小跳豆媽的個人專頁

呢餐飯主要係想慶祝我同老公考車成功，同埋順便拍下拖。我鍾意平日夜晚入馬灣，因為人唔多，可以享受一下寧靜同悠閒。係青衣坐巴士入去都好快。係馬灣沙灘附近留意到呢間新開的餐廳（RIVA 灣 Bar & Grill），見到佢好寬敞，望海景同青馬大橋景，打卡一流！同埋菜式好多元化，所以決定一試。我鍾意餐桌上的小蠟燭，增添情調。我揀左seafood paella (西班牙海鮮飯)。圓鑊盛住香噴噴的燉飯，非常賞心悅目。雖然睇落去細細鑊，但由於係燉飯，食完都好飽。老公點左shawarma lamb(沙威瑪羊肉） 。滿滿的烤羊肉，配上pita bread(比得包）、薯條同salad，份量十足。pita bread中間有個「口袋」，係由蒸氣膨漲形成，可以放d羊肉入去，非常有趣。我平時唔多食羊，怕羊羶味。但呢個羊肉我唔覺羶，好入到口。salad亦好fresh。飲品方面，我個杯係Sex on the beach。我覺得Sex on the beach係好適合女仔飲的cocktail，粉色的cocktail好非常討好，加上甜甜的peach味。伏特加味剛剛好，唔會太烈，非常易入口。老公就飲Margarita。相對我個杯，佢個杯烈d，用上tequila (龍舌蘭酒）、檸檬汁等。杯口上粘左一層鹽，令飲品口味更加有層次，亦都好開胃。食完飯去左沙灘散步，享受久違的寧靜。整體黎講，餐廳食物資素有水準，服務態度良好，加上靚景，值得再去🥰…查看更多

我一向鍾意去特色主題餐廳，因為出街食除左食物質素外，環境都好重要! 雖然自己唔係足球粉絲，但係我見Lockerroom係openrice的環境好特別，用阿仙奴做主題，菜式都好精美，所以決定一試！一入到餐廳已經覺得環境好別緻，主色用鮮明的綠色同紅色，令人聯想起球場同阿仙奴球隊。窗邊掛滿波衫，連職員制服都係波衫設計。餐廳一角亦展示左獎杯、獎牌、手套、相等。我諗老闆一定好鍾意阿仙奴。晚餐有set dinner,包沙津、包、湯，主菜同指定飲品（紅茶）。南瓜湯好飲。我係到都點左美國肉眼扒同法國鵝肝。牛扒好嫩滑多汁，又唔會肥膩。鵝肝比較細塊，不過勝在入口即溶。屋企人點左波士頓龍蝦配白松露忌廉意大利飯。我都試左d。龍蝦好好食，好鮮甜。最後仲叫左心太軟，食下甜品獎勵自己。…查看更多

去開荔枝角，夜晚係D2 Place搵野食。上次食過金鳳其他分店覺得唔錯，今次就試下D2 Place呢間。D2 Place金鳳人流好旺，坐滿人，需要等位先有得入座。金鳳的扒餐包餐包、餐湯同飲品，都幾抵。餐湯我揀左紅湯，好濃蕃茄味，我幾鍾意。餐包送上黎係暖的，幾貼心。我今次揀左西冷扒，肉質算細嫩，同時又大件夾抵食，食到好飽。老公揀左羊扒，我怕羊膻味無試到。老公食開羊肉就話覺得幾多汁幾好味。扒餐鐵版上，好夠溫熱度。職員亦都淋好多汁落去。飲品我另外加左錢，升級做雪糕紅豆冰。我鍾意港式懷舊飲品，雪糕紅豆冰好適合夏天! 飲品可以後上，咁就唔怕雪糕會溶。…查看更多

之前同老公講起好想鋸扒，佢就提議我去港式扒房金鳳。我今次第一次食，感覺唔錯。跟餐包餐包同餐飲，餐包送上黎係暖的，好驚喜！我同老公叫左一紅湯一白湯。紅湯味道較濃，亦都好足料。我叫左牛小排餐，老公叫左肉眼扒餐。我個人就鍾意牛小排多d，無肥膏，又啖啖肉，好正！牛扒大份，再伴d薯菜，食到好飽，好滿足！老公的肉眼扒偏肥，不過落單的時候，待應都有解釋過肉眼扒要有d肥膏同油脂先好味。佢有得揀蒜蓉汁或者黑淑汁。我同老公一人叫左一款，兩隻都好香濃！飲品當然要揀d特別的港式飲品！我揀左鴛鴦，老公就加錢升級左就特飲，揀左紅牛。本是利賓納配士多啤梨雪糕。但因士多啤梨雪糕賣完，就換左芒果雪糕。飲品配雪糕，感覺好有港式風味。整體黎講，食物價錢合理，食到好飽，下次會再黎。…查看更多

我一向鍾意西餐，所以今次去左位於尖沙咀山林道的［ JUST'er ］食晚餐。餐廳裝潢有心思，用左霓虹燈做裝飾, 混合左唔同原素。成間餐廳感覺好young同有活力👍! 餐牌D菜色名好搞笑，好有特色同創意! 其中一個菜色叫「屬性真龍系奇異花」 ($195)，大家估唔估到代表咩? 1、2、3，開估: 就係龍蝦+蝦+意粉! 其實我都係睇佢餐牌的英文名先知係咩菜色。我鍾意食海鮮，所以揀左「屬性真龍系奇異花🍀」。上碟貌相都好吸引，有原隻龍蝦，肉質爽口彈牙! 佢放左D伴菜係香濃的蕃茄意粉上面，所以取名為奇異花。我坐窗口位，見D路人經過都比碟「屬性真龍系奇異花」吸引，行過都會望兩眼👀! 當然，都唔排除係望我(厚顏無恥) (笑)。屋企人叫左焗秘製豬仔骨($128)。我都試左，豬仔骨好脆口，仲要勁多汁都入味，係BBQ醬，正呀! 另外，豬仔骨黎講，佢都算易切，方便食用!三分鐘舒緩經痛玫瑰花茶 $41我平時都鍾意飲花茶，望住花芯係杯入面浮轉，療癒又養生。三分鐘舒緩經痛玫瑰花茶微甜，非常易入口。整體黎講，係一間有質素的餐廳🥰…查看更多

疫情關係，好耐無去旅行。好掛住台灣夜市的美食。冇得去台灣都要食台灣嘢過下口癮！之前搭車經過鰂魚涌的台灣餐廳［好好便當］，已經覺得佢門面裝修好有心思，好有台灣風味！今次終於有機會去「好好便當」試下佢啲嘢食。餐廳入面裝修得好似台灣夜市， 好似 去咗台灣咁。我同屋企人兩個叫左塔香鹽酥雞香菇滷肉便當、櫻花蝦餅肉燥乾拌麵、台灣香腸、蒜香豆腐、香酥雞排、冬瓜茶同荔枝紅茶。 加埋都唔使二百蚊， 感覺好抵食！ 我最鍾意佢哋嘅鹽酥雞， 好脆口， 又好夠味， 食完感覺好滿足！ 其他食品都一樣好好味， 煮完熱辣辣上碟！ 嗰陣職員仲好貼心， 估到我同屋企人係share食， 有問我哋使唔使幫我哋剪細啲嘢食， 等我哋容易啲分， 好好服務！…查看更多

老公一向喜歡四出尋找異國美食，早前，他帶了我到位於馬灣的土耳其餐廳[熱沙咖啡 Coffee on the sand]。本身一聽馬灣，感覺很遙遠。不過原來青衣站附近有巴士去，只需15分鐘左右車程，比想像中快! 15分鐘就可遠離繁囂，其實相當划算🥰!從遠處見到熱沙咖啡 Coffee on the sand的彩籃色門口，已覺得很有度假的感覺⛱️。一進內便見到很精緻的裝潢及擺設，馬賽克燈充滿土耳其風情! 我引不住拍過不停! 由於我們早去，其他食客未到，所以可以趁機不停打卡，亦可和店長聊聊天! 店長指她曾在土耳其工作，而她的拍檔更是土耳其人，店內不少裝飾及餐具都來自土耳其，非常有特色。餐具放在一旁讓食客自取使用。我很喜歡土耳其茶壺，非常精美🏺! 拍夠就要開餐了，真心非常推薦它的招牌土耳其烤雞🍗。我一向喜歡在餐廳點烤雞，喜歡它烤到香噴噴的雞皮。不過，一般餐廳的烤雞會偏乾。熱沙咖啡 Coffee on the sand的招牌土耳其烤雞則完成沒有這個問題，烤雞非常多汁嫩滑，亦相當入味，我和老公都很喜歡，下次來也會點這道菜🍽️!老公亦點了雞肉烤餅🌮。我偷吃了一些。烤餅很脆口，雞肉很好吃，伴碟的沙律蔬菜亦引起了我的注意。沙律蔬菜有一種很特別的汁，酸酸甜甜的，跟平常吃的不一樣。趁店長有少少時間時，我問了她那是什麼汁。她告訴我那是紅石榴汁! 我覺得紅石榴汁跟沙律蔬菜搭配得很好。原來土耳其盛產紅石榴及無花果，所以也不時用來入菜。我以前很少飲咖啡，因為怕苦。但隨住年齡增長，慢慢就愛上了咖啡，喜歡它的香醇。來到這家餐廳當然要試試它的熱沙咖啡☕。原來熱沙咖啡除了可以熱飲外，也可泡一晚，再製成凍飲! 老公喜歡凍飲，所以他飲的是冷的熱沙咖啡。冷的熱沙咖啡非常易入口，也一樣的香濃，很適合夏天飲用。我很喜歡它的甘香，恰到好處。店長指將會推出便攜裝，到時出外也可飲到冷的熱沙咖啡了，很方便!餐廳內有個沙盤，原來客人可付費參加熱沙咖啡工作坊，親自嘗試用土耳其手法自煮熱沙咖啡☕! 一場來到，當然要試試! 我跟住店長指示，加入適當的材料。最好玩當然是把咖啡放在熱沙上打圈旋轉，讓咖啡沸騰，沸騰到剛滿了，就要馬上把咖啡拿出來，慢一秒就會溢出了呢! 幸好剛趕及拿出來，細滑的咖啡油亦出現了☕! 可以品嚐自己煮的熱沙咖啡，是個很特別的體驗! 完成體驗後，店長更送了一粒土耳其玫瑰糖及名信片給我呢!我們亦品嚐了新出的無花果甜品。我從未吃過無花果甜品，感覺相當新鮮! 無花果甜品的擺盤亦相當精美。新鮮的無花果被切成小塊，放在甜甜的朱古力片上，再加上玫瑰花瓣、海鹽及人手切碎的果仁，感覺就像一幅畫🌹🖼️! 碟上亦伴上蛋或乳酪芝士，口感相當有層次，令人一試難忘! 原來除了在店食用無花果甜品外，也可買來送禮呢! 店長指他們會推出母親節限定無花果甜品。…查看更多

香港人生活壓力大，我覺得無論日常幾忙，都需要安排時間比自己放鬆下❤ 。早前同閨密去左位於灣仔QRE Plaza的希臘餐廳Santorini Greek Taverna! 餐廳好雅緻同有情調，配上柔和的燈光。Santorini係希臘愛琴海上的島，島上有好多藍白色希臘小屋，深受遊客喜愛。Santorini Greek Taverna餐廳用藍白色作主色，牆上亦有藍白色希臘小屋掛畫，木餐枱餐櫈同陶器擺設係專誠由希臘空運到港。係餐廳彷如置身希臘，好適合情侶拍拖或者同閨密談心。餐廳仲有露天座位，非常有feel🥰。我一向鐘意芝士，不過煎封芝士真係未試過。今次試左希臘菜的煎封芝士Sagnanaki Cheese，佢用鐵板裝，所以送上黎係熱呼呼的，加上D芝士拉絲，真係好正! 不過最好同人share食，自己食會成個真係會太膩。我另一致愛就係青口，外國的青口係成桶成桶食的，以KG計!因為今次係兩個女仔，所以我地叫左0.5KG，佢有D薯菜同比塔餅做伴碟，非常開胃。青口我真係食唔停😊!Yoghurt我都一樣勁鍾意! 所以我叫左greek yoghurt做甜品。係希臘餐廳食greek yoghurt果然係唔同D，呢到D greek yoghurt比平時出面食的杰好多，好重奶油味，好正😆!飲品方面就揀左經典mojito， 鍾意佢夠清涼，酒味又恰到好處!成餐食到好飽，仲同閨密談心傾左好耐，非常滿足! 下次會再黎呢間餐廳👍!…查看更多

我一向鐘意泰菜，鐘意佢夠惹味! 今次試左位於慈雲山的「泰一流」餐廳的外賣，點左豬頸肉湯河，再配龍眼冰。佢的燒豬頸肉真心正，好香口，無肥膏，又啖啖肉，真係食唔停! 不過個湯河湯底感覺就好一般，似有味精，同材料唔多，可能下次試下豬頸肉配其他。龍眼冰都唔錯，甜甜地，適合夏天飲，非常清涼! 同埋感覺都幾大杯，跟餐+$10就有一杯，幾抵飲。總括來講算唔錯，因為價錢唔貴，唔洗$50，豬頸肉好味，飲品大杯! 不過下次唔叫湯河。…查看更多

北角一向美食多多， 今日小跳豆媽趁小跳豆返學， 去咗附近一間小店食雲吞麵。 小跳豆媽由細到大都鍾意食雲吞麵， 貪佢又平又好味。 想當年我讀書時期嗰陣，仲食緊$14雲吞麵， 不過隔咗咁耐 ，有通脹等因素 ，$14 雲吞麵就好難見到啦。 但係今日都畀我搵到$20碗雲吞麵。 餐廳位於 渣華道體育館斜對面， 細細間， 舊式裝修， 勝在夠經濟實惠。 雲吞麵入面有四粒雲吞，好足料，都算唔錯。 一路食仲一路見到啲員工喺度親手包緊雲吞。 我亦都見到有啲熟客同啲員工有傾有講，好有街坊人情味嘅感覺。 大家有興趣就去支持下啦， 始終香港小店愈來愈少。…查看更多

今日午市時間路經北角這間南洋餐廳，因為今天天氣很冷，我想吃些暖胃的食品。於是，我進去點了一個南洋肉骨茶配白飯。餐廳算寬敞明亮，挺新及乾淨，坐得很舒服，服務亦不錯。不過食品算細份，吃完約7成飽。食物有肉骨茶味，不過不是很重中藥味的那種，配料有肉， 豆卜及菇，吸了肉骨茶味，不錯，不過份量略少。午市$58,現在新開張有9折，折後$52,不過我覺得有點少貴。由於飲品要加錢，所以我沒有點。餐廳有水提供。不過如果希望特色飲品，也可以加$10，選擇龍眼水、薏米水、羅漢果水等。…查看更多