起呢間之前想食，咁就去試下。環境好舒服悠閒，餐廳人流唔多，唔嘈，可以舒服咁享受下午茶，我地坐個位對住海景，可以睇到日落。😆我地四個人叫左兩個teaset,兩個人三百幾蚊，野飲仲可以揀香檳或者茶 ，好抵。野食終於黎喇，超得意超靚。有個棉花糖係中間扮樹，最好味係個鴨肝提子餅，味道好夾，搞到我搶左我男朋友個份食埋😆咸點全部都好好味，甜點就唯獨個綠茶慕絲上面朶花唔太好食之外，其他都唔錯。由於我飲茶的關係，員工不斷同我加茶。其他就加暖水，非常貼心。下次仲會再去食，因為呢間餐廳真係唔錯，食物質素唔錯，服務又貼心，環境又恬靜，係拍拖聊天的好地方👍👍…查看更多

今晚心血來潮想食呢間，點知食得幾唔開心。叫左個蕃茄牛肉烏冬，加溫泉玉子。負責煮烏冬個位同事（“a")同加餸同事（“b")講呢個客加玉子，b仲應左a一聲，之後b竟然唔記得左件事，我同番b講，b話"我地係分開上,而家上番俾你”。到俾個玉子我的時候，我見佢好似好緊張，然後竟然俾隻打爛左的玉子我...我呆左...九蚊一隻玉子，話貴唔貴，話平又唔平，我加錢你俾咁的野我，點都有d講唔過掛。經過今次，我應該唔會再去食，或者你會講，反正玉子最後都會爛有咩所謂，但食物俾人第一感覺唔好就係唔好。仲要你係一個知情的情況下俾咁嘅野食個客，俾你係個客你都會唔開心。一個餐廳的質素唔單止係食物的質素，員工的服務態度都好緊要。…查看更多

兩年前誤打誤撞咁試左呢間鋪，佢的環境好寧靜舒服，個時規矩冇咁多，野食款式多d，老闆又幾nice，所以之後都陸續幫襯左幾次。有段時間見到好多人幫襯，開始要等位就冇去。隔左兩年的時間再光臨，發覺周日的時間都冇咩人，好似寧寧靜靜幾舒服咁，諗住再試下。一坐低就見到一堆規則：要安靜唔准人玩遊戲睇戲刨馬經，如果你唔想人地當你呢到好似Starbucks，點解唔設立用餐時間？其實我飲杯咖啡只係想輕鬆消磨下時間，同朋友飲實有機會嘈到因為地方細，自己一個飲實會睇下戲上下網打下機。唔通大家要拿住杯咖啡發呆嗎？叫左杯咖啡同蛋糕，唔....冇以前咁好食了。但是價錢卻貴了，老闆亦冇以前咁nice。明明規則寫著保持安靜，但老闆同熟人傾計就可以大聲？我還特登睇下我有冇睇錯規則 唉，只准官州放火，不准百姓點燈？老闆應該很慶幸他以前儲到一班舊客，而且老闆娘對客會nice d，新客大概受不了這裏吧？我也不習慣這裏了。…查看更多

今日同朋友慶祝生日，揀左呢度試下，今次係第一次黎環境唔嘈，好舒服，呢到嘅服務都好好，由於有朋友遲到，我地坐左幾個字都未點野食，服務生都冇催我地落單。我地點左白酒煮硯，燒豬手，龍蝦汁蟹肉天使麵，水牛城雞翼，，肉醬焗薯皮同心太軟食。另外仲點左支汽酒。所有野食都好好味，係水牛城雞翼辣左少少，但味道都好正平時都麻麻地飲酒，竟然今次的汽酒都入到口，Good!期間本小妹流鼻血，怕朋友見到，避走左去廁所門口止血，服務生見到問我需唔需要椅，仲特登幫我裝下廁所有冇人，好貼心！一路食野，服務生都會好自動幫我地換碟倒酒，超貼心！見我地食完正餐，都會自動幫我地上甜品咁優質的服務要加美味的食物，仲要開埋酒，埋單四個人都唔係貴，好值得再食！純粹一提的係佢有happy hour，都幾抵，去到十點鐘，同朋友傾計一流…查看更多

之前睇過雜誌介紹過話好味，今日終於有機會試下，發覺中哂伏。男友叫左個牛肉茄蛋米線，個湯底甜到呢，好似m 記茄汁加水的湯底。牛肉冇咩特別，好似平時出街個d喇。我就叫左個牛肉火鍋，好在個湯底冇米線咁甜，剛剛好。比較特別係有得一邊烚一邊燒下，野食都係恰下燒下冇咩特別，可惜佢的特製醬油冇哂，（問左職員）其他都係乾身的蒜蓉粒...冇醬料俾我點..究竟公司係窮到連豉油都冇，定係職員唔想倒呢？唔評論喇...我只係覺得一個78蚊的價錢食呢個鍋，我諗揀吉野家會好d😊職員態度，可能係人少掛，全程黑面，講野快同語氣麻麻地...有d野試過一次就好喇🙂…查看更多

男友正日生日，係呢到食大餐慶祝，環境好靚，仲可以睇到幻彩詠香江，由於下午食得飽得滯，所以冇叫到佢d dinner set,單點就算。職員好細心介紹有點咩野食，前菜有包同生蠔，生蠔好甜好香叫左龍蝦湯，好好味，龍蝦肉好好食，正餐慢煮雞肉同蟹肉意粉都唔錯，雞肉口感有點似薯仔好得意，蟹肉意粉超多蟹肉，甜品叫左個雪芭，薑加橙味，唔記得影相，但非常之好食。職員的服務非常好，下次會再去食…查看更多