為食鼻涕蟲的個人專頁

MEGABOX愈黎愈多野行多野玩又有UA戲院又有溜冰場又有吉之島又有IKEA又有................今次吾係想介紹MEGABOX有咩好去處...，而係想講鳴門吾好以為吾多就腳既ＭＥＧＡＢＯＸ入面冇咩食鋪，反之愈開愈多。果日我揀食咩都諗到頭痕，又８番又ＭＯＳ　ＢＵＲＧＥＲ又太興又Ｍ記。。。我都差Ｄ以為自己患上選擇恐懼症，因為間間都好想食呀最後俾我離遠見到鳴門。即刻諗起火影忍者勁好抽既鳴門。發火影忍者狂既我就即刻咩都吾諗食左先至講一坐低就有人叫果句日文"歡迎光臨" 餐牌選擇好多，單點壽司又得，點餐又得，小食又得。得左諗好就叫：：：：：咖哩吉列豬扒飯：＄４０佢係一份餐包汽水同麵豉湯。抵到爛喇。包咁多野都係咁既價錢。友人又話我點解又叫吉列豬扒？哈哈，一塊好食既吉列豬扒其實好難整，你又吾可以炸得耐，肉同粉既比例要剛剛好，吾係成口粉邊好食，粉少得滯又吾得，吾係就同食淨豬扒無異。友人聽到我番理論就笑我身型與豬扒無異 -口-呢度既豬扒就做到符合我既理論，可惜既係佢既咖哩汁淋係豬扒上面，又吾知佢等左幾耐先拎出黎，搞到豬扒"林左"，相對地冇咁好食。撇除呢樣野吾講，其實呢個咖哩汁加呢個飯都幾好食，咖哩汁吾係太，可以接受。淨食汁加飯都可以壽司餐：＄６８包烏冬加汽水。友人話三文魚好新鮮，說時遲那時快，佢已經叫多兩碟壽司。俾佢咁講一講我又過河偷食多件，嘩，加州卷好好食呀。本人食加州卷無數，吾係誇張，又或者係我食得好野少ＯＲ各人口味不同，我真心覺得呢間野既加州卷好食過元氣，元綠，板長板前等..... ＳＩＺＥ剛剛好，入口一咬，一爆開好好食呀。（實不相瞞，本人除左係火影忍者發燒友，仲係加州卷忠實ＦＡＮＳ）友人既瘋狂後果：燒三文魚加鰻魚 好彩佢有叫咋...如果吾係我都吾知原來吾跟餐既壽司原來都勁好食。（吾通更好食既通常餐都冇？）燒三文魚坦白講好食過板前板長＄６／２件果Ｄ。燒得剛好吾太咸吾太燶，既不破壞三文魚鮮味，亦為佢增添一份野味。鰻魚我就覺得都算好食，不過同其他大店亦冇咩分別。反而友人就讚到佢天上有地下冇（吾通佢係專登唱反調？）佢話鰻魚大不在話下，且冇骨，汁同飯既比例恰到好處（大家可以從小妹新手技術既單鏡機見到）總括黎講值得一試 ^0^…查看更多

聽人講話翡翠拉麵小籠包勁正，所以一試可能去果陣仲早(17:51)所以冇咩人，好快有位一坐低侍應就奉茶，杯茶冇咩茶(扣印象分)一打開餐牌，小菜大多六七十蚊一碟對一個學生黎講都幾貴下...不過如果好食就另計叫左三樣餸：京蔥爆牛肉，小籠包，上海粗炒京蔥爆牛肉：驚喜之作，原本諗著間野叫翡翠拉麵小籠包。最出名一定係拉麵ｏｒ小籠包。點知京蔥爆牛肉出奇地好食，牛肉煮得剛好，連伴菜洋蔥都好好食。小籠包：好多人話呢間野既小籠包好好食，一試下覺得不過不失。皮吾夠薄，湯亦吾夠味....試問咁又點會好食呢?上海粗炒：味道同出面既上海鋪無異，但價錢就差Ｄ，呢度貴好多總括而言，名大過實。出面好多上海鋪都好食過佢Ｄ小籠包。我成餐飯就覺得自己係俾錢食氣氛食環境 -口- …查看更多

本人以往都常光顧的放題是奧海城郎田日式放題。最近聽聞旺角登打士街亦開新店，故此一試。走上２層樓梯（當時並不知道該座大廈有前門且有電梯），此時是傍晚５：４５，店舖內只有一兩台客，所以即時可以入座。由於此店是新開張，故傢俬較新，裝修亦算好，氣氛有日本風味，不知道是否這個原因，該晚胃口六特別佳。食物選擇單與奧海城分店一樣，點了三文魚，豬肉雞軟骨餃子，魷魚餅，雞軟骨，天婦羅蝦，加州卷，雪糕等......逐一介紹：－－－－－－－－三文魚：挺新鮮，叫五片足五片，大小一樣，切得挺厚身豬肉雞軟骨餃子：即叫即炸，上台時還是熱滾滾，炸得剛剛好魷魚餅：亦是即叫即煎，亦街邊小食店無異雞軟骨：好食（本人熱愛食雞軟骨），鹽燒雞軟骨，比街邊＄８一串ＯＲ＄１１三串更為好食。咸度適中，雞軟骨亦見大粒天婦羅蝦：略嫌炸得太粉加州卷：飯團握得太緊不太好吃雪糕：多口味選擇（特別推介芝麻ＡＮＤ忌廉曲奇）由於是任點任飲的關係，有多款飲品供選擇。本人建議不好選汽水，比較容易飽，可以點熱茶，較消滯。最值得一讚是其服務，一進店，店員熱切招待。可能是新開張關係，經理兩次詢問各台食客的食後感，感覺上是對店有熱誠，是想令店舖更精益求精，更加進步。對此我當然不對經理的詢問覺得煩擾，加上經理更每台送上未推出的食品。隔台是送蠔；我台是送章魚丸（好像是），本人認為不太好吃，丸上的汁是敗筆地方，或許少了汁會較好吃些。另外漏單情況未有出現。Ｐ.Ｓ.本人第一次寫食評，不足之處多多包涵。…查看更多