90後girl的個人專頁

果日約了朋友一起去黃大仙拜一拜，去完 之後就看看附近有什麽好食的，見到尼間台灣野就試試，我們兩個人都選擇了套餐C (主食+嘆茶+任選甜品)。我點左紅酒燴牛肉配滷肉米粉，米粉湯入面有肉燥，紫菜，用的是新竹米粉索晒湯汁好入味，米粉夠爽口，牛肉的分量也很足，好腍。飲品方面，我點了夢，一層藍色一層粉紅色，顔色好好看，打卡一流，這是一杯士多啤梨藍橙乳酪，飲落甜甜地乳酪味，而且是我喜歡的沙冰。甜品就叫咗香芒雜雜有千層蛋糕、泡芙、布丁同埋雪糕，一次過滿足幾個願望，千層蛋糕中間是有一層芒果的，食落味道剛剛好，不會太甜。我朋友就點左招牌鐵路便當台灣腸同花枝丸，佢嘅花枝丸好彈牙，好食，台灣腸又好香，肉燥飯唔會全肥，仲有滷蛋，滷豆腐同湯。佢點左清零消脂手工花茶配埋花蜜，好飲，非常適合女仔，就算唔落花蜜都唔會酸。仲有蠟燭熱住，一直保持溫熱既狀態。甜品方面，叫左個珍珠奶茶奶蓋干層蛋糕，蛋糕有淋一堆奶蓋，仲有啲珍珠做點綴，個千層蛋糕都有奶茶味，甜甜地。都加左個小食鹽酥雞，份量都夠多，好香，外脆內軟都可以一試。…查看更多

收左工同朋友想食韓國嘢，見到呢間野性價唔錯，就試下。韓閣歡樂盤 有牛肉/甜雞/辣雞/泡菜五花腩選擇，另外亦可以加錢升級叫牛仔骨/ 香辣魷魚筒，我們就叫了辣雞，辣味適中，我唔係好食得辣都可以接受，雞既份量都夠，除左有雞之外都有一片片既韓國年糕係裏面。仲有好多芝士，見到係有兩至三種唔同既芝士做既，辣加芝士食落都唔膩。還有芝士粟米滑蛋，店員會行埋黎教點食，成個蛋都好甜好正，有晒啲粟米甜，紫菜飯，好香芝麻油味，一個人都食得晒，仲有菠蘿同泡菜。部隊鍋超中意食部隊鍋，佢比既份量都夠兩個人食，味道唔係好辣同咸，啱啱好，裏面有午餐肉大大塊，年糕，廚師腸，泡菜，五花肉片，牛肉，菜，當然唔少得有泡麵啦，好豐富同滿足。香蒜炸雞翼份量都比得好夠，雞翼好香好脆，有好香蒜味，唔會好重蒜，食完唔會怕成口蒜味。叫左兩杯飲品，一杯百香果桂花烏龍一杯青檸袖子蜜。兩杯都唔係好甜，味道適中，我個人比較鍾意百香果個杯。…查看更多

難得去荃灣，朋友介紹左食這間餐廳，我們兩個人試了個時令食品鮫鰈魚刺身(六切)，口感好特別，有淡淡的柚子味，第一次試尼種魚肉質都好爽口同好新鮮。山口-壽司盛盒，見到有甘多款壽司，打算試一下，total有16件壽司，有三文魚、牡丹蝦、魷魚、油甘魚，花之戀，蟹柳，墨魚，帆立貝，三文魚籽等等。每一款都係我鍾意食嘅壽司，而且仲好新鮮，見住師傅即時做，呢一個我好推薦。炙燒三文魚左口魚背玉子飯 配牛肉手打烏冬 三文魚同左口魚嘅份量都比得好足，唔知係咪因為燒過嘅原因，所以每一快到入口即溶，好香油甘味，超級滿足。另外牛肉手打烏冬，牛肉採用左肥牛，而烏冬都好彈牙。好耐冇食過海膽，加上店員介紹我就叫咗一件北海道海膽試吓，味道好清甜，一啖咬落去滿滿嘅海膽，超級滿足。驚唔夠飽，我們仲叫咗一份章魚小丸子，有六粒，每粒都熱辣辣整到外脆內軟。整體來講呢間餐廳可以再嚟食多次。…查看更多

我最近到了元朗行街，見到呢間餐廳人流幾多。 石板A5宮崎和牛厚切，和牛肉質柔軟，放係石板的烤製方式鮮嫩多汁，本身有7成熟，如果怕生就可以自己再烤多一陣，我非常推薦叫呢個。海產細味六杯蠔，有三個口味包括泰式醬蠔，雞尾酒醬蠔同經典日式酸汁，蠔新鮮肥美，好大隻，又唔腥，絕對是生蠔愛好者不可錯過的一道菜。燒雞翼，鴛鴦翠肉瓜同牛舌芯，燒得啱啱好，燒雞翼非常入味，肉瓜清爽而多汁，有兩種芝士味，牛舌芯燒得啱啱好，很啱我的胃口。仲叫左火灸左口魚邊卷，味道獨特，好香而且入口即融，飯的調味都好好，吃起來非常鮮甜，整體來説是值得點。除左堂食仲有得外賣，好似有關東煮，外賣壽司等等。。。。…查看更多

第一次食天鳥居酒屋，經過附近就同屋企人去食。睇餐牌見到有個好特別的壽司長推介-竹籤魚，除左呢個，我們二個人仲點了拖羅三色丼，八件壽司盛合連一個迷你牛肉烏冬定食。推薦嘅竹籤魚，第一次聽好有趣，未試過就試吓，食落肉質好爽口，好結實，感覺非常鮮，佢層皮我以為會好腥，點知出奇地一啲腥都冇，仲係好香有種煙熏味，皮應該有稍稍燒過。拖羅三色丼，用量比得好足，有滿滿拖羅蓉，仲有帶子同三文魚子，真係好新鮮，啲魚子粒粒都好大粒，一咬落去好多汁，好滿足，拖羅蓉俾得好厚，我覺得呢碗飯可以兩個人分享，再叫啲小食就好飽。八件壽司定食，包括左湯，前菜，小食，主食同甜品。麵豉湯唔會太鹹亦都唔太淡，味道啱啱好。前菜方面係櫻花蝦沙律菜，小食係辣螺，螺好彈牙，過下口癮都好開心。嚟到主食有三文魚腩，刺身蝦，帶子，生芥末八爪魚等等，全部都好鮮甜，係好嘅魚生，每舊魚生都好厚肉，啖啖肉好正。另外仲揀咗個迷你牛肉烏冬，仲有另外一款蟹柳烏冬㗎，值得一讚係烏冬好彈牙，真係手工烏冬，比既牛肉份量都夠食。甜品方面，當日送咗抹茶蕨餅。…查看更多

粉嶺一直都沒咩好食，想食燒肉，見到有呢間放題，估唔到平日都甘多人。第一次試每樣叫啲雞牛羊豬同海鮮都有點，仲點左啲前菜米子凍豆腐同海蜇野菜沙律。雞肉有好多選擇韓式芝士雞腿肉，雞翼等等，最正係有一盤芝士，將他整溶之後可以將雞肉整到拉絲效果。好正，啲雞肉好嫩滑。仲有其他雞款，例如辣味噌雞腿肉，岩鹽日本雞頸肉，辣味噌日本雞頸肉， 都調味得好好。牛有個叫牛十品，包括牛舌，牛仔骨，牛腹肉，肩胛牛肉眼，牛板腱、牛頸脊，牛五花肉等，全部牛分佈都好靚，好有牛味，我中意壺漬鮮滑牛，好新鮮。食到尼到已經有小小飽，豬方面，做到肥瘦均勻，我中意辣味豬腩片，他們仲有豚肉條，岩鹽豬腩片和美國梅肉。羊架超大件，啖啖肉海鮮有三文魚鯺，魷魚，青口，甲羅燒，多春魚同帆立貝，魷魚真係好正，好彈牙，我用甲羅燒拌落香蔥玉子飯食 一流的享受。蔬菜，我最愛食日本小甜薯加左小小牛油，好香，仲有翠肉瓜，菠蘿，雞髀菇，日本甜蕃薯，秋葵，粟米，樣樣都好足量，菠蘿燒完超級甜。飲品方面任飲，有啲自家製茶飲，有啲就係紙包飲品…查看更多

住天水圍既朋友介紹呢間千葉鳥日本野，我就拉埋我朋友去，我地兩個人叫左千葉鳥特選大大粒魚生飯，鹽燒厚切牛舌心（2串)，吉列日本廣島生蠔（5隻），三文魚花之戀壽司，極上壽司盛合。 千葉鳥特選大大粒魚生飯有墨魚，泰式生蝦，三文魚籽，馬糞海膽，芥辣八爪魚，蔥碎拖羅，三文魚，希靈魚等，但當日店員話無海膽改成三文魚籽，姐係有兩份三文魚籽，我發現魚生每款都切得好大粒，好抵食，個飯都同平時餐廳唔同，是有經過調味，唔係壽司白飯黎。 鹽燒厚切牛舌心（2串)好好食，比得好大塊，燒得啱啱好，入口即化推薦。 吉列日本廣島生蠔（5隻）每隻蠔都好肥，好大隻，炸粉唔太厚，夠薄，咬落好脆，好香口，仲有蠔汁，配左個特別既沙拉醬，份量都真係多。 三文魚花之戀我最中意花之戀壽司，蟹子比得好足，三文魚都好靚。極上壽司盛合有油甘魚，泰式生蝦，熟蝦，三文魚籽，三文魚，吞拿魚，蟹膏壽司，帶子壽司，花之戀，拖羅卷同玉子，壽司飯都係經過特別處理，不是白飯。玉子夠甜。 …查看更多

校長燒肉間舖名成日都聽，但一直都冇去食，今次屋企人生日，屋企人就話想去試試。上到去個陣發現個裝修都好特別，我地揀左有刺身食個個餐，行去位個陣見到有好多野食揀，兩張長枱滿晒野食。肉類基本上豬牛雞都有，我最中意食雞軟骨，所以都燒左好多黎食，肉類全部都有醃過，必食土匪雞翼，有啲係麻辣有啲就用黑椒，仲要有埋海鮮好掂，好似係魷魚，多春魚等都有。食番回本當然唔小得有刺身，總類都有好多，三文魚，帶子連呑拿魚都有，我食左幾round。熟壽司我估唔到有花之戀所以我都拎左唔少。估唔到仲有點心食，我食左小籠包，同酒樓個啲一樣都會爆汁。仲有啲熟食都refill得好快。飲品有幾個大雪櫃仼揀，好多選擇。仲有得用茶葉即沖茶，自己揀茶葉。甜品方面都超多款，我最鍾意係香芋奶凍，好香芋頭同奶味好濃，仲有其他味即奶凍，我地都食得好飽。…查看更多

上網揾到附近有間居酒屋，諗住今次豪氣啲食下好野，啲位係2樓，估唔到平日都有甘多人。我地叫左A5宮崎和牛他他配洋蔥，日本啤酒拉麵，海產細味六杯蠔同濃煮鮑魚豚角。 A5宮崎和牛他他黎到有職員教點樣食，將雞蛋撈落洋蔥到加埋和牛點醬汁食，和牛有溶落口既口感，而邊邊位係燒過加埋啲洋蔥同醬汁有好豐富既口感，係我最推薦既海產細味六杯蠔蠔有三個口味，泰式醬蠔，雞尾酒醬蠔同經典日式酸汁蠔，每個口味都有兩杯，我中意泰式醬口味，辣辣地好啱我口味，同埋食落口隻蠔都好新鮮，肥美，正！日本啤酒拉麵 一開頭叫呢個餸真係以為佢係啤酒做，黎到係成個啤酒杯上，好逼真，上面仲有忌廉扮啤酒泡好可愛，仲比個長筷子，啲麵好彈牙，好中意個口感，同埋個忌廉加埋一齊好夾好好食。濃煮鮑魚豚角醃得好夠味，啲肉同鮑魚好淋，同埋啲肉肥瘦均勻，似係好靚既五花肉。啲蘿蔔都索晒啲汁，個蛋都夠晒入味。仲有兩杯野飲我就比較推薦葡萄檸冰，個甜度就啱我啲，濃味小小，另一杯係百香果撞橙冰就比較清新冇咁甜。 …查看更多

成日行旺角都想食下甜品，見到新開左間甜品叫杏甜品，上網見到原來尖沙咀都有分店，旺角個間就細啲，但都好滿人。入到去店員有講到佢地推薦木蓮凍系列，我地就試左芒椰木蓮凍。 芒椰木蓮凍我完全無諗過甘大碗，除左有木蓮凍仲有芒果冰，芒果果粒，四隻色小芋圓同椰果，色彩繽紛，好吸引~ 木蓮凍個口感好似仙草甘，食落都係超滑，木蓮凍本身無味，係靠個甜品湯底既味，但因為佢地舖頭主打既甜品都係低甜，天然，所以食晒成碗都唔覺得死甜。椰皇貓山皇燉雙皮奶雖然佢冇得揀熱食，但我為左貓山皇我就試試佢，第一啖一定係試左貓山皇冰先，佢真係真材實料，每啖都係一絲絲既榴連蓉真係估唔到，個椰皇原隻上，食完啲滑啫啫既雙皮奶之後仲可以食埋啲椰肉。…查看更多

東涌一日游，去完昂平360，行下東薈城就係附近揾下有咩食，同屋企人食都會揾啲大件夾抵食的餐廳，見有大排檔就去試試。我地叫左例牌燒鵝，黃金(鹹蛋黃)鮮魷，蒜蓉炒時菜(菜心)同蜜糖黑椒薯仔牛柳粒。全部餸黎到都係熱辣辣。例牌燒鵝，唔知係唔係啱啱做好所以好脆同埋啲燒鵝都好令，肥瘦平均。鹹蛋黃鮮魷，每件都大大舊同鹹蛋黃每件都沾滿。蒜蓉炒時菜，啲菜加蒜蓉好香。蜜糖黑椒薯仔牛柳粒，啲蜜糖比得夠多，每啖都好甜，我本身就中意食蜜糖，所以就好中意尼道菜，薯仔係脆有炸過，牛柳唔會咬唔開。整體上，每樣菜都好有穫氣，係真正的大排檔值得一贊的是服務員個個態度都好好。一定有下次，我臨走前仲見到即場燒緊乳豬，下次等我又order先。見平日都滿座，建議黎之前先book位。…查看更多

今日黎沙田睇蠟筆小新，順便食下野，今次比我又見到間泰國餐廳，我地就再試過第二款菜色，餐廳都幾多人，好彩唔洗等位。一坐低服務員就比左個小食蝦片，不過要收費，所以我地無要到，因爲星期六日無lunch set, 甘我地就單嗌左啲食物。青木瓜沙律加燒豬頸肉青木瓜沙律走左辣, 青木瓜好爽口，不過分量可以再多啲。豬頸肉個邊邊位燒得好脆同好香肥廋均匀，個汁都好正宗。 花膠雞絲斑蘭金麵原來個湯底係黃咖哩，好香咖哩味同埋好濃，啲汁掛係啲麵到，啖啖都有咖哩汁，正。個麵綠色應該係用斑蘭做，麵都彈牙。雞絲分量都算多同幾淋。花膠有幾塊，但估唔到係脆口，我平時食開淋，所以都幾特別。 剩低既咖哩汁我叫左印度薄餅，食埋佢唔浪費，有兩大塊點咖喱食真係好正，薄餅熱辣辣，好酥脆。…查看更多

今次去左個少女心爆發的餐廳，係openrice見到尼間泰國餐廳用粉紅色做主題，打卡一流，兩個人叫左兩個主食同一個拼盤。上菜前每台都有蝦片做餐前小食。我地分別叫左菠蘿肉鬆海鮮炒飯同泰式牛肉船麵菠蘿肉鬆海鮮炒飯個飯係原個菠蘿上, 飯上面有大大隻蝦，蝦夠彈牙，除左有蝦仲有青口，元貝等，比既海鮮一啲都唔孤寒。炒飯炒到粒粒分明，夠乾，不過對於我重口味既人黎講就淡口左小小。泰式牛肉船麵係一個可以再encore既main，首先食船麵緊係要飲左個湯底先，個湯好濃牛肉味，試左啲麵，夠掛汁。仲有牛展，整得好淋；牛丸，好彈牙，仲食得出好重牛味；牛根，牛百葉，牛肉係半生熟，可以自己決定熟度同炸豬皮。脆雞拼盤，賣相靚，有3種食法，松露雞翼，上面淋滿松露醬；咸蛋黃雞粒，啖啖肉同好香既咸蛋黃，一啲都唔漏同辣味雞槌好過癮，辣辣地。…查看更多

果日同朋友尖沙咀行街突然想食港式野就係openrice search ，揾到呢間就試試。入到去諗唔到食咩就直接叫了個二人餐，餐包左兩碗例湯，兩個招牌太子鵝油撈麵，鹽焗手撕雞，冬菇醬皇豬手，鹽焗雞腎，酸辣雲耳，郊外油菜同兩杯飲品。招牌太子鵝油撈麵真係必食💗，麵做得夠乾身同食落彈牙，仲食到同聞到陣陣鵝油味，好香。鹽焗手撕雞，整好晒一條條雞肉，好方便，調味都做得好惹味。😋冬菇醬皇豬手，啲冬菇同豬手都整的好淋。鹽焗雞腎，就稍稍遜色，感覺無咩味。酸辣雲耳，啲辣味好夠，酸酸地好開胃。郊外油菜， 啲菜夠新鮮，好翠綠再淋上蠔油。飲品方面，我地一杯叫了特飲阿華田，好值得一試，一杯熱好克力，飲品有驚喜，同出面餐廳比較，他們的冲粉夠味好多。二人餐兩個人係食唔晒， 以呢個價錢黎講，真係幾值得去食~大推鵝油撈麵。🤫…查看更多

一直都想試下西班牙油炸鬼，但香港好少有Churros既舖，見尖沙咀有就去試下。我買左個set 3個原味Churros，加左榛子醬。Churros上有好多肉桂砂糖，拎上手仲係暖暖地，咬落超級脆，啖啖肉桂糖，加埋榛子醬，真係卡路里max，但值得去食外脆內軟的口感，食完一條已經好飽，下次先試其他味…查看更多