雯廸小姐的個人專頁

上個月尾有晚去咗呢度同朋友飯聚, 第一次幫襯, 試咗幾款嘢食都好滿意, 睇得出係有heart製作食物, 整體好impressed! <蘇梅杏片蝦>呢款冷盤幾有驚喜, 虎蝦刺身新鮮爽彈, 配合埋酸酸甜甜嘅醬汁同脆卜卜嘅杏仁片一齊食, 相當之夾同開胃~<日式叉燒麻糬堡 配手工炸薯條>呢個係相當滿意嘅一碟, 首先用麻糬嚟做漢堡皮已經幾盞鬼, menu寫住麻糬係用窩夫機新鮮烘夾出嚟, 食落口感煙韌相當唔錯~ 而日式叉燒比起喺拉麵舖食開嗰種好食好多! 叉燒肉質半肥瘦 一啲都唔柴, 而且望落係炙燒過 所以味道勁香, 中間夾住嘅沙律菜同蕃茄亦都剛好中和咗叉燒嘅一點點油脂~ 啲薯條色澤金黃, 一樣整得好好味, 炸得好香脆, 而且口感特別, 同坊間食開嘅唔同的~ btw 佢仲可以加錢轉炸菇條或炸南瓜<鰻魚炒飯>炒飯上枱時香噴噴, 賣相相當之吸引, 個飯炒得好靚 做到米粒分明, 珍珠米嘅口感亦都飽滿煙韌. 最緊要係鰻魚汁嘅味道都好恰當, 帶一點甜, 又唔會過鹹.  鰻魚份量仲要好大方又大大粒, 可以食到鰻魚綿密同軟嫩嘅口感~ 入面仲夾雜啲翠玉瓜, 甘荀,洋蔥, 蛋等等, 加添多啲口感! <炸手工薯條>因為覺得個炸薯條太正所以再專登叫多一客! 一樣係熱辣辣炸起, 每條都好粗身, 望落係原隻薯仔切一條條咁炸, 所以食到真薯仔肉嘅口感~ <清酒煮蜆>一向食日本嘢都好鍾意叫清酒煮蜆, 因為清酒同蜆實在是絕配! 第一時間飲啖湯試下先, 個湯好香濃好鮮味 飲咗好多啖! 蜆嘅份量好足而且新鮮, 用清酒煮令到蜆肉食落更加鮮甜!<抹茶紅豆烙芙>雖然已經飽咗7成, 但都想叫呢度出名嘅烙芙甜品試下. 入口有泡芙嗰種輕盈鬆軟, 食多幾舊都零負擔. 抹茶醬質地幼滑細膩, 茶味甘香醇厚, 每啖都有陣陣回甘! 配埋濃郁綿密嘅紅豆, 整體甜而不膩, 真心好食!<焦糖瑪奇朵>見到隔離枱杯啡好吸引, 忍唔住都嗌一杯試試. 云云選擇之下 揀咗Caramel Macchiato, 焦糖味夠突出, 奶味同咖啡味都好balanced 好香! 上面仲有兩粒爆谷點綴下~…查看更多

前一排有天下午在始創中心吃完下午茶準備離開之際, 外面竟突然下著滂沱大雨, 是即使有縮骨傘也會淋濕身那種...於是唯有在商場閒逛等一下吧. 行行下便見到遠處有堆人圍著不知在看什麼, 行近點看便見到原來這裡有個半熟工房的小檔攤, 是有職員在派半熟蛋糕試食! 半熟蛋糕我之前也有吃過, 所以便不再拿試食了, 反而買了一直想吃的布雪蛋糕試一試, 每個$18尺寸不細, 還OK啦, 買罷剛好開始細雨, 便立刻趁快回家了.回家後首先給相機先吃, 拿上手發現質地真的十分蓬鬆軟綿! 要慢慢溫柔地從包裝袋拿出來好讓它們不會被我按扁....蛋糕的外層那些白色的糖霜粉末真的挺像雪的, 唔通就是代表布雪的"雪"字?.....先吃一口"芝士味布雪", 內裡的cream有很香的芝士味, 是帶一點點鹹味的芝士, 質感很幼滑.....再吃一口"開心果味布雪", 味道不假, 開心果味挺突出的, 像我一樣喜歡開心果味道的人應該會很啱吃, 內裡的cream同樣柔滑, 兩個味道都好好吃, 也不會過甜, 重點是整個吃起來口感很好!…查看更多

前日食過午飯後經過這間餅店, 看到櫥窗上貼著一張蛋糕poster, 蛋糕樣子幾吸引, 又標榜選用Anchor鮮忌廉芝士, 就進入店內看看實物, 見實物與圖片相符, 價錢不貴 ($108), 由於我特別喜歡這種舖滿白色cream的蛋糕, 很快便決定買這個季節限定的"香檸果凍芝士蛋糕"試一試! 回家後先切一小件試味, 表層的cream打得夠滑, 雪白的cream下面就是一層薄薄的香檸果凍, 再之後就是芝士蛋糕, 而最後以一層牛油餅碎墊底. 香檸果凍的質感有點像果醬, 味道有點微酸又帶有檸檬清香, 食落好清新! 芝士蛋糕也夠creamy, 芝士味幾香, 配合埋香檸味一齊吃幾好食, 餅底的牛油味都幾香. 蛋糕整體也不會太甜, 質素比預期好, 下次有機會都試試他們另一款蛋糕!:)…查看更多

前一排來這裡試一試他們的食物質素, 可能因為是閒日的下午茶時間, 只有四五枱食客, 餐廳地方頗大, 空間感很足夠. 裝潢也不錯, 看得出他們想營造一些歐陸風...不過地方清潔有待改善...看見卡位地下有不少垃圾..而且出去斟飲品的枱面也不太整潔...食物方面, 下午茶都不少選擇, 有幾款飯, 有湯麵, 有些小食多士三文治之類的, 我就點了一客瑞士汁豬軟骨飯, $29包任斟飲品, 個飯味道都可以, 豬軟骨份量超多....多到有點驚訝, 因為真是完全填滿了那個放餸的小碗!每件豬軟骨也是大大件, 瑞士汁幾入味, 唔太鹹, 豬軟骨肉質也不算韌. 但飲品真的頗差...任斟好像很抵...我一下單後侍應就示意我可以出去斟飲品, 我見到有兩部可以斟咖啡和朱古力的機..但一部壞了..另一部感覺很久沒抹過....所以放棄了..還有一部汽水機..但試飲過兩款都像糖水一般...勁甜..最後見到有些茶包..我拿一個用來沖熱水算了我寧願佢提供正常一杯飲品就算..…查看更多

今日咁啱有事要到中環IFC做，所以順道來這裡買個芝士蛋糕。這個雙層芝士蛋糕好像是這個品牌的Signature Product，但一直未有機會試過它，反而試過其他品牌的同類蛋糕，例如Luna Cake，Tokyo Milk Cheese Factory，半熟工房。先講LeTAO這款，外觀是挺不錯的，切開都是分成上下兩層，上層是口感像雪糕的半熟乳酪蛋糕，味道只吃到是牛乳味，缺乏芝士香味。當我期待下層的烘焙芝士蛋糕會有濃郁一點的芝士香時，怎料下層的口感味道就跟普通蛋糕無什麼分別。。說實話我會懷疑這款蛋糕其實會不會只是牛乳蛋糕而已吃不出芝士味來啊。。雖然整體口感尚可接受，不過我有點後悔買了它。。＄220應有更好選擇啊。。如果要跟其他三間品牌的同類蛋糕比較，我覺得最合我口味是半熟工房，其次是Luna Cake，再到LeTAO，最低分則是最甜膩的Tokyo Milk Cheese Factory。。…查看更多

有個星期日晚探完朋友的BB就來了樓下商場食飯, 原來個商場得一間酒樓和一間茶餐廳..間茶餐廳門口放滿易拉架banner貌似好多款式選擇, 就食佢啦! 這間茶餐廳是快餐店式付款點餐, 再返回座位等侍應送來的. 我在門外已經望見一個好吸引的"健康蕃茄之選"banner, 所以點了"蕃茄滑蛋濃湯米線配炸魚柳"! 約十分鐘左右, 我碗米線就送上了. 賣相幾討好, 湯底望落都幾濃, 有好多件蕃茄, 還灑了些香草碎在碗中間! 第一啖當然要試試湯底先啦, 飲落雖然唔係好濃稠, 但作為米線湯底的話這種質地已經合適了. 味道酸甜適中, 幾開胃. 入面份滑蛋都唔算細份, 但比我想像中煎得熟了點, 開頭我以為係大家樂早餐好滑嗰種, 不過我都幾喜歡煎蛋的口感.  隔了幾分鐘, 我的炸魚柳都送上了, 即炸熱辣辣, 幾香脆, 點埋沙津醬食都唔錯. 包埋熱飲要四十多元, 價錢都合理既, 不過如果價錢三十幾應該會吸引D.…查看更多

早前來太興吃了下午茶, 點了台南肉燥米粉和招牌冰鎮奶茶, 冰鎮奶茶是一貫的茶味濃~奶香滑! 很喜歡這裡的奶茶, 唔洗怕冰溶後愈飲愈淡! 好飲~台南肉燥米粉是第一次點的, 比想像中好吃, 肉燥味道不錯不過有點肥膩, 份量也好足夠, 夠我撈勻整碟米粉! 而我估計他們是用了台灣新竹米粉, 口感煙韌有咬口, 質地爽滑, 撈埋肉燥食是不錯的! 整體味道也不會過鹹. 旁邊仲有兩條菜心balance一下!…查看更多

昨晚突然諗起老表雲吞麵好耐冇食過, 見自己一個人就入去食番碗諗住回味下...呢間雲吞麵好多年前成日食, 數數手指已經有十一二年冇食, 想當年做學生貪平周不時都會食....可惜, 食完今次之後覺得好失望, 可能都唔會再食了... 落單後約3分鐘後, 阿姐一放低個麵 我已經聞到少少梘水味....一食落口.....好大陣梘水味....唔止D麵..咬粒雲吞都覺得入面有梘水味...唔知係咪粒雲吞放在湯內吸晒D梘水味還是粒雲吞的做法都用了梘水........好彩蝦算爽, 感覺都算新鮮, 但係3粒雲吞入面既蝦都未挑腸..要我自己挑番出來.......不過如果冇梘水味的話 粒雲吞大大粒都算還可以的...而個麵底普普通通...唔屬於爽口彈牙又唔算林patpat, 不過都係果句...咁大陣梘水味真係怕怕..…查看更多

早排有次午餐食過呢一間吉豚屋吉列豬扒專門店, 揀左"吉列炸蝦黃金餅定食" ($59),  跟白飯和野菜豚肉湯(小), 仲送一杯飲品.  吉列炸蝦的實物比圖片細和幼, 除了吉列炸粉部份, 蝦身比較幼細..所以食落口感普普通通, 而且兩隻蝦都係暖而已, 不是剛炸起的. 黃金餅就還可以, 味道OK, 入面有啲豬肉咁, 不過食多兩啖唔知點解覺得有少少漏. 底下墊了一大堆椰菜絲, 可以沾少少麻醬食. 成個定食我比較喜歡野菜豚肉湯(小), 一碗細細碗既湯入面都幾足料, 有幾片薄薄的豚肉, 有薄薄的白蘿蔔片, 都幾好飲!飲品我揀左提子特飲, 呢杯應該係現成的飲品放杯, 亦都幾好飲, 唔係好甜.…查看更多

前兩晚食呢碗喇沙香茅豬扒湯米線，第一次在燉奶佬既米線，味道都唔錯喎，有齊張menu影出嚟嘅配菜：半隻蛋，兩件豆腐，兩條生菜，一隻蝦，芽菜，當然仲有豬扒啦，雖然樣樣都係一兩件但係感覺都幾豐富，塊豬扒肉質都幾稔，香茅味幾香，米線質地都煮得剛剛好，而喇沙湯底都ok，雖然應該唔係正宗喇沙，不過$46有碗米線再加個糖水真係幾抵了。糖水揀咗個椰汁綠豆西米露(凍)，同出面甜品店嘅西米露都差唔多！唔會太甜，幾好味!…查看更多