CarrieChan3066的個人專頁

估唔到尖沙咀都有間好食嘅泰菜😋位置都算方便 地方幾大幾整潔.首先叫咗個青木瓜沙律🥗相比食過嘅同款菜式 呢度嘅調味重啲 辣啲又酸啲 好惹味開胃👍🏻.然後係雞肉紅咖喱🥘加配薄餅🫓咖喱嘅椰味濃郁 冇乜辣味 雞肉唔錯 仲加咗好多蔬菜 其中有茄子 唔係軟軟爛爛果種 食落幾特別另外 咖喱配薄餅好好食 佢啲薄餅好香脆 掛住傾偈 食到最後都仲好脆口 出色🫡 .再嚟係蛋包炒金邊粉🍳蛋包冇乜特別 相信係打卡比較好睇 都可能因為咁 所以份量都幾少味道同一般泰菜差唔多 冇乜驚喜.仲叫咗杯青檸茶有少少似濃縮檸汁咁 唔太推薦.總括嚟講都幾滿意坐得幾舒服 適合聚會個人推薦青木瓜沙律😁…查看更多

Cafe位置響尖沙咀韓國街附近 算係旺中帶靜平日下午去幫襯 地方細細 都有幾枱客 大家靜靜地坐 幾舒服.試咗棉花糖雲蜂蜜牛油厚吐司☁️（配岩鹽玫瑰岩鹽焦糖醬）同埋焦糖鮮奶咖啡☕️吐司呢個配搭好好食 棉花糖配焦糖醬好似好甜 但係有岩鹽同埋牛油嘅鹹香味balance返 係有趣嘅配搭😋 杯咖啡都唔錯 幾香..跟住仲試咗原味巴斯克芝士蛋糕🧀同埋matcha latte🍵蛋糕芝士味都算濃 質地係實實地果種 尚算滿意Matcha latte都唔錯 冇咩特別…查看更多

食開皇庭果邊果間，今日經過呢間，入去試下.臻味出名豬扒米線，不過我就鍾意食佢嘅韭菜餃米線多d😂😂.👇🏻韭菜餃麻酸辣米線 （$46） +凍檸茶 (+$3)湯底一定係揀麻酸辣，我叫咗少辣，佢嘅普通辣都幾辣下，少辣剛剛好。呢款湯底睇落清清地，麻味重，會食到個嘴唇痺痺地，好正，會成日掛住佢呢陣辣味😋 米線就比較粗d，軟硬適中至於韭菜餃，一碗有6隻，好夠食😆 同皇庭果間唔同，佢比較多餡d，韭菜味濃好多，餃皮就一樣又薄又滑！個人口味嚟講，我就偏好皇庭果款多d…查看更多

除咗章魚燒、冷麵、雞蛋仔⋯手抓餅都一定係掃街之選👍🏻.推薦蟹籽吞拿魚手抓餅，記得加埋蛋！（$30）😋份量十足，超級多吞拿魚，配上蟹籽卜卜脆，入面仲有生菜同蕃茄，口感豐富，唔會太膩～…查看更多

細細個就食呢間街坊煎餃，次次都見到老闆同老闆娘分工合作，話唔多，密密包，密密煎🥰.佢哋嘅煎餃係親手製作，內餡有韮菜、甘荀，相信仲有少少沙葛，菜多肉少，對我嚟講係啱啱好嘅比例😁.煎餃個皮尤其出色，煎到有脆邊，但中間keep到果種煙韌，再加埋豉油同辣油，好香口，真係好好食！.曾經嘗試自己包餡整😂都整唔到咁好食，唯有繼續乖乖幫襯。雖然加咗價，但都好值得食，絕對稱得上係將軍澳名物，我個人覺得係世一煎餃❗️推介大家去試👍🏻👍🏻…查看更多

夜晚想同朋友搵個地方繼續吹水，所以試下呢間新開嘅糖水舖。11點都有唔少客，不過唔駛等位，可以直入。.好耐冇食椰果龍眼冰，呢度舊址係聰嫂，聰嫂執咗之後就冇再食過😮‍💨見menu有就忍唔住要試一試佢。.呢度用QR code落單，唔需要等好耐就有得食。食落清甜細滑，啖啖清新嘅龍眼味，配搭椰果同埋鋪面嘅啫喱粒粒（？），口感豐富，味道嚟講係幾滿意嘅👍🏻.價錢方面要$49/碗，想要椰果要另外加$6，整體份量都幾細，唔算抵食😅😅…查看更多

以前食過一次雞蛋仔，今次一於試下食格仔餅。好彩係平日下午，唔算多人排隊，好快就落到單。目測少啲人叫格仔餅，可以唔駛等太耐～有好多口味揀，個人偏好食原味，所以叫咗一底原味格仔餅。我哋兩個人食，老闆有問要唔要切半，又提醒要平放咁拎，以免漏晒汁，都幾貼心。.呢個格仔餅真係好厚😂比平時食嘅係double咁厚😂即食熱辣辣，咬落外脆內軟，好香，配埋邪惡嘅醬，幾出色～27蚊呢個質素、呢個份量真係抵食，下次經過會再食😋.…查看更多

幾年前曾經同同事食過lunch buffet，見klook做快閃優惠買一送一，就帶男朋友再去試一試！.聽講係新裝修過，畀我嘅感覺同之前差唔多，一樣新淨企理👍🏻 地方細細，勝在樓底高，幾開揚舒服。加上顧客都係商務客同外國人比較多，少遊客團，所以大家都好悠閑輕鬆😁食物方面一樣係款式唔多，不過食得出食材都幾新鮮，味道細緻d，幾啱我哋口味。例如海鮮，雖然得蝦、蜆、長腳蟹蟹腳、蟹鉗四款，但都幾鮮甜，尤其蟹鉗啖啖肉，好食😋魚生方面，有男朋友鍾意食嘅希靈魚，佢好滿意😂 睇落三文魚十分受歡迎，一開始職員都好快refill，係到後段時間大家都食飽，就冇再refill，原本想再食多一輪都冇辦法😂.熟食部分，比較特別係可以即場自選意粉配搭，因為一般自助餐都係湯粉，而我個人好鍾意食意粉，所以前後試咗兩款，都好好味👍🏻👍🏻.佢有好幾種麵底款式，除咗一般長意粉、長通粉，仲有墨汁意粉、菠菜意粉等等，醬汁可以揀白醬、番茄醬或者番茄肉醬，亦可以加辣、加芝士粉，topping就有煙肉同蘑菇。建議大家一試😁甜品其實好多款，我自己最鍾意法式焦糖燉蛋😚 仲有mini雪糕，十分滿足。整體嚟講，今次用餐愉快，職員都好友善熱心👍🏻有機會會再去👍🏻…查看更多